«ءتۋريزمدى، اسىرەسە ەكوتۋريزم مەن ەتنوتۋريزمدى دامىتۋعا ەكونوميكانىڭ ماڭىزدى سالاسى رەتىندە باسا ءمان بەرۋ قاجەت.

التىن وردانىڭ 750 جىلدىعىن ءتول تاريحىمىزعا، مادەنيەتىمىز بەن تابيعاتىمىزعا تۋريستەر نازارىن اۋدارۋ تۇرعىسىنان اتاپ وتكەن ءجون.

ءتۋريزمدى دامىتۋ ءۇشىن قاجەتتى ينفراقۇرىلىم جۇرگىزۋدى، سونىڭ ىشىندە جول سالىپ، بىلىكتى ماماندار دايىنداۋدى قامتاماسىز ەتۋ قاجەت». مەملەكەت باسشىسى قاسىم-جومارت توقايەۆ «سىندارلى قوعامدىق ديالوگ-قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا وسىلاي دەگەن بولاتىن.

بۇگىندە جامبىل وبلىسىندا تۋريزم سالاسىن دامىتۋ ماقساتىندا جۋالى اۋدانىنىڭ اۋماعىنان «قارالما» تاۋ-شاڭعى بازاسىنىڭ قۇرىلىسى قارقىندى جۇرگىزىلۋدە. ايتا كەتەرلىگى، كەشەن ورنى تاڭدالعاندا قىس ايلارىندا قاردىڭ جەتكىلىكتى بولۋى ەسكەرىلگەن. سونىمەن قاتار، نىساننىڭ اۋماعىندا بارلىق ماۋسىمدىق كۋرورتتىق جۇكتەمەنى قامتاماسىز ەتەتىن جازعى دەمالىس تۇرلەرىن ۇيىمداستىرۋعا دا بولادى.

بۇگىنگى تاڭدا اۋماعى 274 گەكتار جەر تەلىمىن قۇرايتىن كەشەندەگى قۇرىلىس جۇمىستارى قارقىندى. وندا ەلەكتر قۋاتىمەن جابدىقتاۋ، گازداندىرۋ مەن سۋ قۇبىرىن جۇرگىزۋ جۇمىستارى جۇرگىزىلىپ قويعان. جالپى تەحنيكالىق سيپاتتامالارى بويىنشا ارقان جولدىڭ ۇزىندىعى 2050 مەتردى، ال جاياۋ جۇرۋگە ارنالعان جولدىڭ ۇزىندىعى 300 مەتردى قۇرايدى ەكەن. بۇل اۋماقتا الداعى ۋاقىتتا 20 كوتتەدج، 100 ورىندىق قوناق ءۇي، 70 ورىندىق 2 مەيرامحانا، 30 ورىندى كافە، باقىلاۋ الاڭى، سەرۆيس ورتالىق، ۆەلوجولى بار سپورت مەكتەبى، 100 اۆتوكولىككە ارنالعان 2 اۆتوتۇراق، باسسەين جانە باسقا دا ساۋدا جانە ويىن-ساۋىق ورىندارى دەمالۋشىلارعا ءوز قىزمەتىن ۇسىنباق.

