جامبىل وبلىسى بويىنشا مەملەكەتتىك كىرىستەر دەپارتامەنتىنىڭ جينالىس زالىندا، قوعامدا سىبايلاس جەمقورلىققا قارسى مادەنيەتتى قالىپتاستىرۋ ماقساتىندا «ادالدىق ساعاتى» شەڭبەرىندە «سىبايلاس جەمقورلىقپەن كۇرەس» تاقىرىبىنا ارنايى دەپارتامەنت ۇجىمىنىڭ الدىندا ءدارىس وقىلدى.

جيىندا اۋەلى دەپارتامەنتتىڭ جەتەكشى مامانى بانۋ جۇزبايەۆا تاقىرىپ توڭىرەگىندە بايانداما جاسادى. ءوز بايانداماسىندا ول سىبايلاس جەمقورلىقپەن كۇرەس – دامۋشى ەلدەردىڭ كۇن تارتىبىندە الدىڭعى قاتاردا تۇراتىن ەڭ ماڭىزدى ماسەلەلەردىڭ ءبىرى دەپ اتاپ ءوتتى. سونىمەن قاتار، بايانداماشى ەلىمىزدىڭ «قازاقستان- 2050» ۇزاق مەرزىمدى ستراتەگياسىندا سىبايلاس جەمقورلىق ۇلتتىق قاۋىپسىزدىككە تىكەلەي اسەر ەتەتىن قاۋىپ-قاتەر رەتىندە كورسەتىلگەنى جايلى ايتتى. بۇعان ەلباسى ن.ءا.نازاربايەۆ جانە دە ق ر پرەزيدەنتى ق.ك.توقايەۆ اسا كوڭىل ءبولىپ، بۇل دەرتتى جويماي تولىق دامۋ مەن ءوسىپ وركەندەۋ مۇمكىن ەمەس دەپ ايتىپ وتكەن بولاتىن.

– سوندىقتان، ەلىمىزدە وسى ماڭىزدى ماسەلە بويىنشا قاعيداتتىق ۇستانىمدى بىلدىرەتىن 2014 جىلى 26 جەلتوقساندا 2015-2025 جىلدارعا ارنالعان سىبايلاس جەمقورلىققا قارسى ستراتەگياسى قابىلدانعان بولاتىن.

ستراتەگيانىڭ ماقساتتارى رەتىندە جەمقورلىق كولەمىن ازايتۋ، مەملەكەتتىك ورگانداردىڭ اشىقتىعى، كۆازيمەملەكەتتىك جانە جەكە سەكتورلاردىڭ اشىقتىعى كەلەسىلەر ايقىندالعان.

وسىلايشا، باستى نازار سىبايلاس جەمقورلىقتىڭ سالدارلارىمەن كۇرەسكە ەمەس، ونىڭ العىشارتتارىن جويۋعا اۋدارىلۋى ءتيىس. قوعامدىق ءومىردىڭ بارلىق سالالارىنا ەنىپ كەتكەن بۇل ىندەتتىڭ الدىن-الۋ ءۇشىن ەلىمىزدە ينستيتۋسيونالدىق جانە قۇقىقتىق بازا قالىپتاسقان.

ماسەلەن، «100 ناقتى قادام» ۇلت جوسپارى شەڭبەرىندە 2015 جىلدىڭ 18 قاراشاسىندا «سىبايلاس جەمقورلىققا قارسى ءىس-قيمىل تۋرالى» زاڭى قابىلداندى. وسىعان وراي، ەلباسىنىڭ 2018 جىلعى 5 قازانداعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا جەمقورلىقتان ادا ءوڭىر قالىپتاستىرۋ كەرەكتىگى تۋرالى تاپسىرماسىنا سايكەس تۇرمىستىق جەمقورلىقتى جويۋ ماقساتىندا بارلىق وڭىردە «ادالدىق الاڭى» جوبالىق كەڭسەلەرى قۇرىلعان بولاتىن، – دەدى ب. جۇزبايەۆا ءوز سوزىندە.

سونىمەن قاتار، جيىندا سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلعا وزگە دە جولمەن جاردەمدەسكەن ادامدارعا، ەگەر كىنالى ادامعا قاتىستى اكىمشىلىك جازا قولدانۋ تۋرالى سوت قاۋلىسى نەمەسە ايىپتاۋ ۇكىمى زاڭدى كۇشىنە ەنگەن بولسا، ءبىرجولعى اقشالاي سىياقى تولەنەتىنى ايتىلدى.

جالپى، دارىسكە قاتىسقان دەپارتامەنتتىڭ 53 قىزمەتكەرى سىبايلاس جەمقورلىققا قارسى ۇكىمەت تاراپىنان قانداي ءىس-شارالار جۇرگىزىلىپ جاتقانىن حاباردار بولدى.