بۇگىندە شاعىن جانە ورتا بيزنەستى دامىتۋعا بار مۇمكىندىك بار. مەملەكەت تاراپىنان جاندانىپ جاتقان جوبالار دا، باياندى باعدارلامالار دا دىتتەگەن ماقساتىن ورىنداۋدا. سونداي-اق «بيزنەستىڭ جول كارتاسى 2020» مەملەكەتتىك باعدارلاماسى اياسىندا گرانتقا يە بولىپ جاتقان جانداردى سانى ارتۋدا. مۇنداي كاسىپكەرلەرگە قامقورلىق جامبىل وبلىسىندا دا كەڭ كورىنىس تابۋدا اتاپ ايتساق، جامبىل وبلىسى اكىمدىگىنىڭ كاسىپكەرلىك جانە يندۋستريالدى، دەپ جازادى Qamshy.kz اقپارات اگەنتتىگى. يننوۆاسيالىق دامىتۋ باسقارماسى «بيزنەستىڭ جول كارتاسى 2020» مەملەكەتتىك باعدارلاماسى شەڭبەرىندە كاسىپكەرلەردىڭ جاڭا بيزنەس-يدەيالارىن جۇزەگە اسىرۋ ءۇشىن وتكىزىلگەن مەملەكەتتىك گرانتتىق قارجىلاندىرۋ بويىنشا جالپى كونكۋرستىڭ ناتيجەسىن شىعارىپ ۇلگەردى. تارقاتساق، كونكۋرسقا قاتىسۋ ءۇشىن بارلىعى 46 ءوتىنىم، ونىڭ ىشىندە 3 مۇمكىندىگى شەكتەۋلى ازاماتتاردان تۇسكەن. تاراز قالاسىنان – 27 جوبا، ونىڭ ىشىندە 2 مۇمكىندىگى شەكتەۋلى ازاماتتار، سارىسۋ اۋدانىنان – 12 جوبا، جۋالى اۋدانىنان – 2 جوبا، ونىڭ ىشىندە 1 مۇمكىندىگى شەكتەۋلى ازامات، بايزاق اۋدانىنان – 2 جوبا، ت.رىسقۇلوۆ اۋدانىنان – 1 جوبا، شۋ اۋدانىنان –1 جوبا، مويىنقۇم اۋدانىنان – 1 جوبا قارالعان.
كونكۋرستىق كوميسسيانىڭ 1 وتىرىسى ءوتىپ، ولاردىڭ ناتيجەسى بويىنشا كوميسسيا مۇشەلەرى ءار جوبانى جەكە – جەكە تىڭداپ، شەشىمدەرىن حاتتامالارعا قول قويۋ ءراسىمى ارقىلى راسىمدەگەن.
كوميسسيا مۇشەلەرىنىڭ شەشىمى بويىنشا 6 كاسىپكەر 12،5 ميلليون تەڭگەگە گرانت يەگەرلەرى اتاندى. تاراز قالاسىنان 10،5 ميلليون تەڭگەگە 5 جوبا ماقۇلداندى، اشىلاتىن جۇمىس ورىندارىنىڭ سانى 12 جانە مويىنقۇم اۋدانىنان 2 ميلليون تەڭگەگە 1 جوبا ماقۇلدانىپ، 3 جۇمىس ورىنى اشىلاتىنى بەلگىلى بولدى.
قازىرگى تاڭدا جالپى كونكۋرستان جەڭىمپاز اتانعان كاسىپكەرلەرگە كونكۋرستىق كوميسسيانىڭ شەشىمى تۋرالى حابارلامالاردى جولداۋ جۇمىستارى اياقتالىپ، باعدارلامانىڭ ۇيلەستىرۋشىسى قارجى اگەنتتىگى جانە شاعىن كاسىپكەرلىك سۋبەكتىسى اراسىندا گرانت بەرۋ تۋرالى شارتتار راسىمدەلۋدە.
مىنە وسىلايشا ۇمىتكەرلەردىڭ ءۇمىتى اقتالىپ، ءوز كاسىبىن اشۋعا مۇمكىندىك تۋۋدا. اسىرەسە 1 عانا جوبا ۇسىنعان شالعايداعى مويىنقۇم اۋدانىنىڭ ازاماتىنىڭ باستاماسى قولداۋ تاۋىپ، 2 ميلليون تەڭگەگە قول جەتكىزىپ جاتقانى قۋانتادى. ءبىز اتالعان ولكەنىڭ كاسىپكەرى مەملەكەتتىڭ وسىنداي قارجىسىن ءتيىمدى پايدالانادى دەپ سەنەمىز.
