ەلباسى ن.نازاربايەۆتىڭ بۇقارالىق سپورتتى دامىتۋ تۋرالى تاپسىرماسى جۋالى اۋدانىندا جۇيەلى جۇزەگە اسۋدا. بيىلعى 7 ايدا اۋدان بويىنشا 219 سپورتتىق ءىس-شارا وتكىزىلىپ، وعان 39803 ادام قامتىلعان. بۇل ءىس-شارالاردىڭ باسىم كوپشىلىگى، اۋداندىق دەنە شىنىقتىرۋ جانە سپورت ءبولىمىنىڭ ۇيلەستىرۋىمەن، ءىس-شارالاردى جۇيەلى تۇردە وتكىزۋ ادىستەمەسى بويىنشا جۇرگىزىلىپ وتىر.

سپورتتىق ءىس-شارالار ىشىنەن كەڭەس اسكەرىنىڭ اۋعان جەرىنەن شىعارىلعانىنا وراي وتكەن اۋداندىق سپارتاكيادانى، حالىقارالىق ايەلدەر كۇنىنە وراي وتكىزىلگەن ءىس-شارانى، ناۋرىز مەرەكەسىنە وراي وتكەن بۇقارالىق سپورتتىق ءىس-شارالاردى اتاپ وتۋگە بولادى. مامىر ايىندا قازاقستان حالقىنىڭ بىرلىگى كۇنىنە، وتان قورعاۋشىلار كۇنىنە جانە جەڭىس كۇنىنە وراي بۇقارالىق سپورتتىق ءىس-شارالار ۇيىمداستىرىلدى.

بۇگىنگى تاڭدا اۋدان تۇرعىندارى اراسىندا بۇقارالىق سپورتتى، ونىڭ ىشىندە ۆولەيبولدى دامىتۋ ماقساتىندا اۋدان بىرىنشىلىگى وتكىزىلىپ، بارلىعى 8 كوماندا قاتىستى.

وبلىس اكىمى ا.مىرزاحمەتوۆتىڭ تاپسىرماسىنا سايكەس جامبىل وبلىسىنىڭ ۇلكەن فۋتبولدان چەمپيوناتى ۇيىمداستىرىلىپ، بۇگىنگى تاڭدا فۋتبولدان جۋالى اۋدانىنىڭ قۇراما كومانداسى چەمپيوناتقا قاتىسۋدا. جامبىل وبلىسى بىرىنشىلىگىنىڭ ەكىنشى تۋرى جۋالى اۋدانى شاقپاق اتا اۋىلدىق وكرۋگىندە وتكىزىلدى.

سونداي-اق وڭىردە مەكەمەلەر اراسىندا كىشى فۋتبولدان اپتا سايىن اۋدان بىرىنشىلىگى وتكىزىلۋدە. سونىمەن قاتار، اعىمداعى جىلى اۋداندا العاش رەت گرەپپلينگ كۇرەسىنەن قازاقستان رەسپۋبليكاسى چەمپيوناتىنا وبلىستىق ىرىكتەۋ جارىسى وتكىزىلىپ، وعان 300-گە جۋىق سپورتشى قاتىستى.

2019 جىلى اۋلا ويىندارى، الاڭداعى توعىزقۇمالاق، قازاقستان بارىسى، مەكتەپ ليگاسى جانە ءار-تۇرلى سالا قىزمەتكەرلەرى اراسىنداعى وبلىستىق سپارتاكيادالارعا اۋداندىق، اۋىلدىق ىرىكتەۋ جارىستارى وتكىزىلىپ، وبلىستىق جارىستارعا قاتىستىرىلدى. بۇگىنگى تاڭدا جۋالى اۋدانىنىڭ سپورتشىلارى حالىقارالىق جانە قازاقستان رەسپۋبليكاسىنىڭ ساپىندا ونەر كورسەتۋدە. ولار: بوكستان امانقۇل ءابىلحان، جاستار اراسىندا كوبەتاي ماقسات، ءابدىقادىر دامير، دۇيسەباي دارحان. كاسىبي بوكستا راحمانقۇل ساعادات امەريكا قۇراما شتاتىنىڭ لوس اندجەلوس قالاسىندا اتوي سالۋدا. ۇلتتىق سپورت تۇرلەرى بويىنشا كوكپاردان قازاقستان رەسپۋبليكاسىنىڭ ساپىندا جۇرگەن سپورتشىلارىمىز قۇلاجان توعايبايەۆ، «اۋليە اتا» قۇراما كومانداسىندا ونەر كورسەتىپ جۇرگەن رات يسلام، راحمەتۋللا سامعاتتىڭ ەسىمدەرى ەلگە ەلەۋلى. دزيۋدودان ءابىحاي ابىكەن دە دارابوزدار قاتارىنان كورنىپى ءجۇر.

اۋدان سپورتشىلارىنىڭ جەتكەن جەتىستىكتەرىنە كەلەر بولساق، «تاراز- ارەنا» سپورت سارايىندا وتكەن ق ر تاەكۆوندو فەدەراسياسىنىڭ تۇڭعىش پرەزيدەنتى بەكسەيىت تۇلكييەۆتى ەسكە الۋعا ارنالعان جاسوسپىرىمدەر مەن جاستار اراسىنداعى تاەكۆوندودان (WTF) اشىق رەسپۋبليكالىق تۋرنيردەن دولجانبەك ايبەك پەن دولجانبەك ەسميرا 1 ورىندى يەلەندى.

دزيۋدودان ءجاسوسپىرىم ۇلدار مەن قىزدار اراسىنداعى ق ر چەمپيوناتىندا داۋلەت شاپاعات چەمپيون اتانىپ، ق ر قۇراما كومانداسىنا ەنسە، راقىشيەۆ قازبەك 3-ورىندى يەلەندى. گىر سپورتىنان وبلىس چەمپيوناتىندا جولداسوۆ ازامات 1-ورىن، اسىلبەك نۇرسۇلتان مەن اقىلبەك باعدات 2-ورىن يەلەندى. داۋلەت شاپاعات پەن راقىشيەۆ قازبەك جاسوسپىرىمدەر اراسىنداعى الەم چەمپيوناتىنا جولداما ۇتىپ الدى.

بوكستان ق ر ايماقتىق چەمپيوناتىندا امانقۇل اسىلحان 3-ورىن، قىزدار اراسىندا ق ر چەمپيوناتىندا كۋدينكينا ماريا 2-ورىن يەلەندى. گاليب دجافاروۆتىڭ جۇلدەسى ءۇشىن حالىقارالىق تۋرنيردە امانقۇل اسىلحان 3-ورىن يەلەندى. ۆولەيبولدان «مەكتەپ ليگاسىندا» ق. ساعىندىقوۆ اتىنداعى ورتا مەكتەپ وقۋشىلارى وبلىستىق ىرىكتەۋ جارىسىندا 1-ورىن يەلەنىپ، الماتى قالاسىندا وتەتىن رەسپۋبليكالىق جارىسقا جولداما ۇتىپ الدى. انجەليكا سوي جاسوسپىرىمدەر اراسىنداعى دۋبايدا قازان ايىندا وتەتىن ازيا بىرىنشىلىگىنە جولداما ۇتىپ الدى.