بۇگىندە بۇقارالىق سپورتتى دامىتۋ ماقساتىندا كوپتەگەن اۋقىمدى ىستەر جۇزەگە اسىرىلۋدا. بۇقارالىق سپورتتى تۇرعىنداردىڭ، ونىڭ ىشىندە جاستارعا، اۋدان تۇرعىندارىنا قولجەتىمدى ەتۋ، سپورتتىق شەبەرلىكتى شىڭداۋ، مەملەكەتتىك ساياساتتىڭ اجىراماس ءبىر بولىگىنە اينالدى.

بۇل تۇرعىدا ەلباسى ن.ءا.نازاربايەۆتىڭ قازاقستان حالقىنىڭ 30 پايىزعا جۋىعىن بۇقارالىق سپورتقا تارتۋ جونىندەگى تاپسىرماسى ءوز وزەكتىلىگىن جويعان جوق.

قازىرگى تاڭدا جامبىل وبلىسىنىڭ سارىسۋ اۋدانىندا 5 بالالار-جاسوسپىرىمدەر سپورت مەكتەبى وسى باعىتتا قىزمەت اتقارىپ كەلەدى سەرىك مىناجەت ۇلى نيازوۆ. باسقاراتىن جاڭاتاس قالاسىنداعى بالالار-جاسوسپىرىمدەر سپورت مەكتەبىندە 58 ادام ەڭبەك ەتەدى. مۇندا 22 جاتتىقتىرۋشى-وقىتۋشى 11 سپورت ءتۇرى بويىنشا 891 وقۋشىنىڭ شەبەرلىگىن شىڭداۋدا.

ال ساۋداكەنت اۋىلىنداعى بالالار-جاسوسپىرىمدەر سپورت مەكتەبىندە 19 جاتتىقتىرۋشى-وقىتۋشى جۇمىس ىستەيدى. مۇندا 10 سپورت ءتۇرى قامتىلعان. جالپى 646 وقۋشى جاتىعىپ كەلەدى.

سول سياقتى جايىلما اۋىلىنداعى ب.توعىزاقبايەۆ اتىنداعى بالالار-جاسوسپىرىمدەر سپورت مەكتەبىندە 7 سپورت ءتۇرى بويىنشا 275 وقۋشى تىركەلگەن. جاس جەتكىنشەكتەرگە 10 جاتتىقتىرۋشى-وقىتۋشى ءدارىس بەرۋدە.

توعىزكەنت اۋىلىنداعى بالالار-جاسوسپىرىمدەر سپورت مەكتەبى سەرىك بايسەيت ۇلى نيازوۆ باسقارىپ كەلەدى. مەكەمەدە جالپى 23 شتاتتىق بىرلىك قاراستىرىلعان. ولاردىڭ 10-ى جاتتىقتىرۋشى-وقىتۋشى. مۇندا سپورتتىڭ 9 ءتۇرى بويىنشا 340 بالا جاتتىعىپ ءجۇر.

وسى ساناتتاعى مەكەمەلەر قاتارى كەيىنگى جىلدارى بوكستان بالالار-جاسوسپىرىمدەر سپورت مەكتەبىمەن تولىقتى. جاڭاتاس قالاسىندا ورنالاسقان مەكتەپتى نۇرجان دۇيسەنباي ۇلى اينەكوۆ باسقارۋدا. مۇندا 8 جاتتىقتىرۋشى-وقىتۋشى 315 جەتكىنشەكتى بىلعارى قولعاپتىڭ قىر-سىرىنا باۋلۋدا.

بالالار-جاسوسپىرىمدەر سپورت مەكتەپتەرىندە، بالالار مەن جاسوسپىرىمدەردى سپورتقا جۇيەلى تۇردە قاتىستىرۋعا، سپورتشىلاردىڭ سپورتتىق شەبەرلىكتەرىن شىڭداۋ ماقساتىندا جوسپارلى تۇردە جۇيەلى جۇمىستار جۇرگىزىلىپ كەلەدى. بۇگىنگى تاڭدا اۋدانداعى 5 بالالار-جاسوسپىرىمدەر سپورت مەكتەپتەرىندە سپورتتىڭ 16 ءتۇرى قامتىلعان، 9 وليمپيادالىق، 5 وليمپيادالىق ەمەس جانە 2 ۇلتتىق سپورت تۇرىنەن 2467 سپورتشى سپورتتىق شەبەرلىكتەرىن شىڭداۋدا.

قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازاربايەۆتىڭ 2017 جىلعى 31 قاڭتارداعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىندا بەلگىلەنگەن مىندەتتەردى جانە «بولاشاققا باعدار: رۋحاني جاعىرۋ» اتتى باعدارلامالىق ماقالاسىن جۇزەگە اسىرۋ ماقساتىندا جۇيەلى جۇمىستار جالعاسا بەرەتىن بولادى.