ۆەتەرينارلىق قاۋىپسىزدىك - ەلىمىزدىڭ ۇلتتىق قاۋىپسىزدىگىنىڭ باستى بولىگى بولىپ تابىلاتىندىعى بارشاعا بەلگىلى. اسا ءقاۋىپتى جانۋارلار اۋرۋىنىڭ جاپپاي حالىق اراسىندا تارالۋىنا توسقاۋىل قويىلماي، ۇلتتىق قاۋىپسىزدىككە قول جەتكىزە المايتىنىمىز انىق. وسى ورايدا جامبىلدىق ماماندار دا ءوز مىندەتتەرىن ءمىنسىز اتقارىپ، ەل دامۋىنا سۇبەلى ۇلەستەرىن قوسۋدا.
مىسالى، وتكەن جىلى وبلىستا اسا ءقاۋىپتى جۇقپالى اۋرۋلاردىڭ 16 وشاعى، ونىڭ ىشىندە: 6 قۇتىرىق اۋرۋى، 7 قاراسان اۋرۋى، 1 ءسىبىر جاراسى، 1 ەپيزووتيالىق ليمفانگيت، 1 ەنتەروتوكسەميا اۋرۋلارى تىركەلسە، اعىمداعى جىلدىڭ 9 ايىندا اسا ءقاۋىپتى جۇقپالى اۋرۋلاردىڭ 12 وشاعى تىركەلگەن. ولار: 8 قاراسان اۋرۋى، 2 قۇتىرىق اۋرۋى، 4 ەنتەروتوكسەميا اۋرۋى. بارلىق وشاققا دەر كەزىندە ۆەتەريناريالىق ءىس-شارالار جۇرگىزىلىپ، اۋىل شارۋاشىلىعى مالدارى تولىق ۆاكسيناسيالانىپ، زالالسىزداندىرۋ جۇمىستارى ۋاقىتىلى ورىندالدى. شەكتەۋ نەمەسە كارانتين ءىس-شارالارى توقتاتىلعان.
ء-الى دە بولسا اسا ءقاۋپتى اۋرۋلارمەن كۇرەسۋ جانە الدىن الۋ بارىسىندا شىندىعىن ايتۋىمىز كەرەك، كەمشىلىكتەر كەزدەسىپ جاتادى. اتاپ ايتاتىن بولساق، جوسپارلى ۆاكسيناسيالاۋ بارىسىندا ەمدەلمەگەن ارىق، بۋاز جانۋارلاردى كەيىننەن قايتادان بارماي ەمدەلمەي كەتۋى مۇمكىن، ۆەتەريناريالىق قۇجاتتاردى تولتىرۋداعى، جانۋارلاردىڭ قوزعالىسىن باقىلاۋداعى، جەكە جانە زاڭدى تۇلعالار اراسىندا اسا ءقاۋىپتى جۇقپالى اۋرۋلار جانە ، ۆەتەريناريا تۋرالى زاڭنىڭ 25 بابى بويىنشا جانۋارلار يەلەرىنىڭ جاۋاپكەرشىلىگى تۋرالى ءتۇسىندىرۋ جۇمىستارىنىڭ جۇرگىزۋ بارىسىندا كەمشىلىكتەر كەزدەسۋدە. اسىرەسە مالدىڭ قوزعالىسىن قاتاڭ باقىلاۋعا الۋ ءۇشىن ىشكى ىستەر قىزمەتكەرلەرىمەن بىرىگىپ جۇمىس ىستەۋىمىز قاجەت. وسى اتالعان كەمشىلىكتەردى جويۋعا اتسالىسىپ، ءبىر جولعا قويۋىمىز كەرەك،-دەيدى ماماندار.
2018 جىلى وبلىس بويىنشا 9 وشاقتا ساۋىقتىرۋ ءىس-شارالارى جۇرگىزىلسە، بيىل وبلىس بويىنشا 5 وشاقتا ساۋىقتىرۋ ءىس-شارالارى جۇرگىزىلگەن. ونىڭ ىشىندە 1 وشاقتاعى ساۋىقتىرۋ جۇمىستارى 2018 جىلدان اۋىسىپ، 2019 جىلى جالعاستىرىلىپ، شەكتەۋلەر الىندى. 2019 جىلدىڭ 4 وشاعىنان بارلىعى 5461 باس ۇساق مالداردان، 30 باس ءمۇيىزدى ءىرى قارادان، 14 باس ەت قورەكتىدەن 2-4 رەتتەن قان الىنىپ، 18 باس ۇساق مال برۋسەللەزگە وڭ ناتيجە كورسەتىپ، سانيتاريالىق سويۋعا جىبەرىلدى، 5000 شارشى مەتر قورا-جايلار زالالسىزداندىرىلدى.
ادامداردىڭ برۋسەللەزبەن اۋىرۋىن ەپيدەميولوگيالىق تۇرعىدان تالداۋ بارىسىندا 2017 جىلى 212 ادام، 2018 جىلى 200 ادام اۋىرىپ تىركەلسە، 2019 جىلدىڭ 9 ايىندا 147 ادام اۋىرىپ، اۋرۋدىڭ جۇعۋى تومەندەۋدە.
