ەلباسى ن.نازاربايەۆ «100 ناقتى قادام» ۇلت جوسپارىندا كاسىبي مەملەكەتتىك اپپارات قۇرۋعا ايرىقشا توقتالىپ، بۇل باعىتتاعى مىندەتتەردى جۇيەلەپ بەرگەن بولاتىن.
ال مەملەكەت باسشىسى قاسىم-جومارت توقايەۆ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا «مەملەكەتتىك قىزمەتشىلەر جۇمىسىنىڭ تيىمدىلىگىن ارتتىرۋ ماقساتىندا ارنايى دايىندىعى بار جاس كادرلاردى تارتۋ قاجەت. سونىمەن بىرگە 2020 جىلدان باستاپ ءبىز مەملەكەتتىك قىزمەتشىلەردىڭ سانىن بىرتىندەپ قىسقارتۋعا كىرىسىپ، ۇنەمدەلگەن قاراجاتتى نەعۇرلىم پايدالى قىزمەتكەرلەردى ىنتالاندىرۋعا جۇمسايمىز.
2024 جىلعا قاراي مەملەكەتتىك قىزمەتشىلەردىڭ جانە ۇلتتىق كومپانيالار قىزمەتكەرلەرىنىڭ سانىن 25 پايىزعا قىسقارتۋ قاجەت» دەپ اتاپ كورسەتىپ، ناقتى مىندەتتەر جۇكتەگەن بولاتىن.
قازىرگى تاڭدا جامبىل وبلىسىندا دا مەملەكەتتىك قىزمەتتەردىڭ ساپاسىن ارتتىرۋ، ولاردى وڭتايلاندىرۋ جانە اۆتوماتتاندىرۋ ماسەلەسىنە ايرىقشا باسىمدىق بەرىلۋدە.
جامبىل وبلىسى پوليسيا دەپارتامەنتىنىڭ كوشى-قون قىزمەتىمەن مەملەكەتتىك كورسەتىلەتىن قىزمەتتەر تىزىلىمىنە سايكەس قازىرگى تاڭدا 17 مەملەكەتتىك قىزمەت كورسەتىلەدى.
انىقتاما ءۇشىن: 2019 جىلدىڭ 1 جارتى جىلدىعىندا كوشى-قون قىزمەتىمەن بارلىعى 283824 قىزمەت كورسەتىلگەن. ونىڭ قاعاز تۇرىندە 52682 قىزمەت كورسەتىلسە، ەلەكتروندى تۇردە – 231142 قىزمەت ۇسىنىلعان.
كوشى-قون قىزمەتىندە مەملەكەتتىك قىزمەتتەر كورسەتۋ سالاسىندا جۇمىستارىندا ىلگەرىلەۋ بار ەكەندىگىن اتاپ وتكەن ءجون.
-دەپارتامەنتپەن ءتيىستى مەكەمەلەرگە جىبەرىلگەن ۇسىنىستار نەگىزىندە اعىمداعى جىلدىڭ 26 ساۋىرىندە تاراز قالاسىنان حالىققا قىزمەت كورسەتۋدىڭ كوشى-قون ورتالىعى اشىلعان بولاتىن.
دەگەنمەن، اتقارىلىپ جاتقان جۇمىستاردان بولەك، شەشىمىن تابۋعا جاتاتىن ءبىرقاتار ماسەلەلەر بار. اتاپ ايتقاندا حالىققا قىزمەت كورسەتۋدىڭ كوشى-قون قىزمەتى ورتالىعى اشىلعانىمەن بۇگىنگى كۇنى مەملەكەتتىك قىزمەت كورسەتۋگە قۇجاتتار قابىلداۋ جانە ناتيجەلەرىن بەرۋ كوشى-قون قىزمەتى ورتالىعى ارقىلى تەك "قازاقستان رەسپۋبليكاسى ازاماتىنىڭ پاسپورتىنا اتا-انالارىمەن بىرگە شەتەلگە شىققان جاعدايلاردا ون التى جاسقا دەيىنگى بالالار تۋرالى فوتوسۋرەتتەرى جاپسىرىلعان جازبا" مەملەكەتتىك كورسەتىلەتىن قىزمەتى عانا كورسەتىلۋدە،-دەيدى ق ر مەملەكەتتىك قىزمەت ىستەرى اگەنتتىگىنىڭ جامبىل وبلىسى بويىنشا دەپارتامەنت باسشىسىنىڭ ورىنباسارى ن.ەركەبايەۆ.
