جامبىل وبلىسىندا «نۇرلى جول» مەملەكەتتىك باعدارلاماسى اياسىندا تۇرعىندارىنىڭ سانى 100 ادامنان اساتىن ەلدى مەكەندەردى قوعامدىق كولىكپەن قامتۋ كورسەتكىشىن 96 پايىزعا جەتكىزۋ كوزدەلىپ وتىر. جوسپارعا ساي جىل سوڭىنا دەيىن بايزاق، قورداي، شۋ اۋداندارىنداعى ءبىرقاتار ەلدى مەكەندەرگە قوعامدىق قاتىنايتىن بولادى، دەپ جازادى Qamshy.kz اقپارات اگەنتتىگى.
قازىرگى تاڭدا وبلىستاعى تۇرعىندارىنىڭ سانى 100-دەن اساتىن 355 ەلدى مەكەن بولسا ونىڭ 338ء-ى قوعامدىق كولىكپەن قامتىلعان. جىل سوڭىنا دەيىن بۇل قاتارعا تاعى 3 ەلدى مەكەن قوسىلماق. اتاپ ايتقاندا بايزاق اۋدانىنداعى جاڭاتۇرمىس اۋىلى، قورداي اۋدانىنداعى سوعاندى اۋىلى، شۋ اۋدانىنداعى اباي اۋىلىنىڭ تۇرعىندارىنىڭ قارىم-قاتىناس جاساۋى وڭتايلانا تۇسپەك.
–باعدارلامالىق ينديكاتورعا قول جەتكىزۋ ءۇشىن، اتالعان ەلدى مەكەندەرگە اۋدان اكىمدىكتەرى مارشرۋت سىزباسىن بەكىتىپ، جولاۋشىلار تاسىمالىن ۇيىمداستىرۋعا تاسىمالداۋشىنى انىقتاۋى ءتيىس،–دەيدى وبلىس اكىمدىگى جولاۋشىلار كولىگى مەن اۆتوموبيل جولدارى باسقارماسىنىڭ باسشىسى باقىتجان جانىبەكوۆ.
قازىرگى تاڭدا وبلىس تۇرعىندارىن قوعامدىق كولىكپەن قامتۋ ءىسى جوعارى دەڭگەيدە جولعا قويىلعان. اسىرەسە شالعاي ەلدى مەكەن تۇرعىندارىنىڭ اۋدان، وبلىس ورتالىعىنا قاتىناۋى ماسەلەسىنە ايرىقشا ءمان بەرىلۋدە. بۇل ورايدا، جاڭا مارشرۋتتىق باعىتتارعا ۇدايى كونكۋرستار ۇيىمداستىرىلىپ تۇرادى. سايكەسىنشە كونكۋرس جەڭىمپازدارىنىڭ تۇرعىندار تالابىنان شىعۋىن وبلىس اكىمدىگىنىڭ سالالىق باسقارماسى مەن ءتيىستى ۋاكىلەتتى ورگانداردىڭ ءجىتى نازارىندا ۇستايدى. مۇنان بولەك وبلىس ورتالىعىندا جولاۋشىلارعا قىزمەت كورسەتۋ سالاسىنداعى ساپاعا ايرىقشا ءمان بەرىلگەنىن اتاپ وتكەن ءجون. بۇگىندە تاراز قالاسىندا 10 تاسىمالداۋشى مەكەمە 42 باعىت بويىنشا جولاۋشىلارعا قىزمەت كورسەتىپ جاتىر. ولار ءوز تاراپتارىنان قىزمەت ساپاسىن كوتەرۋ ماقساتىندا اۆتوبۋس پاركىتەرىن كەزەڭ-كەزەڭىمەن جاڭارتىپ تۇرادى. وتكەن جىلى قالالىشىلىك مارشرۋتتارداعى قىزمەت ساپاسىن ارتتىرۋ ماقساتىندا 71 دانا اۆتوبۋس ساتىپ الىنىپ جولاۋشىلارعا قىزمەت كورسەتۋدى باستادى. ال بيىل جىل سوڭىنا دەيىن تاعى 50 جاڭا اۆتوبۋستى ساتىپ، مارشرۋتتارعا قويۋ جوسپارلانىپ وتىر. جاڭا اۆتوبۋستار قالاداعى شاعىن اۋداندارمەن شالعايداعى تۇرعىن القاپتارىن ورتالىقپەن جالعايتىن باعىتتارعا قويىلماق.
پىكىر قالدىرۋ