مەملەكەت باسىشسى قاسىم-جومارت توقايەۆتىڭ ءبىلىم سالاسىن دامىتۋعا دەگەن ەرەكشە قامقورلىعىنىڭ ارقاسىندا ءبىلىم بەرۋ جۇيەسىندەگى ماڭىزدى ماسەلەلەر دەر كەزىندە شەشىمىن تابۋدا. جاسالعان جاعدايلار ناتيجەسىندە جامبىل وبلىسىندا وتكەن وقۋ جىلىندا كوپتەگەن جەتىستىكتەرگە قول جەتكىزىلدى. جامبىلدىقتار اعىمداعى وقۋ جىلىندا دا اۋقىمدى ءىستى ەڭسەرۋگە بەل بۋىپ وتىر.

ءبىلىم سالاسىنا بولىنگەن كوڭىلدىڭ ارقاسىندا وبلىستاعى شالعاي ورنالاسقان اۋدان – مويىنقۇمدا دا بۇل ءىستىڭ اياق الىسىنا قارقىن قوسىلدى. جالپى، 2019-2020 وقۋ جىلىندا اۋداندا جاڭا اتتەستاتتاۋ جۇيەسىنە سايكەس 80 پەداگوگ-زەرتتەۋشى، 114 پەداگوگ-ساراپشى بىلىكتىلىگىن الدى. 2019-2020 وقۋ جىلىندا 4، 9،10 سىنىپتار جاڭارتىلعان ءبىلىم مازمۇنىنا كوشتى. جاڭارتىلعان ءبىلىم بەرۋ مازمۇنى بويىنشا 612 پەداگوگ بىلىكتىلىگىن ارتتىرۋ كۋرستارىنان ءوتتى.

بۇگىنگى كۇندە جالپى ءبىلىم بولىمىنە قاراستى 15 بالاباقشا مەن 7 شاعىن ورتالىقتا 1492 بالا تاربيەلەنۋدە، ول اۋدان بويىنشا مەكتەپكە دەيىنگى تاربيەمەن قامتىلعاندار ۇلەسى 1-6 جاس ارالىعىندا – 98،3 پايىزدى ، 3-6 جاس ارالىعىندا – 100 پايىزدى قۇراپ وتىر.

ۇبت-عا دايىندىق ساپاسىن جاقسارتۋ باعىتىندا 6 رەت ءبىلىم ءبولىمى تاراپىنان سىناق تەست الىنىپ، 23 ءىس-شارا وتكىزىلىپ، وعان 580 ءمۇعالىم قامتىلدى. ناتيجەسىندە اۋدان بويىنشا ۇبت-دەگى ورتاشا بالل 91،5 پايىزدى قۇرادى. ول وتكەن جىلمەن سالىستىرعاندا 4،3 باللعا جوعارى. اۋدان مۇعالىمدەرى بيىلعى وقۋ جىلىندا جاقسى باستاپ وتىر. باستى ماقسات- وقۋشىلارعا ساپالى ءبىلىم، سانالى تاربيە بەرۋ. ال ول ءۇشىن ۇستازدارعا بارلىق جاعدايلار جاسالعان.

وقىتۋ جۇيەسىن جاڭارتۋ جۇمىستارى اۋدانداعى ءبىلىم ساپاسىن دا كوتەرگەن. ماسەلەن، جالپى ءبىلىم بەرەتىن پاندەر بويىنشا وبلىستىق وليمپياداعا اۋداننان بارلىعى 19 وقۋشى 9 پاننەن قاتىسىپ، ونىڭ ۇشەۋى ءۇشىنشى ورىندى يەلەندى. اتاپ ايتقاندا، جامبىل مەكتەپ –گيمنازياسىنان مۇرات نۇرماحان گەوگرافيا پانىنەن، مادينا ابجانوۆا تاريح پانىنەن، اباي ورتا مەكتەبىنەن ارۋجان سىزدىقوۆا قازاق ءتىلى مەن ادەبيەتىنەن III ورىنعا يە بولدى.

مۇعالىمدەردىڭ دە جەتىستىگى مول. بۇل رەتتە، وبلىستىق، رەسپۋبليكالىق بايقاۋلارعا، عىلىمي جوبالارعا، وليمپيادالارعا قاتىسىپ، جۇلدەلى ورىنعا يە بولعان ۇستازداردىڭ ەڭبەگىن ماقتانىشپەن ايتۋعا بولادى. ولاردىڭ قاتارىندا وبلىستىق «ەڭ ۇزدىك مەكتەپالدى دايارلىق پەداگوگى» مەكتەپالدى دايارلىق پەداگوگتارىنىڭ كاسىبي بەدەلىن ارتتىرۋ جانە جاس مامانعا قولداۋ كورسەتۋ،ۇزدىك پەداگوگيكالىق تاجىريبەلەردى ناسيحاتتاۋ بارىسىندا ءا.مولداعۇلوۆا اتىنداعى نەگىزگى مەكتەبىنىڭ پەداگوگى تاڭشولپان اۋكەن، وبلىستىق «ءوزىن-وزى تانۋ ءپانىنىڭ ۇزدىك ءمۇعالىمى» اتتى بايقاۋىندا م.جۇمابايەۆ مەكتەپ-ليسەيىنىڭ «ءوزىن-وزى تانۋ» ءپانى ءمۇعالىمى ا.جاناتوۆا، اۋداندىق بايقاۋدىڭ جەڭىمپازى جانە وبلىستىق «دارىندى بالاعا – تالانتتى ۇستاز» بايقاۋىنا قاتىسقان، جامبىل مەكتەپ گيمنازياسىنىڭ قازاق ءتىلى ءپانىنىڭ ءمۇعالىمى بالجان جانعابىل داردى ەرەكشە اتاپ قتۋگە بولادى.