قازىرگى تاڭدا جىلىتۋ ماۋسىمىنىڭ جۇيەلى ءوتۋى مەن تۇرعىنداردىڭ تۇرمىسىن جەڭىلدەتۋ باعىتىندا اۋقىمدى شارالار اتقارىلۋدا. سونىڭ ءبىرى قازاندىقتاردى گازعا اۋىستىرۋ باستاماسى. بۇل جوبا اياسىندا جامبىل وبلىسىندا بۇگىنگى كۇنگە دەيىن اتقارىلعان جۇمىستار بارشىلىق، دەپ جازادى Qamshy.kz اقپارات اگەنتتىگى. ەستەرىڭىزدە بولسا، 2017 جىلى «نۇرلى جول» مەملەكەتتىك باعدارلاماسى اياسىندا جامبىل وبلىسى «شۋ-جىلۋ» كمك ورتالىق قازاندىعىنىڭ كە-25/14س ماركالى ەكى بۋ قازانىن گازبەن جۇمىس جاسايتىن قازاندارعا اۋىستىرىپ، قايتا جاڭعىرتۋدان ءوتىپ، سوماسى 260،7 ملن. تەڭگەنى قۇرادى.

جابدىقتاردى ورناتۋ ەلەكتر ەنەرگياسىن تۇتىنۋدى جانە نەگىزگى وتىندى ساتىپ الۋ قۇنىن تومەندەتۋگە مۇمكىندىك بەردى. وسىلايشا، ورتاشا جىلدىق ەنەرگيا ۇنەمدەۋ 350 مىڭ كۆت نەمەسە 6،0 ملن. تەڭگەنى قۇرادى، وتىن شىعىنى 4،0 مىڭ م3 قارسى 3 456 مىڭ م3، بىردەي قۋاتتىلىقپەن (جىل سايىنعى وتىن ەكونوميكاسى (تابيعي گاز) 590 مىڭ م3 نەمەسە 14،0 مىڭ تەڭگە بولادى). بۇل كاسىپورىننىڭ قارجى-شارۋاشىلىق قىزمەتى ايتارلىقتاي جاقساردى.

گاز سالاسىن دامىتۋ باعىتىندا وبلىستا 377 ەلدى مەكەن بار. ونىڭ ىشىندە قازىرگى تاڭدا گازداندىرىلعانى 181، نەمەسە 48 پايىزى. 2018-2027 جىلدارى 196 ەلدى مەكەندى گازداندىرۋ جوسپارلانۋدا، ناتيجەسىندە 377 ەلدى مەكەندەر گازداندىرىلىپ، ۇلەسى 100%-عا جەتكىزىلەدى.

2008 جىلى وبلىس بويىنشا 48 ەلدى مەكەن تاۋارلىق گاز تۇتىنعان بولسا، 2019 جىلدىڭ 1 قاڭتارىنا 181-دى قۇرادى. دەمەك، سوڭعى 10 جىل ىشىندە گازداندىرىلعانى 133 ەلدى مەكەن.

گازداندىرىلماعان 173 ەلدى مەكەن ماسەلەسىن شەشۋ ماقساتىندا، 2019 جىلدان باستاپ، ءۇش جىلدا ءبولىپ قارجىلاندىرۋ ءۇشىن، ەنەرگەتيكا مينيسترلىگىنە ەلدى مەكەندەرگە گاز كەلتىرەتىن قۇبىر قۇرىلىسىنا 43 524 ملن.تەڭگە قۇرايتىن 11 جوبا دايىندالىپ، بيۋدجەتتىك ءوتىنىم بەرىلگەن. ونىڭ ىشىندە قۇرىلىسىن 2019 جىلى باستاۋ ءۇشىن وبلىستىق بيۋدجەتتەن بايزاق اۋدانىنا 1 365 ملن. تەڭگە، رەسپۋبليكالىق بيۋدجەن شۋ اۋدانىنا 200 ملن. تەڭگە، جامبىل اۋدانىنا 300 ملن. تەڭگە، جۋالى اۋدانىنا 704 ملن. تەڭگە ءبولىندى. سارىسۋ اۋدانىندا ورنالاسقان مينەرالدى تىڭايتقىشتار شىعاراتىن ەۆروحيم-قاراتاۋ زاۋىتىن جانە جاڭاتاس قالاسىن گازداندىرۋ ءۇشىن 2019 جىلعا 3 ملرد. تەڭگە بولىنگەن، ال رەسپۋبليكالىق بيۋدجەتتەن بولىنەتىن، قالعان 4،7 ملرد. تەڭگە 2020 جىلعا جوسپارلانۋدا.

وبلىستا جالپى سانى 210 مىڭ اۆتوكولىك تىركەلگەن. ونىڭ 6 696 داناسى گاز قوندىرعىسىمەن جابدىقتالعان (6 247 – جەڭىل، 292 – جۇك جانە 157 جولاۋشىلار كولىگى).

تۇتىنۋشىلارعا سۇيىتىلعان مۇناي گازىن تاراتاتىن اككرەديتتەلگەن 18 گاز جەلىسى ۇيىمى تىركەلگەن. 2019 جىلى وبلىستا ورنالاسقان اۆتوكولىككە گاز قۇياتىن 157 دانا بەكەتتەر سانى ارەكەت ەتۋدە.

وسىلايشا گازداندىرۋ باعىتىندا تالاي تىرلىك تىكتەلۋدە.