بۇگىندە ەلىمىزدە بۇقارالىق سپورتتى دامىتۋعا باسا نازار اۋدارىلۋدا. مەملەكەت باسشىسى قاسىم-جومارت توقايەۆتىڭ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى جولداۋىندا دا بۇل سالاعا ايرىقشا باسىمدىق بەرىلدى.

قازىرگى تاڭدا جامبىل وبلىسىندا دا بۇل باعىتتا ناتيجەلى جۇمىستار اتقارىلۋدا. سول قاتاردا سارىسۋ اۋدانىندا دا تىندىرىمدى تىرلىكتەر تىكتەلۋدە. اتالمىش ايماقتا سپورت سالاسى جىلدان جىلعا قارقىندى دامۋ ۇستىندە.

اسىرەسە، سپورتتىق نىسانداردىڭ قولجەتىمدىگىن ارتتىرۋ ماقساتىندا جەكە كاسىپكەرلەردىڭ الەۋەتىن پايدالانۋ جاقسى ناتيجەلەر بەرۋدە. مىسالى، 2009 جىلى جايىلما اۋىلىنداعى جەكە كاسىپكەر ج.توعىزاقبايەۆتىڭ جەكە قارجىسىنا سالىپ بەرگەن سپورت كەشەنىنە جايىلما اۋىلىنداعى ب.توعىزاقبايەۆ اتىنداعى بالالار-جاسوسپىرىمدەر سپورت مەكتەبى ورنالاسىپ، ەل يگىلىگىنە قىزمەت اتقارۋدا.

سونىمەن قاتار 2016 جىلى دوسبول، ساۋداكەنت، قامقالى، ۇ.سىزدىقبايەۆ، توعىزكەنت اۋىلدارىندا جاساندى كىشى فۋتبول سپورت الاڭشالارى پايدالانۋعا بەرىلدى. ال 2017 جىلى جاڭاتاس قالاسىنداعى بوكس مەكتەبىنىڭ عيماراتىنا اعىمداعى جوندەۋ جۇمىستارى جۇرگىزىلدى. بۇدان بولەك 2018 جىلى «وڭىرلەردى دامىتۋ» باعدارلاماسى بويىنشا يگىلىك اۋىلدىق وكرۋگىنە ەكى «Street Workaut» الاڭشاسى سالىندى.

قازىرگى تاڭدا ساۋدانكەنت اۋىلىندا «Street Workaut» الاڭشاسىن، جاڭاتاس قالاسىندا امبەباپ سپورتىق الاڭشاسىن سالۋ جۇمىستارى جالعاسىن تابۋدا.

سونداي-اق اۋداندا بۇقارالىق سپورتتى دامىتۋ باعىتىندا ءارالۋان شارالار وتكىزىلىپ كەلەدى. بيىلدىڭ وزىندە ۇلتتىق سپورت تۇرلە ءىبويىنشا 22 شارا ۇيىمداستىرىلعان. ونىڭ 12ء-سى اۋىلدىق وكرۋگتەردە وتكەن. وسى شارالارعا بارلىعى 960 ادام قامتىلىپتى.

ال سالاماتتى ءومىر سالتىن ناسيحاتتاۋ باعىتىندا جىل باسىنان بەرى 105 شارا ۇيىمداستىرىلعان. ونىڭ 51ء-ى اۋىلدىق وكرۋگتەرە وتكەن. بۇل باعىتتاعى شارالارعا 7500 ادام تارلىپى، اتسالىسقان. سونىمەن قاتار كەشەندى سپورتتىق ءىس-شارالار، ياعني سپارتاكيادار ۇيىمداستىرۋ دا جاقسى جولعا قويىلعان. جىل باسىنان بەرى وسىنداي فورماتتا 6 جارىس ۇيىمداستىرىلعان. ولارعا 800 ادام قامتىلىپتى. جالپى، جىل ىشىندە 134 ءىس-شارا ۇيىمداستىرىلىپ، ولارعا 9260 ادام قاتىسقان.

ارينە، بۇل ۇلكەن جۇمىستاردىڭ ءبىر پاراسى عانا. الداعى ۋاقىتتا بۇل باعىتتاعى جۇمىستار جۇيەلى جالعاسا بەرەتىن بولادى.