قازاقستان رەسپۋبليكاسى پرەزيدەنتى قاسىم-جومارت توقايەۆتىڭ حالىققا ارناعان تۇڭعىش جولداۋىندا مەديسينالىق قىزمەت كورسەتۋدىڭ ساپاسى مەن قولجەتىمدىلىگىن قامتاماسىز ەتۋ جايىنا ايرىقشا توقتالعانى بەلگىلى.بۇل ورايدا ەڭ اۋەلى دەنساۋلىق ساقتاۋ ۇيىمدارىن تەحنيكالىق تۇرعىدان جابدىقتاۋ ىسىنە باسىمدىق بەرىلەدى. سايكەسىنشە جامبىل وبلىسىنداعى مەديسينالىق نىسانداردىڭ ماتەريالدىق-تەحنيكالىق جابدىقتالۋ كورسەتكىشى جاقسارىپ كەلەدى. تەك بيىلدىڭ وزىندە جامبىلدىق مەديسينالىق ۇيىمداردىڭ بازاسى 47 دانا سانيتارلىق كولىكپەن تولىقتى، دەپ جازادى Qamshy.kz اقپارات اگەنتتىگى. 

بيىل جامبىل وڭىرىندەگى شالعاي اۋداندارعا العاشقى مەديسينالىق كومەك كورسەتۋ ساپاسىن جاقسارتۋعا 321 ميلليون تەڭگە قارجى قاراستىرىلىپ، جەرگىلىكتى دەنساۋلىق ساقتاۋ نىساندارىنا 47 دانا سانيتارلىق اۆتوكولىك ساتىپ الىندى. ناتيجەسىندە وڭىردەگى مەديسينالىق نىسانداردىڭ ماتەريالدىق تەحنيكالىق قامتاماسىز ەتۋ كورسەتكىشى 78،8 پايىزعا دەيىن ۇلعايدى.

–وتكەن جىلدىڭ قورىتىندىسىندا وڭىردەگى مەديسينالىق ۇيىمدارداعى ماتەريالدىق تەحنيكامەن قامتاماسىز ەتۋ كورسەتكىشى 71،4 پايىزدى قۇراسا، بيىل بۇل باعىتتا ماقساتتى جۇرگىزىلگەن جۇيەلى جۇمىس ناتيجەسىندە كورسەتكىشتى 7،4 پايىزعا دەيىن ۇلعايتۋ مۇمكىندىگىنە قول جەتكىزدىك. سونداي-اق وتكەن جىلى اۋداندىق ورتالىق اۋرۋحانالاردىڭ جابدىقتالۋ كورسەتكىشى 87،03 پايىزدى قۇراسا، اعىمداعى جىلدىڭ ءىىى توقسانىندا بۇل كورسەتكىش 85،7 پايىزعا تەڭەستى. ەڭ باستىسى بىلتىر توزعان تەحنيكالىق جابدىقتاردىڭ ۇلەسى 23،24 پايىز بولسا، بيىل بۇل كورسەتكىش 6،44 پايىزعا دەيىن ازايدى.

جالپى 2018 جىلى وبلىستاعى مەديسينالىق ۇيىمداردى زاماناۋي مەديسينالىق قۇرال-جابدىقتارمەن قامتاماسىز ەتۋگە 2 ميلليارد 300 ميلليون تەڭگە قارالعان. بۇل قارجىعا 942 دانا مەديسينالىق قۇرال جابدىق ساتىپ الىندى. ال بيىل بۇل ماقساتقا جەرگىلىكتى بيۋدجەتتەن 2 ميلليارد 131 ميلليون تەڭگە قارجى قارالىپ، 587 مەديسينالىق تەحنيكا ساتىپ الىندى، –دەيدى وبلىس اكىمدىگىنىڭ دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ.

مەديسينالىق قىزمەت ساپاسىنداعى نەگىزگى فاكتور سانالاتىن جەدەل جاردەم كولىكتەرىنىڭ قىزمەتىن ۇيىمداستىرۋدا ماڭىزعا يە كورسەتكىش سانالادى. سوندىقتان وڭىردەگى بارلىق جەدەل جاردەم كولىكتەرىنە GPS-ناۆيگاسيامەن جابدىقتالعان. اتالعان قۇرىلعىنى ورناتۋ ناتيجەسىندە مەديسينالىق بريگادا تۇسكەن شاقىرتۋعا دەر شاعىندا كومەككە ۇمتىلۋ كورسەتكىشى ۇلعايدى.