ق ر پرەزيدەنتى ق.توقايەۆتىڭ جەمقورلىققا قارسى ءىس-قيمىل جوسپارىنىڭ جەتى نەگىزگى شاراسىنىڭ ءبىرى رەتىندە مەملەكەت پەن ازاماتتىق قوعام ينستيتۋتتارىنىڭ كونسترۋكتيۆتى ارىپتەستىگىن اتاپ، جەمقورلىقپەن كۇرەستە كۇشتىك شارالار ازدىق ەتەتىن ايتقان بولاتىن. سونىمەن قاتار مەملەكەت باسشىسى قازاقستان حالقىنا العاشقى جولداۋىندا بۇل ماسەلەگە ايرىقشا توقتالىپ، ناقتى مىندەتتەر جۇكتەدى.

وسى ورايدا قازىرگى تاڭدا جاڭا اگەنتتىك قۇرىلىپ وتىر، ياعني اتالعان ماسەلەگە كۇشتەپ جۇمىس جاسالاتىنىن وسىدان اق كورۋگە بولادى. ونىڭ ىشىندە قۇقىق قورعاۋ جانە سوت سالاسىنا، كۆازيمەملەكەتتىك سەكتورعا قاتىستى ارنايى دەپارتامەنتتەر اشىلىپ وتىر.

سونىمەن قاتار، جەمقورلىقپەن كۇرەستە تەك جازالاۋ ءتۇرىن قولدانباي، جەمقورلىق تاۋەكەلدەرىنە الىپ كەلەتىن سەبەپتەردىڭ الدىن-الۋ، ناسيحاتتاۋ جۇمىستارىن جۇرگىزۋ، ادام بويىندا جەمقورلىققا مۇلدەم توزبەۋشىلىك قاسيەتتەرىن قالىپتاستىرۋ بويىنشا دا جۇمىستار جالعاسىن تاباتىن بولادى.

بۇل تۇرعىدا جامبىل وبلىسىندا اشىقتىق پرينسيپتەرىنە نەگىزدەلگەن جۇمىستار جاندانۋدا.

وزدەرىڭىز بىلەتىندەي مەملەكەتتىك قىزمەتشىلەر ءىسساپارلارعا شىققان كەزدە ولاردىڭ ادەپ نورمالارىنا ساي كەلمەيتىن ارەكەتتەرىنە حالىق تاراپىنان نارازىلىق تۋىنداعان بولاتىن. بۇدان بىلاي اۋدانعا نەمەسە اۋىلدىق ەلدى-مەكەنگە تەكسەرۋ بويىنشا ءىسساپارعا باراتىن بارلىق مەملەكەتتىك قىزمەتشى بارۋداعى ماقساتىن كورسەتە وتىرىپ مەكەمەنىڭ الەۋمەتتىك جەلىدەگى رەسمي پاراقشاسىنا حابارلاندىرۋ جاريالاپ، دەپارتامەنتكە حابار بەرەدى. بۇگىنگى تاڭدا دەپارتامەنت ءوز كەزەگىندە كەلىپ تۇسكەن مالىمەتتەرگە سايكەس «جامبىل – ادالدىق الاڭى» جوباسى اياسىندا ءىسساپاردا جۇرگەن مەملەكەتتىك قىزمەتشىلەردىڭ ادەپ نورمالارىن ساقتالۋىنا قوعامدىق باقىلاۋ جۇرگىزۋدە.

اشىقتىق پرينسيپىندە جۇمىس ىستەۋدىڭ تاعى ءبىر جولى «سەرۆيستىك اكىمدىك» جانە «Open space» جوبالارى اياسىنداعى جۇمىستاردى ۇيىمداستىرۋ،- ق ر سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىنىڭ الدىن الۋ جانە پاراساتتىلىق باسقارماسى باسشىسىنىڭ ۋاقىتشا مىندەتىن اتقارۋشى د.وماروۆ.

بۇگىندە ق ر مەملەكەتتىك قىزمەت ىستەرى اگەنتتىگىنىڭ جامبىل وبلىسى بويىنشا دەپارتامەنتىنىڭ باسشىلىعى كابينەتتەرىن قايتا جابدىقتاپ «Open space» ءپرينسيپى بويىنشا اشىق كەڭسەدە جۇمىس ىستەي باستادى. تۋرا وسىنداي كابينەتكە بايزاق اۋدانىندا 2 ءبولىم باسشىلارى مەن 1 اۋىل اكىمى اۋىستى.