جۋالى اۋدانىندا ۇلتتىق ويىن تۇرلەرىنەن اۋداندىق تۋرنير ءوتتى. بايراقتى باسەكەگە ءار اۋىلدىق وكرۋگتەن كەلگەن كوماندالار قاتىستى. ءتۋرنيردى «Nur Otan» پارتياسىنىڭ ساياسي دوكتريناسىن ىسكە اسىرۋعا باعىتتالعان شارالار اياسىندا ۇيىمداستىرىلدى. سونداي-اق، پارتيا مۇشەلەرى، اۋدان تۇرعىندارى اراسىندا دەنەشىنىقتىرۋ جانە سپورتپەن جۇيەلى تۇردە اينالىسۋعا شاقىرا وتىرىپ، باستاۋىش پارتيا ۇيىمدار اراسىندا ۇزدىك سپورت كوماندالارىن انىقتاۋ، سالاماتتى ءومىر سالتىن، ۇلتتىق ويىندار مەن بەلسەندى سپورت تۇرلەرىن ناسيحاتتاۋعا باعىتتالدى.

سپورتتىق شارانى جامبىل وبلىستىق ءماسليحاتىنىڭ دەپۋتاتى الىمبەك اسەمبەك ۇلى اشىپ، «اۋىلدا دا سپورتتىڭ ءتۇر-تۇرىن كەڭىنەن ناسيحاتتاپ، ءار اۋىل تۇرعىنىن سپورتپەن اينالىسۋعا قىزىقتىرۋ قاجەت. ۇلتتىق ويىنداردان جارىس وتكىزۋدى داستۇرگە اينالدىرۋ كەرەك» – دەپ، قاتىسۋشىلارعا ساتتىلىك تىلەدى. سونداي-اق، جامبىل وبلىستىق دەنە شىنىقتىرۋ جانە سپورت باسقارماسى باسشىسىنىڭ ورىنباسارى بەكبولات مۇقانوۆ تا ءوز تاراپىنان جينالعان سپورتسۇيەر قاۋىمدى قۇتتىقتاپ، دەمەۋشىلىك جاساپ وتىرعان ازاماتقا العىسىن ءبىلدىرىپ، سپورتشىلارعا ساتتىلىك تىلەدى.

العاشىندا كورەرمەن-جانكۇيەرلەر «تەڭگە ءىلۋ» ۇلتتىق ويىنىن تاماشالادى. ەكىنشى كەزەكتە وتكەن «اۋدارىسپاق» ۇلتتىق ويىنىندا اۋىل ازاماتتارى كۇشتىلىك، تاپقىرلىق مەن شىدامدىلىق تانىتتى. اقتوبە، قاراساز، جەتىتوبە، بورالداي، قوشقاراتا، كۇرەڭبەل اۋىلدارىنان كەلگەن پالۋاندار ەكىنشى اينالىمعا جەتىپ، ءۇشىنشى ورىندى كۇرەڭبەلدىك الماس قادىروۆ السا، قوشقاراتالىق راۋان نۇرپەيىس ەكىنشى جانە جەتىتوبەلىك باقىت داۋرەنبەكوۆ جۇلدەلى ءبىرىنشى ورىندى يەلەندى.

«ارقان تارتۋ»، «قاشپا دوپ»، «قاتىن كۇرەس»، «اسىق اتۋ» ۇلتتىق ويىندار بارىسىندا اۋىلدىق وكرۋگتەردەن كەلگەن كوماندالار ءوز ەپتىلىگى مەن تاپقىرلىعىن تانىتىپ، كۇش سىناستى. جارىسقا قاتىسۋشىلار بىرىنەن-بىرى وزىپ، ءوز ونەرلەرىن ورتاعا سالدى.

جارىستىڭ ەڭ سوڭعى ەرەكشە ويىنى – «قوشقار كوتەرۋ» ۇلتتىق ويىن بارىسىندا كۇشتىلىگى مەن ەپتىلىگىن تانىتىپ، ەڭ كوپ رەت 40 كەلىلىك قوشقاردى كوتەرگەن اقساي اۋىلدىق وكرۋگى قايرات اۋىلىنىڭ تۇرعىنى نۇرسەيىت ماحانبەتجان ناعىز پالۋان اتاندى.

تورەشىلەردىڭ بەرگەن باعاسىنىڭ قورىتىندىسىمەن كوماندالىق ءبىرىنشى ورىندى اقساي اۋىلدىق وكرۋگى، ەكىنشى ورىندى كۇرەڭبەل اۋىلدىق وكرۋگى جانە ءۇشىنشى جۇلدەلى ورىندى جەتىتوبە اۋىلدىق وكرۋگىنىڭ سپورتشىلارى جەڭىپ الدى. دەمەۋشى الىمبەك جۇمابايەۆ سالتاناتتى تۇردە ءبىرىنشى ورىن العان جەڭىمپازدارعا 200 مىڭ تەڭگە، ەكىنشى ورىنعا – 150 مىڭ تەڭگە جانە ءۇشىنشى ورىنعا – 100 مىڭ تەڭگە تاپسىردى. ال، انار احمەتوۆا مەن ماقسۇتبەك ارزىمبەتوۆ ەرەكشە كوزگە ءتۇسىپ، كەرەمەت ويىن كورسەتىپ، جانكۇيەرلەردى تاڭقالدىرعان ويىنشىلار مەن پالۋاندارعا قۇرمەت گراموتالارى مەن العىسحاتتارىن تابىستادى.