حالىق قاھارمانى، كەڭەس وداعىنىڭ باتىرى باۋىرجان مومىش ۇلىنىڭ تۋعان جەرى جۋالى اۋدانى- قاي سالا بولماسىن الدىڭعى قاتاردان كورىنىپ كەلە جاتقان ىرگەلى ءوڭىردىڭ ءبىرى. وسى ورايدا سپورت سالاسىندا دا اۋىز تولتىرىپ ايتارلىقتاي ناتيجەلەر بارشىلىق. بۇگىندە جۋالى اۋدانى اكىمدىگىنىڭ دەنەشىنىقتىرۋ جانە سپورت ءبولىمىن ماكسۋتبەك ءابدى ۇلى ارزىمبەتوۆ بىلىكتىلىكپەن باسقارىپ كەلەدى.
ەلباسىمىز ن.ءا.نازاربايەۆتىڭ «ءححى عاسىردا تەك كۇشتى، دەنى ساۋ ۇلت قانا باسەكەگە قابىلەتتى بولا الادى»، دەگەن جالىندى ءسوزى جۋالىلىقتارعا دا تىڭ سەرپىن بەردى. وسى ورايدا قازاقستان رەسپۋبليكاسى تۇڭعىش پرەزيدەنتىنىڭ بۇقارالىق سپورتتى دامىتۋ تۋرالى تاپسىرماسى اياسىندا جۋالى جەرىندە ءبىرقاتار ناقتى ءىس-شارالار اتقارىلۋدا. اۋداندا № 13 جانە № 12 بالالار جاسوسپىرىمدەر سپورت مەكتەپتەرى جانە بوكس مەكتەبى جۇمىس ىستەيدى. سپورت مەكتەپتەردىڭ 92 سەكسياسى اۋدان بويىنشا 1408 جاستاردى قامتىپ، قازاقشا كۇرەس، بوكس، دزيۋدو، تاەكۆوندو، ەركىن كۇرەس، باسكەتبول، فۋتبول، ۆولەيبول، گىر كوتەرۋ، توعىزقۇمالاق، ۇستەل تەننيسى، قول كۇرەسى ويىندارىنىڭ تۇرلەرىمەن اۋدان جاستارىن دەنە شىنىقتىرۋعا تارتىپ وتىر.
-بۇگىندە جۋالىدا جاس سپورتشىلار كوپتەپ تاربيەلەنۋدە. وسكەلەڭ ۇرپاق اۋداننان شىققان ساڭلاقتاردى ايرىقشا ماقتان تۇتادى. ولاردىڭ قاتارىندا بوكستان وليمپيادا چەمپيونى، باركەر كۋبوگىنىڭ يەگەرى - باقتيار ارتايەۆ، سامبودان الەم كۋبوگىنىڭ يەگەرى، ازيانىڭ 2 دۇركىن چەمپيونى، كسرو حالىقتار سپارتاكياداسىنىڭ جەڭىمپازى، قازاقستاننىڭ ەڭ تاڭداۋلى سپورتشىسى سالكەن جارتىبايەۆ، قازاقشا كۇرەستەن الەم، ازيانىڭ 2 دۇركىن چەمپيونى سەيدىلدايەۆ عاني، كيكبوكستان الەم چەمپيونى دوسايەۆ عاني، بوكستان كادەتتەر اراسىندا الەم چەمپيونى ابدراگيموۆ ەلدار؛ بوكستان ق ر چەمپيونى راحمانقۇل ساعادات، بوكستان ق ر چەمپيونى، الەم چەمپيونى (WSB)، ازيا جانە الەم چەمپيوناتىنىڭ كۇمىس جۇلدەگەرى (AIBA)ء-ابىلحان امانقۇل، كوكپاردان الەم چەميونى قۇلاجان توعايبايەۆ سىندى ساڭلاقتاردىڭ ەسىمدەرىن ەرەكشە اتاۋعا بولادى. تالاي ءدۇبىرلى دودالاردا ەلىمىزدىڭ كوك تۋىن كوكتە جەلبىرەتكەن وسىنداي ازاماتتاردىڭ ونەگەلى جولى جەتكىنشەكتەرگە جىگەر سىيلاۋدا، -دەيدى جۋالى اۋدانى اكىمدىگىنىڭ دەنەشىنىقتىرۋ جانە سپورت ءبولىمىن ماكسۋتبەك ءابدى ۇلى ارزىمبەتوۆ.
راسىندا دا تىنباي جاتتىققان ادامنىڭ بيىك بەلەستەردى باعىندىراتىندىعى داۋسىز. وسى ورايدا جەرگىلىكتى جەردەگى باپكەرلەر دە ايانباي ەڭبەك ەتۋدە.