– «قارالما» تاۋ-شاڭعى بازاسى» تۋريستىك ايماعىنىڭ نەگىزگى ينۆەستورلارى «التايس» ج ش س مەن «تارازستروي-2004» ج ش س بولىپ تابىلادى. رەسەيلىك «سنوۋليفت» جشق كومپانياسى مەن قازاقستاندىق «RS Building» ج ش س كومپانياسى ارقان جولدىڭ جوبالىق-سمەتالىق قۇجاتتاماسىن ازىرلەۋ ءۇشىن جوبالاۋ ۇيىمدارى ارقىلى انىقتالعان. ارقان جولدىڭ جابدىقتارىمەن قامتۋ ءۇشىن الەۋەتتى جەتكىزۋشى رەتىندە ەكاتەرينبۋرگ قالاسىنداعى «سنوۋپروم» جشق كومپانياسى تاڭدالدى. بۇگىنگى كۇنگە جابدىقتاردىڭ جەتكىزىلۋى تولىعىمەن ىسكە اسىرىلدى. ارقان جولدىڭ تىرەكتەرىن مونتاجداۋ ءۇشىن انكەرلەرىمەن بىرگە ىرگەتاستارى دايىندالدى. الماتىلىق «Antal Group» كومپانياسى «قارالما» تاۋ-شاڭعى بازاسى» تۋريستىك ايماعىنىڭ رەستوران، كافە، سەرۆيستىك ورتالىق، سۇزگى ورىستەرى مەن قۋات كوزىمەن جابدىقتاۋ جۇيەلەرىنىڭ قۇرىلىسى، گاز جانە سۋمەن جابدىقتالۋى بويىنشا بارلىق جوبالاۋ جۇمىستارى تولىعىمەن اياقتالعان. شىمكەنتتىك «City Engineering» ج ش س تومەنگى الاڭعا بايلانىستى كوتتەدجدەردى، ىشكى ينجەنەرلىك جەلىلەردى جوبالاۋمەن اينالىسۋدا، – دەگەن وبلىستىق تۋريزم باسقارماسىنىڭ باس مامانى سالتانات تۋلەكوۆا اتالعان جوبانى ىسكە اسىرۋدىڭ ارقاسىندا ىشكى جانە كىرۋ ءتۋريزمىنىڭ تۋريستىك اعىندارىنىڭ ءوسۋى ورتا ەسەپپەن 45 مىڭ ادامعا جەتەدى دەپ كۇتىلىپ جاتقانىن جەتكىزدى. سونداي-اق كەشەن قۇرىلىسى ىسكە قوسىلعان كەزدە ءتۋريزمنىڭ جالپى قوسىلعان قۇنى 43،2 پايىزعا، تيىسىنشە وبلىستىڭ جالپى وڭىرلىك ونىمدەگى ءتۋريزمنىڭ ۇلەسى 0،4 پايىزعا ءوسىپ، 1،3 پايىزدى قۇرايدى ەكەن.

ناقتىراق ايتقاندا، قازىرگى تاڭدا مۇندا «اييا-سەرۆيس» 7 شاقىرىمدىق اۆتوجولدىڭ قۇرىلىسىن اياقتاپتى. سونىمەن قاتار اسفالت توسەۋ جۇمىستارىن جۇرگىزۋ ءۇشىن ۇزىندىعى 2،68 شاقىرىم بولاتىن كىرەبەرىس جولى كەڭەيتىلىپ، «التايس» كومپانياسى تاراپىنان ۇزىندىعى 7 شاقىرىمدى قۇرايتىن اۆتوجولدىڭ جارىقتاندىرىلعان. گاز جانە سۋمەن قامتاماسىز ەتۋ ماسەلەلەرى تولىقتاي شەشىلىپ، نىساندى اۋىز سۋمەن قامتاماسىز ەتۋ ءۇشىن ۇڭعىما بۇرعىلانىپتى. ورىندىقتى ارقان جولعا قاجەتتى 19 تىرەكتىڭ بارلىعى دەرلىك قۇيىلىپ، جوعارعى جانە تومەنگى ارقان جولدىڭ ستانسياسى، سونداي-اق قىزمەت كورسەتۋ ورتالىعى مەن تەحنيكالىق بوكستىڭ قۇرىلىسى قارقىندى جۇرگىزىلىپ جاتىر. بۇدان وزگە تۋريستىك زونانىڭ تومەنگى الاڭشاسىندا جوباعا تارتىلعان 20 ينۆەستورلارمەن جوسپارلانعان 20 كوتتەدجدىڭ قۇرىلىسى دا قىزۋ جۇرگىزىلۋدە.