انە-مىنە دەگەنشە كارى قۇدا – قىس تا قىلىشىن سۇيرەتىپ، قىر استىنا جەتىپ قالدى. بۇل رەتتە، اسا جاۋاپتى جىلىتۋ ماۋسىمىن ابىرويمەن اتقارۋ – اسا ماڭىزدى ءىس. اسىرەسە، الەۋمەتتىك ماڭىزى بار نىسانداردى جىلۋمەن قامتاماسىز ەتۋ قاتاڭ باقىلاۋعا الىنۋدا. جامبىل وبلىسىندا بۇل باعىتتاعى جۇمىستار جاز ايلارىندا باستالىپ، قازىرگى تاڭدا تولىقتاي اياعىنا جەتكەن. «قىس شاناسىن جاز سايلايتىن» جۋالى اۋدانىنىڭ تۇرعىندارى دا ماڭىزدى كەزەڭگە تىڭعىلىقتى دايىندالۋدا.

اتاپ ايتار بولساق، جۋالىدا ءبىلىم مەكەمەلەرىنىڭ قىسقى جىلىتۋ ماۋسىمىنا دايىندىعى اۋداندىق ءبىلىم ءبولىمنىڭ تۇراقتى نازارىندا.

– اۋدانداعى 72 ءبىلىم بەرۋ مەكەمەسىندە 33 قازاندىق بار. بولىمگە قاراستى بارلىق ءبىلىم مەكەمەلەرىنىڭ اينەكتەرى قوس قاباتتى جانە قاتتى وتىنمەن (كومىرمەن) جىلىتىلاتىن ءبىلىم مەكەمەلەرىندە كومىرحانا بار. قازاندىعى بار ءبىلىم مەكەمەلەرى تولىقتاي قوسالقى گەنەراتورمەن قامتاماسىز ەتىلگەن.

ايتا كەتسەك، 49 مەكەمە سۇيىق وتىنمەن، ال 23 مەكەمە قاتتى وتىنمەن جىلىتىلادى. 2019 جىلى قاتتى وتىنمەن قامتاماسىز ەتۋگە مەكتەپتەرگە 35 790،0 مىڭ تەڭگە، بالاباقشالارعا 2 820،0 مىڭ تەڭگە، ال سۇيىق وتىنمەن قامتاماسىز ەتۋگە مەكتەپتەرگە 46 600،0 مىڭ تەڭگە، بالاباقشالارعا 9 350،0 مىڭ تەڭگە قاراستىرىلىپ وتىر، – دەيدى اۋدان اكىمدىگى ءبىلىم ءبولىمىنىڭ باسشىسى ءماجيت ايجانوۆ.

بۇل رەتتە، وقۋشىلاردى تاسىمالداۋ جانە ىستىق تاماقپەن قامتاماسىز ەتۋ جۇمىستارىنا اد جوعارى دەڭگەيدە نازار اۋدارىلىپ وتىر ەكەن. جاڭا وقۋ جىلىندا اۋداننىڭ 17 ەلدى مەكەنىنەن 525 وقۋشى توعىز ورتا مەكتەپكە تاسىمالدانىپ وقىتىلۋدا. 2019 جىلى از قامتاماسىز ەتىلگەن وتباسىنان شىققان 2546 بالاعا 165783،0 مىڭ تەڭگە قارجى قارالىپ، 9 ايدا 74 پايىزى ياعني، 123041،0 مىڭ تەڭگە قاراجات يگەرىلىپ، ىستىق تاماق بەرىلۋدە.

جاۋاپتى ماۋسىمدا بالاباقشالار دا انازاردان تىس قالىپ جاتقان جوق. جالپى، اۋداندا 32 مەكتەپكە دەيىنگى ۇيىم جۇمىس جاسايدى. سونىڭ ىشىندە 26 مەملەكەتتىك بالاباقشادا – 2075 بالا، «ايگولەك» شاعىن ورتالىعىندا 50 بالا، جەكەمەنشىك بالاباقشالاردا 280 بالا مەكتەپكە دەيىنگى تاربيەمەن قامتىلۋدا. 0-6 جاس ارالىعىندا كەزەكتە تۇرعان بالالار سانى -750.

اۋداندا مەكتەپ جاسىنا دەيىنگى بالالاردى تاربيە جانە وقىتۋمەن قامتۋ ۇلەسى 1-6 جاس ارالىعىنداعى 82 پايىز، ال، 3-6 جاس ارالىعىنداعى بالالاردى مەكتەپكە دەيىنگى تاربيەمەن قامتۋ ۇلەسى اۋداندا 100 پايىزدى كورسەتىپ وتىر. ياعني، اۋدان 1-6 جاس كورسەتكىش بويىنشا 4،8 پايىز تومەن، ال 3-6 جاس بويىنشا- 2،1 پايىز جوعارى. بۇگىنگى كۇنى، 1-6 جاس ارالىعىنداعى بالالاردى مەكتەپكە دەيىنگى تاربيە جانە وقىتۋمەن قامتۋ ۇلەسىن وبلىستىق كورسەتكىشكە جەتكىزۋ بويىنشا جۇمىستار جۇرگىزىلۋدە.