جۋالى اۋدانىندىق ب.مومىش ۇلى اۋىلى، اۋداندىق مادەنيەت ۇيىندە «قارتى بار ەل – قازىنالى ەل!» اۋداندىق قاريالار بايقاۋى ءوتتى. اقساقالدار «الامانىن» «جاستار رەسۋرستىق ورتالىعى» مەكەمەسى جانە ارداگەرلەر كەڭەسى ۇيىمداستىرتىردى.

جاستار اراسىندا عاسىرلار بويى قالىپتاسقان حالىق دانالىعىن ناسيحاتتاۋ، ۇرپاقتار ساباقتاستىعىن قالىپتاستىرۋعا، وسكەلەڭ ۇرپاققا ۇلتتىق ءتالىم – تاربيە بەرۋگە باعىتتالعان شارا قاريالارىمىزدىڭ ءوز ومىرلەرىنىڭ يگى كەزەڭدەرىن بايانداۋ، ۇلكەنگە ىزەت – تاربيەنىڭ باستاۋى ەكەندىگىن جاستارعا ۇعىندىرۋ جانە وسكەلەڭ ۇرپاقتى پاتريوتيزم رۋحىندا تاربيەلەۋ، ازاماتتىق سانا-سەزىمىن قالىپتاستىرۋدى ماقسات تۇتتى.

شارانى اۋدان اكىمىنىڭ ورىنباسارى اسحات جاباعى جانە ارداگەرلەر كەڭەسىنىڭ ءتوراعاسى ە.امانبەكوۆ اشىپ، بايقاۋعا قاتىسقان قاريالارعا ساتتىلىك تىلەدى. بايقاۋدا ءادىل – قازىلىق ەتكەن ب.مومىش ۇلى اۋىلى ارداگەرلەر كەڭەسىنىڭ ءتوراعاسى ك.داۋرەن ۇلى، «حالىق شىعارماشىلىعى جانە مادەني دەمالىس ورتالىعىنىڭ» كوركەمدىك جەتكەشىسى ر.قۋانىشوۆ، «جاڭا ءومىر – نوۆايا جيزن» قوعامدىق ساياسي گازەتىنىڭ گازەتىنىڭ باس رەداكتوردىڭ ورىنباسارى پ.شىمىرتاي قىزى، «جاستار رەسۋرستىق ورتالىعى» مەكەمەسىنىڭ ديرەكتورى م.تەلەۋشوۆ بايقاۋعا قاتىسقان قاريالارعا ءادىل باعاسىن بەردى.

بايقاۋ «بەردىم سالەم بارىڭە، ۇلكەن – كىشى كارىڭە»، «بەرەمىن باتا بارىڭە»، «ونەرلى وتباسى» سەكىلدى 3 نەگىزگى كەزەڭ بويىنشا ءوتتى. العاشقى كەزەڭدە قاريالار ۇلتتىق اسپاپتارمەن سۇيەمەلدەپ، وزدەرىن جالپاق جۇرتشىلىققا تانىستىرسا، سايىستىڭ ەكىنشى بولىگىندە باتا بەرۋدەن ءوزارا مىقتىنى انىقتادى. ال ءۇشىنشى تۋردا قاريالار وتباسىنىڭ كەز- كەلگەن مۇشەسىمەن بىرگە ونەرىن كورسەتتى.

بايقاۋعا اقساي، بورالداي، قىزىلارىق، كوكباستاۋ، شاقپاق، بيلىكول، قوشقاراتا اۋىلدىق وكرۋگتەرىنىڭ قاريالارى قاتىستى. مادەنيەت ءبولىمىنىڭ قىزمەتكەرى م.مىقتىبەكوۆ «قاريالار ازايىپ بارا جاتىر» اتتى ءانىن ورىندادى. شاراعا قاتىسقان قاريالار وزدەرىنىڭ دانالىعىن، اقىلدىلىعىن، ەرەكشە ونەرلەرىن ءدۇيىم جۇرتقا پاش ەتتىپ، باتالى سوزدەرىن جەتكىزدى.

بايقاۋدىڭ قورىتىندىسى بويىنشى «باس جۇلدە» ب.مومىش ۇلى اۋىلىنان د.بايدالييەۆ، ءى ورىندى قوشقاراتا اۋىلدىق وكرۋگىنىڭ قارياسى ا.شوپانبەكوۆ، ءىى ورىن بورالداي اۋىلدىق وكرۋگىنىڭ قارياسى م.بايبولوۆ ءىىI ورىن شاقپاقاتا اۋىلدىق وكرۋگىنىڭ قارياسى ءا.بولىسبايەۆ، «ونەگەلى قاريا» نوميناسياسىن اقساي اۋىلدىق وكرۋگىنەن م.قۋانىشبەكوۆ، «باتاگوي قاريا» نوميناسياسىن بورالداي اۋىلدىق وكرۋگىنىڭ قارياسى ءا.ناۋاتبەكوۆ يەلەندى. بايقاۋ جەڭىمپازدارى مەن قالعان قاتىسۋشىلارعا اۋدان اكىمىنىڭ العىس حاتتارىمەن باعالى سىيلىقتارى تابىستالدى.