مەملەكەتتىك-جەكەشەلىك ارىپتەستىك اياسىندا بۇگىندە باعدارىن تاپقان باستامالار از ەمەس. بۇل ءبىر قىرىنان بيلىك پەن كاسىپكەر اراسىن جاقىنداتا ءتۇستى. جامبىل وبلىسىندا مامىلەگە كەلىپ، وسىناۋ جوباعا جان ۇرلەنىپ جاتقان تىرلىكتەر از ەمەس، دەپ جازادى Qamshy.kz اقپارات اگەنتتىگى. ماسەلەن وبلىس اكىمدىگىنىڭ ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسى، تاراز قالاسىنداعى قولدانىستاعى 172 كوشەگە جارىق شامدارىن مەملەكەتتىك-جەكەشەلىك ارىپتەستىك باعدارلاماسى اياسىندا، جاڭعىرتۋ جۇمىستارىن جۇرگىزۋدى قولعا الۋدا. وسىعان وراي، مەملەكەتتىك – جەكەشەلىك ارىپتەستىك باعىتىندا 16 079 دانا جارىق ديودتى شامدارى مەن 95 دانا باسقارۋ اپپاراتتارىن ورناتۋ جوسپارلانعان جانە قاراجات كولەمى شامامەن 3 195 929 مىڭ تەڭگەنى قۇرايتىن بولادى.
اتالعان باعدارلاما شەڭبەرىندە، قىزىعۋشىلىق تانىتىپ وتىرعان «اltocom Asia» ج ش س مەن كونسورسيۋم «ەverlight Alto» بىرلەستىگىنىڭ قارجى - ەكونوميكالىق جوبالىق مودەلىنە سايكەس، كوشە جارىقتارىن جارىق ديودتى شامدارعا اۋىستىرعان جاعدايدا، ەلەكتر ەنەرگياسىنىڭ شىعىنىن 50 پايىزعا تومەندەتۋ ەسەپتەلگەن.
مەملەكەتتىك-جەكەشەلىك ارىپتەستىك (ءارى قاراي- ءمجا) جوبالارىن جوسپارلاۋدىڭ جانە ىسكە اسىرۋدىڭ كەيبىر ماسەلەلەرى تۋرالى قازاقستان رەسپۋبليكاسى ۇلتتىق ەكونوميكا مينيسترلىگى 2015 جىلعى 25 قاراشاداعى № 725 بۇيرىعىنىڭ 130- تارماعىنا سايكەس، الەۋەتتى جەكەشە ارىپتەس مەملەكەتتىك – جەكەشەلىك ارىتەستىك باعىتىندا باستماشىلىقتى ىسكە اسىرۋعا وتىنىمدەرىن ۇسىندى. ونىڭ ىشىندە الەۋەتتى جەكەشە ارىپتەستىڭ اتاۋىن جانە مەكەنجايىن؛ مەملەكەتكە تيەسىلىگىن (زاڭدى تۇلعالار ءۇشىن)، ازاماتتىعىن (جەكە تۇلعالار ءۇشىن)؛ زاڭدى تۇلعالاردىڭ باسشىلارى نەمەسە يەلەرى جانە الەۋەتتى جەكەشە ارىپتەسكە وكىلدىك ەتەتىن تۇلعالار تۋرالى دەرەكتەردى؛ وسى قاعيدالاردىڭ 128-تارماعىنا سايكەس وبەكتىگە قاتىستى مەنشىك نەمەسە ۇزاق مەرزىمگە جالعا الۋ قۇقىعىن نەمەسە الەۋەتتى جەكەشە ارىپتەسكە تيەسىلى زياتكەرلىك شىعارماشىلىق قىزمەت ناتيجەلەرىنە ايرىقشا قۇقىقتاردى راستايتىن قۇجاتتاردى؛ الەۋەتتى جەكەشە ارىپتەستە تيەسىلى زياتكەرلىك شىعارماشىلىق قىزمەت ناتيجەلەرىنە ايرىقشا قۇقىقتاردىڭ بولۋى تۋرالى ءتيىستى ۋاكىلەتتى ورگاننىڭ راستايتىن حاتتى؛ وسى قاعيدالارعا 5-قوسىمشاعا سايكەس قۇرىلىمدا ازىرلەنگەن ءمجا جوباسىنا بيزنەس-جوسپار. بۇل رەتتە ءمجا جوباسىنىڭ قارجى-ەكونوميكالىق مودەلىن ءمجا جوباسىنىڭ باستاماشىسى ازىرلەندى جانە ءمجا جوباسىنا بيزنەس-جوسپار قۇرامىندا ۇسىنىلىپ وتىر. بۇل ءسوز جوق جەمىسىن بەرەر جوبالار ەكەنى داۋسىز.
