جامبىل وبلىسىنداعى ىرگەلى ايماقتاردىڭ ءبىرى-قورداي اۋدانى كەيىنگى جىلدارى قارىشتاپ دامىپ كەلەدى. بۇل، ارينە، ەلباسى جولداۋىندا ايقىندالعان مىندەتتەردىڭ جەمىسى ەكەندىگى داۋسىز. مىسالى، وڭىردە مەملەكەتتىك باعدارلامالاردىڭ ناتيجەسىندە جاڭا كاسىپكەرلىك نىساندارى اشىلىپ، جۇرتشىلىقتى جۇمىسپەن قامتۋعا وڭ سەپتىگىن تيگىزۋدە.

بۇگىندە سارىبۇلاق اۋىلدىق وكرۋگى اۋماعىندا ورنالاسقان، تەك قازاقستان عانا ەمەس، جالپى ورتا ازيادا بالاماسى جوق ۆەتەرينارلىق دارى-دارمەك شىعاراتىن «بيوۆەت» ءجشس-نىڭ تنىسى-تىرشىلىگى كىم-كىمدى دە قىزىقتىرماي قويمايدى. كاسىپورىن باسشىسى ءۋالي شانگارايەۆتىڭ ايتۋىنشا، بۇگىندە بارلىق قۇرىلىس جۇمىستارى اياقتالعان. سەرىكتەستىك قوسىمشا ينۆەستورلار ىزدەۋمەن قاتار، پرەپارات شىعاراتىن قوندىرعىلار الۋ ءۇشىن نەسيە الۋعا قۇجاتتارىن دا وتكىزىپ قويىپتى. قارجى تولىعىمەن تابىلعان جاعدايدا ۆەتەرينارلىق پرەپاراتتارمەن بۇكىل ەلىمىزدى قامتۋعا وندىرىستىك قۋاتى جەتەتىن سەرىكتەستىك رەسپۋبليكانى شەتەلگە دەگەن تاۋەلدىلىكتەن تولىقتاي ارىلتۋى ءتيىس.

قورداي اۋىلىنىڭ ماڭىنان ورىن تەپكەن «گرينۆيل» ءجشس-نىڭ اكۆاپونيكا ءادىسىن قولدانىپ وتىرعان جىلىجاي كەشەننىڭ تىرلىگى دە كوپتىڭ نازارىندا. وڭتۇستىككورەيالىق تەحنولوگيالار قولدانىلعان جىلىجاي جاقىن بولاشاقتا تولىعىمەن جۇمىسىن باستاماق. «ماNN CEA» دەپ اتالاتىن الەمدەگى ۇزدىك اكۆافەرما ءوندىرۋشى كومپانياسىنان تاپسىرىسپەن الىنىپ، بۇگىنگى كۇنگە تولىق ورناتىلعان بىرەگەي وندىرىستىك جىلىجاي جىلىنا 300 توننادان استام «ايسبەرگ»، «رۋككولا»، «ليستوۆوي»، «روبلەن» سىندى جوعارى ءونىمدى سالات تۇرلەرى مەن 40 توننادان استام «تيلاپيا» بالىعىن ساتىلىمعا شىعارماق نيەتتە.

ال «پەرۆومايسكيە دەليكاتەسى» جشس- جىلىنا 6380 توننا ەت وندىرە الاتىن الەۋەتكە يە كاسىپورىن. بۇگىنگى تاڭدا ازىق-تۇلىك ونىمدەرىن وندىرەتىن كاسىپورىندارىنان تالاپ ەتىلەتىن «ناسسر» ستاندارتتارىنا سايكەس سەرتيفيكاتى بار سەرىكتەستىك بىلتىرعى جىلدىڭ وزىندە 260 توننا ەت ءونىمىن ءوندىرىپ، تاۋارىن ەلىمىزدەگى ەڭ ءىرى گيپەرماركەتتەر ارقىلى ساتىلىمعا شىعارعان. ەندىگى كەزەكتە ەتتى شەتەلگە ەكسپورتتاۋعا بارلىق مۇمكىندىگى بار سەرىكتەستىككە سول باعىتتا جۇمىستاردى جانداندىرۋ قاجەت بولىپ وتىر. مۇندا دا شەتەلدىك وزىق تەحنيكالار تالاپقا ساي جۇمىس ىستەپ، اۋدان تۇرعىندارى جۇمىسپەن قامتىلىپ وتىرعان جايى بار.

قوردايداعى «Central AsiaGold Production» جاۋاپكەرشىلىگى شەكتەۋلى سەرىكتەستىگىنىڭ التىن جانە كۇمىس مەتالدارىنىڭ قورىتپاسىن وڭدەۋ زاۋىتىنىڭ جۇمىسى دا كوش ىلگەرى.

2017 جىلى 117 كەلى التىن، 15 كەلى كۇمىس، ال 2018 جىلى 97 كەلى التىن، 14 كەلى كۇمىس وندىرگەن كاسىپورىن وندىرىلگەن رۋدانى ۇساقتاۋ كەشەنىن وڭتۇستىك افريكا مەملەكەتىنەن قوماقتى قارجىعا ساتىپ العان. بيىلعى جىلى ءوندىرىس كولەمى تومەندەگەنىمەن، سەرىكتەستىك وكىلدەرى ونىڭ تەك ۋاقىتشا ەكەنىن ايتىپ وتىر. ءوندىرىس ورنىنىڭ بولاشاعى زور.

ءبىر سوزبەن ايتقاندا قوردايداعى اۋقىمدى جوبالار كوڭىل قۋانتارلىقتاي. الداعى جوسپارلاردىڭ دا اۋقىمى ۇلكەن.