جامبىل وبلىسىنداعى ەڭ ءىرى كاسىپورىن سانالاتىن «قازفوسفات» جاۋاپكەرشىلىگى شەكتەۋلى سەرىكتەستىگى ءوزىنىڭ قۇرىلعانىنا 20 جىلدىق مەرەيتويىن جوعارى دەڭگەيدە اتاپ ءوتتى، دەپ جازادى Qamshy.kz اقپارات اگەنتتىگى. 

سالتاناتتى كەش وبلىس ورتالىعىنداعى «بالاساعۇن» كونسەرت زالىندا ءوتىپ وعان سەرىكتەستىكتىڭ قىزمەتكەرلەرى مەن ارداگەرلەر، وبلىستاعى ونەركاسىپ سالاسىنىڭ مامنادارى قاتىستى.

وسىدان ءدال 20 جىل ۋاقىت بۇرىن فوسفور ءوندىرىسىن نارىق زامانىنا بەيىمدەۋ ماقساتىندا قۇرىلعان كوممەرسيالىق قۇرىلىمنىڭ تاريحى تىم تەرەڭدە. العاش رەت 1946 جىلى شولاقتاۋ كەنىشىنەن بارلانۋىمەن باستالعان جامبىل فوسفور بۇگىندە الەمنىڭ 27 ەلىندە ۇلكەن سۇرانىسقا يە تاۋار ءتۇرى سانالادى. بىرنەشە وندىرىستىك كەشەندەردەن تۇراتىن سەرىكتەستىك ءقازىردىڭ وزىندە فوسفور ءونىمىنىڭ 20 ءتۇرىن وندىرەدى. «قازفوسفاتتىڭ» ءونىمىن تۇتىنۋشىلار قاتارىندا ەۋروپا، ازيا ەلدەرىنەن بولەك لاتىن امەريكاسى مەملەكەتتەرى دە بار.

ءقازىر «قازفسفات» جاۋاپكەرشىلىگى شەكتەۋلى سەرىكتەستىگىنىڭ وبلىس اۋماعىنداعى «شولاقتاۋ» جانە «قاراتاۋ» تاۋ-كەن وڭدەۋ كەشەندەرى، جاڭا جامبىل فوسفور زاۋىتى، مينەرالدى تىڭايتقىشتار زاۋىتى، تەمىرجول-كولىك كەشەنى سىندى 4 وندىرىستىك نىسانىندا 6200 جامبىلدىق ەڭبەك ەتەدى. زاۋىت باسشىلىعىمەن ولاردىڭ الەۋمەتتىك ماسەلەسى دە كەزەڭ-كەزەڭىمەن شەشىلىپ كەلەدى.

جىل باسىنان بەرى سەرىكتەستىك 108 ميلليارد 100 ميلليون تەڭگەنىڭ ءونىمىن وندىرگەن. بۇل وتكەن جىلدىڭ ەسەپتى كەزەڭىمەن سالىستىرعاندا 35 پايىزعا كوپ. الىپ حيميا كەشەنى جىل سوڭىنا دەيىن 147 ميلليارد 100 ميلليون تەڭگەنىڭ ءونىمىن ءوندىرۋدى جوسپارلاپ وتىر. جامبىل فوسفورىن ءوندىرىپ وسىناۋ مول تابىسقا كەنەلىپ وتىرعان سەرىكتەستىك ءوڭىر ەكونوميكاسىنا دا ايتارلىقتاي پايدا تۇسىرۋدە. سوڭعى 12 جىل ىشىندە «قازفوسفات» جاۋاپكەرشىلىگى شەكتەۋلى سەرىكتەستىگى وبلىس بيۋدجەتىنە 38 ميلليارد 300 ميلليون تەڭگە كولەمىندە سالىقتىق ءتۇسىم جاسادى.

1999 جىلدان بەرى وسى كاسىپورىننىڭ ءتۇرلى قۇرىلىمدارىندا باسشىلىق جاساعان ، «قازفوسفات» جاۋاپكەرشىلىگى شەكتەۋلى سەرىكتىگىنىڭ باس ديرەكتورى مۇقاش ەسكەندىروۆ 2015 جىلى قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ جارلىعىمەن «قازاقستاننىڭ ەڭبەك ەرى» اتاندى. ءوز كەزەگىندە، سەرىكتەستىك ۇجىمى بۇل ماراپاتتى رەسپۋبليكاداعى حيميا ونەركاسىبىنىڭ جەتەكشىسى كاسىپورنى سانالاتىن «قازفوسفاتتىڭ» تالاي جىلعى وندىرىستىك ەڭبەگىنە بەرىلگەن لايىقتى باعا دەپ سانايدى.