ادامي كاپيتالدى دامىتۋ-مەملەكەت الدىندا تۇرعان باستى مىندەتتەردىڭ ءبىرى. بۇل تۋرالى ەلباسى نۇرسۇلتان نازاربايەۆ ۇنەمى ايتىپ كەلەدى. مەملەكەت باسشىسى قاسىم-جومارت توقايەۆ تا قازاقستان حالقىنا العاشقى جولداۋىندا ءبىلىم بەرۋ سالاسىنداعى باعىتتاردى باعدارلاپ، ۇلت كوشباسشىسىنىڭ سارا جولىن لايىقتى جالعاستىراتىندىعىن ايتتى. وسى ورايدا وسكەلەڭ ۇرپاقتى تاربيەلەپ وتىرعان ۇلاعاتتى ۇستازدارعا جۇكتەلەر جاۋاپكەرشىلىك جوعارى.

دەيتۇرعانمەن پەداگوگتار دا ەسەلى ەڭبەگىمەن سەنىم ۇدەسىنەن شىعىپ ءجۇر. بۇل تۇرعىدا جامبىل وبلىسىندا مىسال رەتىندە ايتار جەتىستىكتەر جەتەرلىك. ارينە، «ۇستازى جاقسىنىڭ ۇستانىمى جاقسى» دەگەندەي، مۇعالىمدەر مەرەيى شاكىرتتەرىنىڭ جەتىكتىگىمەن ەسەلەنە تۇسەتىندىگى ايتپاسا دا تۇسىنىكتى. جامبىل وبلىسى اكىمدىگى ءبىلىم باسقارماسىنىڭ باسشىسى راحيا تۇرماحانبەتوۆانىڭ ايتۋىنشا، اعىمداعى جىلى وبلىس بويىنشا مەكتەپ بىتىرگەن 8813 تۇلەكتىڭ 317ء-ى «التىن بەلگى» توسبەلگىسىنە، ال 242 وقۋشى «ۇزدىك» اتتەستاتقا يە بولعان. ال، ۇلتتىق ءبىرىڭعاي تەستىلەۋدەگى ورتاشا كورسەتكىش وتكەن جىلمەن سالىستىرعاندا 1،3 باللعا وسسە، بيىلعى تۇلەكتەردىڭ 75،5 پايىزى جوعارى وقۋ ورىندارىنا تۇسكەن.

سونىمەن قاتار ەسەپتى مەرزىمدە رەسپۋبليكالىق جانە حالىقارالىق دەڭگەيدەگى وليمپيادالار مەن عىلىمي جوبا جارىستارىندا وبلىس وقۋشىلارى بارلىعى 132 مەدالعا يە بولىپتى. سونداي-اق، 10 مەكتەپ ءتۇرلى پاندەر بويىنشا رەسپۋبليكاداعى «100 ۇزدىك مەكتەپ» قاتارىنا ەنگەندىگى دە اۋىز تولتىرىپ ايتارلىقتاي جەتىستىكتەردىڭ ءبىرى. ول عانا ەمەس، وڭىردەگى 1232 پەداگوگ رەسپۋبليكالىق، حالىقارالىق بايقاۋلار مەن قاشىقتىق وليمپيادالارىندا، تاعى 4 ۇستاز «ۇزدىك پەداگوگ – 2019» رەسپۋبليكالىق كونكۋرسىنىڭ جەڭىمپازى اتانعان.

بۇگىندە ق ر پرەمەر-مينيسترى مەن وبلىس اكىمى اراسىنداعى مەموراندۋم، وبلىس اكىمى جانە وبلىستىڭ اۋداندارى مەن تاراز قالاسىنىڭ اكىمدەرى اراسىنداعى كەلىسىمدەردەگى مەجەلى كورسەتكىشتەر مەن ق ر ءبىلىم بەرۋدى جانە عىلىمدى دامىتۋدىڭ 2016-2019 جىلدارعا ارنالعان مەملەكەتتىك باعدارلامالاردىڭ ورىندالۋ بارىسى باستى نازاردا. بۇل تۇرعىدا جامبىل وبلىسىندا جۇيەلى جۇمىستار جالعاسىن تابۋدا.

ءبىلىم ساپاسىن باقىلاۋ، باعالاۋ جۇيەسىن جەتىلدىرە ءتۇسۋ، وبلىس مەكتەپتەرىنىڭ رەيتينگىلەرىن قۇرۋداعى تالاپتاردى كۇشەيتە وتىرىپ، تومەن كورسەتكىشتەردى كوتەرۋ، مەكتەپ ينسپەكتورلارىنىڭ جۇمىس جۇيەسى، وقۋشىلاردىڭ ءتيىستى ساناتتارىن تەگىن ىستىق تاماقپەن، كيىم-كەشەك جانە تاسىمالمەن قامتۋ سىندى مىندەتتەر اياسىندا دا تىندىرىمدى تىرلىكتەر اتقارىلۋدا.