قىركۇيەكتىڭ باسىندا ەل پارلامەنتىنىڭ بىرلەسكەن وتىرىسىندا مەملەكەت باسشىسى قاسىم-جومارت توقايەۆتىڭ «سىندارلى ديالوگ — قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋى جاريالانعانى ءمالىم. قالىپتاسقان ءۇردىس بويىنشا جولداۋ جاريالانعاننان كەيىن ۋاقىت ۇزاتپاي ۇكىمەتتەن باستاپ جەرگىلىكتى اتقارۋشىلاردىڭ جولداۋدان تۋىندايتىن مىندەتتەردى بەلگىلەۋ، جولداۋ ناسيحاتى دەگەن ءتيىستى شارالارى بار. ءۇردىستى شارالار جولداۋدىڭ ىزىنشە جامبىل وڭىرىندە دە قارقىندى جۇرۋدە.

ماسەلەن، جۋىردا مويىنقۇم اۋداندىق اقپاراتتىق توپتىڭ مۇشەلەرى «مويىنقۇم تاڭى» گازەتىنىڭ باس رەداكتورى سۇندەتۋللا ءابىلوۆ پەن اۋداندىق تاۋارلار مەن كورسەتىلەتىن قىزمەتتەر ساپاسى مەن قاۋىپسىزدىگىن باقىلاۋ باسقارماسىنىڭ باسشىسى سامات وسكەنبايەۆ پرەزيدەنت قاسىم-جومارت توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا ارناعان جولداۋىن كۇشامان، جامبىل اۋىلدارىنىڭ حالقىنا ءتۇسىندىرۋ بويىنشا جيىن وتكىزدى.

كۇشامان اۋىلىنداعى مەكتەپتە وتكەن جيىندى اۋىل اكىمى كەڭەسباي سارباسوۆ، ال جامبىل اۋىلىنداعى مەكتەپتە وتكەن جيىندى اۋىلدىق وكرۋگتىڭ اكىمى ەرماك جۇمابەكوۆ اشىپ، جۇرگىزىپ وتىردى. جولداۋدا ايتىلعان «زامان تالابىنا ساي ءتيىمدى مەملەكەت»، «ازاماتتاردىڭ قۇقىقتارى مەن قاۋىپسىزدىگىن قامتاماسىز ەتۋ»، «قارقىندى دامىعان جانە ينكليۋزيۆتى ەكونوميكا»، «الەۋمەتتىك جاڭعىرۋدىڭ جاڭا كەزەڭى»، «قۋاتتى وڭىرلەر – قۋاتتى ەل» باعىتتارىنا جەكە-جەكە توقتالعان ولار، ونى ءوز اۋدانىمىزدا اتقارىلىپ جاتقان يگىلىكتى ىستەرمەن بايلانىستىرا وتىرىپ باياندادى.ەكى اۋىل حالقىندا جامبىل وبلىسىنىڭ اكىمى ا.مىرزاحمەتوۆتىڭ حالىقتىڭ تۇرمىسىن جاقسارتۋ جولىنداعى جاڭا جوباسىمەن دە تانىستىردى. جوباداعى 5 باعىت مىسالدار كەلتىرە وتىرا ءتۇسىندىرىلدى.كۇشامان اۋىلىندا ا.بەكبەرگەنوۆا اۋىلداعى اۋىز سۋدىڭ ساپاسى تۋرالى سۇراسا، جامبىل اۋىلىنداعى جيىندا مەكتەپ ءمۇعالىمى ا.كەنجەبەكوۆ اۋىلدا ەگىن سۋىنىڭ 4 ايدان بەرى جوقتىعىنا قىنجىلىس ءبىلدىردى. سونىڭ كەسىرىنەن ءۇي ىرگەسىندەگى ەگىستىك جەرلەر پايدالانىلماي قالعانىن ايتتى. جالپى جيىنداردا ەكى اۋىل حالقى دا پرەزيدەنت جولداۋىن قولدايتىندىقتارىن ءبىلدىرىپ، ونداعى ايتىلعان ماسەلەلەردىڭ ورىندالۋىنا ۇلەس قوساتىندارىن جەتكىزدى. سونداي-اق وبلىس اكىمىنىڭ جوباسى دا ورىندى ەكەنىن اتاپ ءوتتى.جيىندا مىندەتتى الەۋمەتتىك ساقتاندىرۋ جۇيەسى تۋرالى دا ماعلۇمات بەرىلىپ، اۋداندىق «مويىنقۇم تاڭى» گازەتىنە 2020 جىلعا جازىلۋ تۋرالى دا ءسوز قوزعالدى.