ەلباسى ن.ءا.نازاربايەۆتىڭ 2020 جىلعا دەيىن قازاقستان حالقىنىڭ كەم دەگەندە 30 پايىزىن بۇقارالىق سپورتقا تارتۋ مىندەتىن بەلگىلەۋى، دەنە شىنىقتىرۋ مەن سپورتتىڭ ادام ومىرىنە دەگەن ماڭىزىن بارىنشا كۇشەيتىپ وتىرعاندىعى بەلگىلى.

قازاقستان رەسپۋبليكاسىندا دەنە شىنىقتىرۋ مەن سپورتتى دامىتۋدىڭ 2011–2016 جىلدارعا سالالىق باعدارلاماسىندا دا 2020 جىلعا قاراي سالاماتتى ءومىر سالتىن سەرىك ەتكەن ازاماتتاردىڭ سانىن 30 پايىزعا جەتكىزۋ كوزدەلگەن بولاتىن. وسى ورايدا جامبىل وبلىسىنداعى سارىسۋ اۋدانىندا دا ناتيجەلى جۇمىستار اتقارىلۋدا. وعان سپورتپەن شۇعىلدانۋشىلار كورسەتكىشىنىڭ جىلدان جىلعا ارتىپ كەلە جاتقاندىعى دالەل بولا الادى.

بۇگىندە اۋداندا 173 سپورت نىسانى بار. 1 جەكە مەنشىك ستاديون جاڭاتاس قالاسىندا ورنالاسقان. جاڭاتاس قالاسىنداعى بالالار-جاسوسپىرىمدەر سپورت مەكتەبىندە 1 سپورت كەشەنى جۇمىس ىستەيدى. ال سپورت الاڭشالارىنىڭ سانى – 103. ونىڭ 29-ى جاڭاتاس قالاسىندا .سونداي-اق 25 فۋتبول الاڭى، 30 سپورت زال قىزمەت كورسەتۋدە.

تۇرعىنداردىڭ سپورت نىساندارىنا قولجەتىمدىلىگىن قامتاماسىز ەتۋ باعىتىندا جوعارىدا كورسەتىلگەن نىسانداردىڭ ىشىنەن تۇرعىنداردى قابىلداۋ مۇمكىندىگىنە قاراي اۋدان اكىمدىگىنىڭ دەنە شىنىقتىرۋ جانە سپورت ءبولىمى تاراپىنان تالداۋ جۇمىستارى جۇرگىزىلىپ، 173 سپورت نىسان بەلگىلەنگەن. ولاردا اۋدان تۇرعىندارى تۇراقتى تۇردە دەنە شىنىقتىرۋ جانە سپورتپەن شۇعىلدانۋى ءۇشىن كەستە جاسالدىپ قويىلعان سونىڭ ىشىندە جاڭاتاس قالاسى بويىنشا – 53، اۋىلدىق وكرۋگتەردە – 119 نىسان بار. وسى نىسانداردا تۇرعىنداردىڭ شۇعىلدانۋ كەستەسى اۋداندىق اقپارات قۇرالدارىندا جاريالانىپ تۇرادى.

وسىنداي وڭدى ىستەردىڭ ناتيجەسىندە بۇگىنگى تاڭعا دەنە شىنىقتىرۋ جانە سپورتپەن جۇيەلى تۇردە شۇعىلدانۋشىلاردىڭ سانى – 12947 ادامعا جەتكەن. بۇل جەگىلىكتى حالىقتىڭ 29،3 پايىزىن كورسەتەدى.

-ورتا مەكتەپ وقۋشىلارىنىڭ دەنە تاربيەسى جەلىسى بويىنشا قازاقستان رەسپۋبليكاسىنىڭ پرەزيدەنتى ن.ءا.نازاربايەۆتىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى ماقالاسىنىڭ 15-تاپسىرماسىن ىسكە اسىرۋ ماقساتىندا اۋدان كولەمىندە وتكەن وقۋ جىلىندا 87 مەكتەپتەن تىس سپورت سەكسيالارى تىركەلدى. بالالار مەن جاسوسپىرىمدەر جالپى سانىنا قاتىستى 7 مەن 18 جاس ارالىعىندا بالالار-جاسوسپىرىمدەر سپورت مەكتەپتەرىندە جانە سپورت كلۋبىندا دەنە شىنىقتىرۋمەن جانە سپورتپەن شۇعىلداناتىن بالالار مەن جاسوسپىرىمدەردى قامتۋ اۋداندا 2019 جىلدىڭ 6 ايى بويىنشا 8 652 بالانى قۇرايدى. ونىڭ ىشىندە 7 جاستان 18 جاسقا دەيىنگى وقۋشىلار سانى - 7 804. وسى وقۋشىلاردىڭ ىشىندەگى سپورت مەكتەپتەرىندە دەنە شىنىقتىرۋمەن جانە سپورتپەن شۇعىلداناتىنى 2 521 بالانى نەمەسە 32،3 پايىزدى قۇرايدى،-دەيدى اۋدان اكىمدىگى دەنەشىنىقتىرۋ جانە سپورت ءبولىمىنىڭ باسشىسى سايات بەگالييەۆ.