ەلباسى ن.نازاربايەۆ بەس ينستيتۋسيونالدى رەفورمالاردى جۇزەگە اسىرۋعا ارنالعان «100 ناقتى قادام» ۇلت جوسپارىندا كاسىبي مەملەكەتتىك اپپارات قۇرۋعا باسىمدىق بەرگەن بولاتىن. قازىرگى تاڭدا بۇل باعىتتا جامبىل وبلىسىندا جوسپارلى جۇمىستار جۇرگىزىلۋدە. سول قاتاردا بايزاق اۋداندىق حالىقتى جۇمىسپەن قامتۋ ورتالىعى دا قىزمەت ساپاسىنا باسا كوڭىل بولۋدە.

بارشاعا بەلگىلى، 2013 جىلعى 15 ساۋىردە «مەملەكەتتىك كورسەتىلەتىن قىزمەتتەر تۋرالى» ق ر زاڭى جانە 2013 جىلعى 18 قىركۇيەكتە قازاقستان رەسپۋبليكاسى ۇكىمەتىنىڭ № 983 قاۋلىسىمەن مەملەكەتتىك كورسەتىلەتىن قىزمەتتەردىڭ ءتىزىلىمى بەكىتىلگەن.

ازاماتتاردىڭ مەملەكەتتىك قىزمەت الۋ بويىنشا قۇقىقتارىن كەپىلدەندىرۋ ءۇشىن مەملەكەت ءوز تاراپىنان مەملەكەتتىك ورگاندار ءۇشىن ءوز قۇزىرىنا كىرەتىن ءاربىر مەملەكەتتىك قىزمەت بويىنشا ستاندارت پەن رەگلامەنت قابىلداۋ جانە قىزمەت كورسەتۋ كەزىندە ستاندارتتىڭ تالاپتارىن باسشىلىققا الۋ قاجەتتىلىگىن بەلگىلەيدى. مەملەكەتتiك كورسەتiلەتiن قىزمەت ستاندارتى – مەملەكەتتiك قىزمەت كورسەتۋگە قويىلاتىن تالاپتاردى بەلگiلەيتiن، سونداي-اق مەملەكەتتiك قىزمەت كورسەتۋ پروسەسiنiڭ، نىسانىنىڭ سيپاتتامالارىن، مازمۇنىن جانە ناتيجەسiن قامتيتىن نورماتيۆتiك قۇقىقتىق اكت. ال مەملەكەتتiك كورسەتiلەتiن قىزمەت رەگلامەنتi – مەملەكەتتiك كورسەتiلەتiن قىزمەت ستاندارتىن ساقتاۋ ءجونiندەگi تالاپتاردى بەلگiلەيتiن جانە كورسەتiلەتiن قىزمەتتi بەرۋشiلەر قىزمەتiنiڭ ءتارتiبiن، ونىڭ iشiندە مەملەكەتتiك قىزمەتتەر كورسەتۋ پروسەسiندە وزگە دە كورسەتiلەتiن قىزمەتتi بەرۋشiلەرمەن، حالىققا قىزمەت كورسەتۋ ورتالىقتارىمەن ءوزارا iس-قيمىل، سونداي-اق اقپاراتتىق جۇيەلەردi پايدالانۋ ءتارتiبiن ايقىندايتىن نورماتيۆتiك قۇقىقتىق اكت.

بايزاق اۋداندىق حالىقتى جۇمىسپەن قامتۋ ورتالىعى وسى تالاپتاردى ەسكەرە وتىرىپ، كەلۋشىلەرگە 4 قىزمەت ءتۇرىن ۇسىنۋدا. بيىلعى العاشقى توقساندا

"جۇمىس ىزدەپ جۇرگەن ادامداردى تىركەۋ" قىزمەتى «ءبىر تەرەزە» قاعيداتى بويىنشا 882 ادامعا ۇسىنىلعان. ايتا كەتۋ كەرەك، 2018 جىلى بۇل قىزمەت تۇرلەرى قولدانىستا بولماعان. سونىمەن قاتار «جۇمىسسىزدار رەتىندە جۇمىس ىزدەپ جۇرگەن ادامداردى تىركەۋگە» 693 ادامعا قىزمەت ۇسىنىلعان.

وسىلايشا ورتالىق ماماندارى مەملەكەتتىك قىزمەتتەردى ۋاقتىلى ءارى ساپالى ورىنداۋعا كۇش سالۋدا.

مۇنىڭ ءبارى دە ەلىمىزدىڭ الەمدەگى دامىعان وتىز مەملەكەتتىڭ قاتارىنا قوسىلۋعا باعىتتالعان قادام ەكەندىگى ءسوزسىز.