ۆەتەريناريا سالاسىنىڭ نەگىزگى قىزمەتى – اسا ءقاۋىپتى جۇقپالى اۋرۋلاردىڭ الدىن الۋ، اۋرۋلاردى دياگنوستيكالاۋ، مالدان الىناتىن تاماق ونىمدەرى مەن شيكىزاتتاردىڭ ادام ومىرىنە قاۋىپسىزدىگىن قامتاماسىز ەتۋ. بۇل رەتتە، جامبىل وبلىسىندا جوعارىدا اتالعان شارالاردى جۇزەگە اسىرۋ ماقساتىندا جوسپارلانعان ءىس-شارالار تولىعىمەن اتقارىلۋدا.

وڭىردە ۆەتەريناريالىق ءىس-شارالاردى 160 ۆەتەريناريالىق پۋنكتەرى بار 11 كوممۋنالدىق مەملەكەتتىك كاسىپورىندار اتقارسا، بۇل مەكەمەلەردە ارنايى ورتا جانە جوعارعى ءبىلىمدى 887 ۆەتەرينار ماماندار جۇمىس جاساۋدا.

2019 جىلى ەپيزووتيالىق ءىس-شارالاردى جۇرگىزۋگە رەسپۋبليكالىق بيۋدجەتتەن 1،5 ملرد. تەڭگە سۋبۆەنسيا بەكىتىلىپ، تىكەلەي اۋداندىق بيۋدجەتتكە بەرىلگەن. بۇل وتكەن جىلعى دەڭگەيدەن 13،3 پايىزعا ارتىق بولىپ وتىر. ايتا كەتۋ كەرەك، 2018 جىلى اتالعان ماقساتقا 1،3 ملرد. تەڭگە بولىنگەن بولاتىن.

وبلىستا جانۋارلاردىڭ اسا ءقاۋىپتى اۋرۋلارىنا قارسى ۆاكسيناسيا جانە اللەرگيالىق زەرتتەۋلەر جۇرگىزۋ ءىسى دە كەنجە قالىپ جاتقان جوق. بۇل رەتتە اتالعان زەرتتەۋدىڭ 13 اۋرۋ ءتۇرى بويىنشا، دياگنوستيكالىق زەرتتەۋلەردىڭ 23 اۋرۋ ءتۇرى بويىنشا جوسپارلى ەپيزووتياعا قارسى ءىس-شارالار جۇرگىزىلەدى. ءىس-شارالاردىڭ بارلىعى ءىس-شارالار جوسپارىنا سايكەس جۇرگىزىلۋدە.

قاجەتتى بارلىق ۆەتەريناريالىق پرەپاراتتار الىنىپ، اۋداندارداعى ۋاقىتشا ساقتاۋ ورىندارىنا جەتكىزىلدى. اۋداندارداعى ۆەتەريناريالىق كاسىپورىنداردا پرەپاراتتاردى ۋاقىتشا ساقتايتىن قويمالار بار. ولار ۆەتەريناريالىق تالاپتارعا سايكەس كەلەدى. اۋىلدىق وكرۋگتەردە ۆەتەريناريالىق پرەپاراتتار توڭازىتقىشتاردا ساقتالادى. اۋدان ورتالىعىنان اۋىلدىق وكرۋگتەرگە ۆاكسينالار تەرموچەموداندارمەن تاسىمالدانادى.

دياگنوستيكالىق زەرتتەۋلەرگە جۇرگىزىلگەن تالداۋ بويىنشا مالدار اراسىندا سوزىلمالى برۋسەللەز اۋرۋىنا شالدىعۋ جىلدان جىلعا تومەندەۋدە. 2010-2019 جىلدار ارالىعىندا ءىقم برۋسەللەز اۋرۋى 86 پايىزعا ازايعان. ۋاق مالداردا برۋسەللەز اۋرۋى – 17 پايىزعا تومەندەگەن.

سونداي-اق، وبلىس بويىنشا ادامداردىڭ برۋسەللەز اۋرۋىنا شالدىعۋى 2010 جىلمەن سالىستىرعاندا 255 ادامعا كەمىگەن.

برۋسەللەزگە شالدىققان اۋىل شارۋاشىلىعى جانۋارلارى دەر كەزىندە وقشاۋلانىپ، ۆەتەريناريالىق تالاپتارعا سايكەس ۋاقىتىلى سانيتارلىق سويۋعا جىبەرىلىپ، مەملەكەتتىك ۆەتەريناريالىق دارىگەردىڭ قاداعالاۋىمەن وڭدەۋ ورىندارىنا جىبەرىلۋدە.