شوقان ءۋاليحانوۆ اتىنداعى جامبىل وبلىستىق عىلىمي امبەباپ كىتاپحاناسىندا جالپى ءبىلىم بەرەتىن ورتا مەكتەپتەردىڭ «كوركەم ەڭبەك» ساباعىنداعى قازاق ءالىپبيىنىڭ لاتىن قارىپىندەگى كالليگرافيا جانە لەتتەرينگى» تاقىرىبىندا سەمينار وتكىزدى.

لاتىن قارىپىندەگى قازاق ءالىپبيىنىڭ كوركەمدەپ تاڭبالانۋىن ارنايى ۇيرەتۋگە باعىتتالعان سەميناردىڭ باستى ماقساتى – وتانشىلدىق پەن ازاماتتىققا تاربيەلەۋ، سونداي-اق وسكەلەڭ ۇرپاقتىڭ رۋحاني-ادامگەرشىلىك قۇندىلىقتارىن، قازاقستاندىق بىرەگەيلىگىن قالىپتاستىرۋ، لاتىن تىلىندە كوركەمدەپ جازۋدى مۇعالىمدەر مەن وقۋشىلار اراسىندا ناسيحاتتاۋ، قازاق سوزدەرىنىڭ جاڭا گرافيكالىق بەينەسىن بەكىتۋ.

وبلىس اكىمى اپپاراتىنىڭ «قوعامدىق كەلىسىم» مەكەمەسىنىڭ ۇيىمداستىرۋىمەن سەمينار جۇمىسىنا تاراز قالاسىنىڭ جالپى ءبىلىم بەرەتىن مەكتەپتەرىنىڭ «كوركەم ەڭبەك» ءپانىنىڭ مۇعالىمدەرى قاتىستى.

شارانى وبلىس اكىمى اپپاراتىنىڭ «قوعامدىق كەلىسىم» مەكەمەسى كورمە زالىنىڭ مەڭگەرۋشىسى ۆەرا مايكوۆيچ اشىپ، سەمينار جۇمىسىنا ساتتىلىك تىلەدى. ۆەرا اندرەيەۆنانىڭ ايتۋىنشا ۇستازدارعا قازاق ءالىپبيىنىڭ لاتىن قارىپىندە كوركەمدەلىپ جازىلۋى ارقىلى بولاشاق ۇرپاقتىڭ ساناسىنا ارىپتەردىڭ ساۋاتتى ءارى اسەم جازىلۋ ۇلگىسىن قالىپتاستىرادى ەكەن. –ءاربىر ازاماتتىڭ ەل بولاشاعى ءۇشىن جاۋاپكەرشىلىگىنىڭ زور ەكەندىگىن دۇرىس ءتۇسىنۋدى ناسيحاتتاۋ، باسەكەگە قابىلەتتىلىكتىڭ ماڭىزدى باعىتتارىن ايقىنداۋ، پراگماتيزم، ۇلتتىق بىرەگەيلىكتى ساقتاۋ، سانانىڭ اشىقتىعى جانە مەملەكەت دامۋىنىڭ ەۆوليۋسيالىق جولى بولىپ تابىلاتىن جاڭا الەۋمەتتىك-مادەني ورتانى قالىپتاستىرۋ ءبىزدىڭ نەگىزىگى مىندەتىمىز بولىپ سانالادى. بۇگىنگى تولقىن كەلەسى تولقىننىڭ زامان تالابىنا ساي وسىپ-جەتىلۋىن قامتاماسىز ەتۋىمىز قاجەت. مىنە، سوندىقتاندا سىزدەردى جيناپ ساباق بارىسىندا وقۋشىلاردىڭ لاتىن قارپىندەگى قازاق ءالىپبيىنىڭ دۇرىس تاڭبالانۋىن ۇيرەتسە ەكەن دەگەن تىلەگىمىز بار جانە ءجاي عانا ۇيرەتپەي اسا كوركەمدىك پەن اسەم جازىلۋىن بويلارىنا دارىتسا ەكەن دەپ وتىرمىز، - دەيدى كورمە زالىنىڭ جەتەكشىسى.

سەميناردى قازاق تىلىندە «مەكتەپتەن تىس جۇمىس جانە بالالار شىعارماشىلىعى ورتالىعىنىڭ» قوسىمشا ءبىلىم بەرۋشى پەداگوگى - بەگايداروۆا ەلميرا سارسەن قىزى جۇرگىزسە، ورىس تىلىندە №40 مەكتەپ-گيمنازيانىڭ ءمۇعالىمى - شايحەسلياموۆا ديانا تيمۋر قىزى وتكىزدى. قوس تىلدە وتكەن سەمينار بارىسىندا ۇستازدار لاتىن قارىپىندەگى قازاق سوزدەرىن ەرەكشە كالليگرافيالىق پىشىندە جازۋدى ۇيرەندى.

جيىن سوڭىندا مۇعالىمدەرگە سەرتيفيكاتتار تابىستالدى. ال، سەمينارعا قاتىسۋشى ۇستازدار تاراپىنان شارانى ۇيىمداستىرۋشى مەكەمەگە العىس ايتىلدى.