جامبىل وبلىسىندا ءبىلىم بەرۋ مەكەمەلەرىنىڭ ماتەريالدىق-تەحنيكالىق بازاسىن جاقسارتۋ باعىتىندا دا كەشەندى جۇمىستار اتقارىلۋدا. مۇنداي شارالاردى جۇزەگە اسىرۋدا، اسىرەسە اۋىلدىق جەرلەردەگى مەكتەپتەرگە باسا ءمان بەرىلۋدە.

بۇل باعىتتا جۋالى اۋدانىندا اۋدان اكىمدىگىنىڭ ءبىلىم بولىمىنە قاراستى مەكتەپتەردىڭ ماتەريالدىق-تەحنيكالىق بازالارىن جاقسارتۋعا 104082،0 مىڭ تەڭگە ءبولىنىپ بەرىلگەن.

– ونىڭ ىشىندە، مەكتەپتەرگە سيركۋلياسيالىق موتورلار ساتىپ الۋ ءۇشىن 930،5 مىڭ تەڭگەگە «ەرسۇلتان» جك-مەن كەلىسىم-شارت جاسالىندى، ورتكە قارسى دابىل قاققىشتاردى جوندەۋ 1200،0 مىڭ تەڭگەگە جانە قىزمەت كورسەتۋگە كامەرالارىن جوڭدەۋ جانە قىزمەت كورسەتۋگە 1180،0 مىڭ تەڭگەگە «الفا Group» جشس-مەن كەلىسىم-شارت جاسالعان. 1 سىنىپ وقۋشىلارىن قابىلداۋدى اۆتوماتتاندىرۋعا – 13563،7 مىڭ تەڭگە جانە بالاباقشاعا كەزەكە قويۋدى اۆتوماتتاندىرۋعا 12950،2 مىڭ تەڭگە «Benediximus» جشس-مەن شارتتار جاسالىندى، ءورت كەزىندەگى دابىلقاققىشتاردى قايتا ورناتۋعا 8500،0 مىڭ تەڭگە، حيميا كابينەتىن ساتىپ الۋعا كونكۋرس ويناتىلىپ «LT International» ج ش س 3640،0 مىڭ تەڭگەگە ۇتىپ الدى، فيزيكا كابينەتى بويىنشا «اياۋلىم» جك 3300،0 مىڭ تەڭگەگە جەڭىمپاز اتاندى. بۇگىنگى كۇنى كابينەتتەر الىنىپ، مەكتەپتەرگە ورناتىلدى. ال، بيولوگيا كابينەتى بويىنشا «DQB BASIS» 3024،0 مىڭ تەڭگەگە ۇتىپ الىپ، قازىرگى تاڭدا №20 جامبىل اتىنداعى ورتا مەكتەبىنە تولىق جەتكىزىلدى. ينتەراكتيۆتى تاقتانىڭ لامپالارىن اۋىستىرۋعا 1 631،0 مىڭ تەڭگە قاراجات جوسپارلانىپ، كونكۋرس جۇمىستارى جۇرگىزىلۋدە. ورتكە قارسى دابىلقاققىشتار 39 مەكتەپتىڭ 39-دا، بەينەباقىلاۋ كامەرالارى 39-دىڭ 39-دا ورناتىلعان، – دەيدى اۋداندىق ءبىلىم ءبولىمىنىڭ باسشىسى ءماجيت ايجانوۆ.

سونداي-اق، روبوتوتەحنيكا بويىنشا 39748،0 مىڭ تەڭگە قاراستىرىلىپ، قازىرگى تاڭدا 10 مەكتەپتە ورناتىلۋدا. شاقپاق اۋىلدىق وكرۋگىنىڭ شاقپاقاتا اۋىلىنداعى ق.ساعىندىقوۆ اتىنداعى ورتا مەكتەپتىڭ، سونداي-اق بورالداي اۋىلدىق وكرۋگىنىڭ كولتوعان اۋىلىنداعى س.بايتىكوۆ اتىنداعى ورتا مەكتەپتىڭ وقۋ كورپۋسىنىڭ شاتىرىن ءىشىنارا كۇردەلى جوندەۋ جۇمىستارىن جۇرگىزۋ جوسپارلانىپ، جۇمىستار تولىق اياقتالدى. سونىمەن قاتار، مىڭبۇلاق اۋىلدىق وكرۋگىنىڭ كولباستاۋ اۋىلىنداعى ا.بايتۇرسىنوۆ اتىنداعى ورتا مەكتەپتىڭ سپورت زالىنىڭ ەدەنىن اۋىستىرۋ، اقساي اۋىلدىق وكرۋگىنىڭ قايرات اۋىلىنداعى مىڭبۇلاق ورتا مەكتەبىنىڭ جىلىتۋ جۇيەلەرىنە اعىمداعى جوندەۋ جۇمىستارى دا تولىعىمەن اياقتالدى.