جاستار جىلىنا وراي جامبىل وبلىسىندا ءتۇرلى ءىس-شارالار وتكىزىلىپ، جاستاردىڭ قوعامداعى ورنىن، ولارعا جاسالعان جاعدايدى ارتتىرۋعا باعىتتالعان جوبالار جۇزەگە اسىرىلۋدا. سولاردىڭ قاتارىندا اكىمدەردىڭ بەلسەندى جاستارمەن كەزدەسۋ وتكىزۋى داستۇرگە اينالعان. مۇنداي جيىنداردا ورەسكەل ۇرپاق اعا بۋىنعا قوعامداعى ماسەلەلەر جايلى اشىق ويلارىن ايتىپ، ءوز ساۋالدارىنا جاۋاپ الادى.

وسىنداي كەزدەسۋدىڭ ءبىرىن تالاس اۋدانىنىڭ اكىمى دوسماحانبەت الييەۆ وتكىزدى. باسقوسۋ اۋدان ورتالىعى قاراتاۋ قالاسىنداعى قاراتاۋ قۇرىلىس-تەحنيكالىق كوللەدجىنىڭ بازاسىندا ءوتتى. كەزدەسۋگە اۋدانداعى 4 ارناۋلى ورتا وقۋ ورنى – قاراتاۋ قۇرىلىس-تەحنيكالىق كوللەدجى، قاراتاۋ ءبىلىم، بيزنەس جانە تەحنولوگيا كوللەدجى، قاراتاۋ تاۋ-كەن كوللەدجى جانە قاراتاۋ № 2 كوللەدجىنىڭ بەلسەندى ستۋدەنتتەرى قاتىستى.

جيىندا اۋەلى اۋداندىق جاستار رەسۋرستىق ورتالىعىنىڭ ديرەكتورى ن. ماناتبەكوۆ تالاس جاستارىنىڭ وسى جىلى جەتكەن جەتىستىكتەرى مەن اتقارعان جۇمىستارى تۋرالى بايانداپ ءوتتى. سونان سوڭ كوللەدج ديرەكتورى د. ماسەلبەكوۆ كوللەدج قابىرعاسىندا وقىپ جۇرگەن ستۋدەنتتەردىڭ كوگالداعى حوككەي سپورتىنان ق ر سپورت شەبەرلەرى اتانعانىن ايتىپ، ۇلتتىق «Worldskills» چەمپيوناتىندا جۇلدەلى ەكىنشى ورىن العانىن ماقتانىشپەن جەتكىزدى.

كەزدەسۋدە اۋدان اكىمى جاستارعا كەزدەسۋ ەركىن فورماتتا وتەتىندىگىن، ەشقانداي قىمسىلىپ-قىمتىرىلماي، كوكەيلەرىندە جۇرگەن سۇراقتارىن ەش بۇكپەسىز قويۋلارىن سۇراندى. كەزدەسۋ بارىسىندا قاراتاۋ قۇرىلىس-تەحنيكالىق كوللەدجىنىڭ بىلىمگەرلەرى بەلسەندىلىك تانىتىپ، قاسىم-جومارت كەمەل ۇلى توقايەۆ «ۆولونتەرلار جىلى» دەپ بەكىتكەن 2020 جىلى اۋداندا اتقارىلاتىن شارالار، تۇرمىستىق جاعدايى تومەن بىلىمگەرلەرگە اۋدان اكىمىنىڭ گرانتىن قاراستىرۋ، قالا جاستارىنا ارنالعان ساياباققا تەگىن Wi-Fi ورناتۋ، «جاسىل ەل» باعدارلاماسى بويىنشا جۇمىسقا قابىلداناتىن ستۋدەنتتەر سانىن كوبەيتۋ، ۇلتتىق «Worldskills» چەمپيوناتىنا قاتىساتىن ستۋدەنتتەرگە دەمەۋشىلىك كورسەتۋ جايىندا ۇسىنىستارىن ءبىلدىردى. اۋدان اكىمى ءوز كەزەگىندە قويىلعان سۇراقتاردىڭ ءبارى نازاردان تىس قالمايتىنىن، جاستاردىڭ ۇسىنىستارىن جان-جاقتى قاراپ ورىنداۋعا ۋادە ەتتى.

كەزدەسۋ اياسىندا دوسماحانبەت قاسىم ۇلى كوللەدجدىڭ بەلسەندى جاستارى جاتاتىن جاتاقحانا، ءپان بويىنشا وتىلەتىن زەرتحانالىق كابينەتتەر مەن ۇيىمداستىرىلعان كورمەلەرمەن تانىسىپ ءوتتى.