سىبايلاس جەمقورلىقپەن كۇرەستە «بارماق باستى، كوز قىستىعا» جول جوق. بۇنى بۇگىندە جامبىل وبلىسىنداعى باسقارمامەن باسقا ارنانىڭ باسشىلارى بەرىك ۇستانۋدا. سونداي-اق ءتۇرلى قوعامدىق قابىلداۋلار وتكىزىپ، مەكەمە باسشىلارى بۇقاراعا جەمقورلىق فاكتىلەرىنىڭ كەرى اسەرلەرىن ءجىتى تۇسىندىرۋدە. مىنە سونداي باسقوسۋدىڭ بىرىنە وبلىس اكىمدىگى كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى جەڭىس سارييەۆ ۇيىتقى بولدى، دەپ جازادى Qamshy.kz اقپارات اگەنتتىگى.  اتاپ ايتساق، باسقارما باسشىسى ج ەڭىس سارييەۆ ق ر سىبايلاس جەمقورلىققا قارسى ءىس – قيمىل اگەنتتىگىنىڭ جامبىل وبلىسى بويىنشا دەپارتامەنتى، «جامبىل ادالدىق الاڭى» جوبالىق كەڭسەسىندە ازاماتتارعا الەۋمەتتىك جەلى ارقىلى قوعامدىق قابىلداۋ جۇرگىزدى.

كەزدەسۋ الاڭىندا باسقارما باسشىسى جالپى كاسىپكەرلىك سالاسىندا اتقارىلىپ جاتقان جۇمىستار تۋرالى ونىڭ ىشىندە باسقارمانىڭ نەگىزگى فۋنكسيالارىنا كىرەتىن ونەركاسىپ، يندۋستريالدى – يننوۆاسيالىق جوبالاردى دامىتۋ، كاسىپكەرلىكتى دامىتۋ جانە مەملەكەتتىك قولداۋ كورسەتەتىن باعدارلامالاردىڭ جۇزەگە اسىرىلۋى تۋرالى ءتۇسىندىردى.

سونداي – اق كوپتىڭ كوكەيىندە جۇرگەن «بيزنەستىڭ جول كارتاسى – 2020» مەملەكەتتىك باعدارلاماسى اياسىندا وتكىزىلگەن گرانتتىق قارجىلاندىرۋ كونكۋرسىنا قاتىستى سۇراقتارعا ءتيىستى جاۋاپتار بەرىلدى.

بۇدان بولەك، قازاقستان رەسپۋبليكاسى سىبايلاس جەمقورلىققا قارسى ءىس – قيمىل اگەنتتىگىنىڭ (سىبايلاس جەمقورلىققا قارسى قىزمەت) جامبىل وبلىسى بويىنشا دەپارتامەنتى تاپسىرماسىنا سايكەس، وبلىس اكىمدىگى كاسىپكەرلىك جانە يندۋستريالدى – يننوۆاسيالىق دامىتۋ باسقارماسىندا «ادالدىق ساعاتى» ءوتتى.

سىبايلاس جەمقورلىقپەن كۇرەسۋ تۋرالى ۇيىمداستىرىلعان جيىنعا باسقارما باسشىسىنىڭ ورىنباسارى م.جاكىپبايەۆ پەن باسقارما قىزمەتكەرلەرى قاتىستى.

جيىن بارىسىندا باسشى ورىنباسارى سىبايلاس جەمقورلىقتىڭ الدىن-الۋ – مەملەكەت دامۋىنىڭ نەگىزگى فاكتورى بويىنشا بايانداما جاسادى.

سونداي – اق، قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسىنىڭ ماقساتتارىنا جەكە – جەكە توقتالىپ، ءتۇسىندىردى.

وسىلايشا باسقارما باسشىسى مەن ماماندارى جەڭ ۇشىنان جالعاسقان جەمقورلىق فاكتىلەرىنە جۇدىرىقشا جۇمىلىپ سوققى بەرۋگە كۇش سالۋدا. ارينە ۇلكەن قۇرىلىمنىڭ قىزمەتكەرلەرى ەڭ ءبىرىنشى وز-وزدەرىن تارتىپكە شاقىرىپ جاتقانى قۋانتادى. سەبەبى ءار نانرسە ىنتا مەن نيەتتەن باستالاتىنى انىق.