قازاقستان رەسپۋبليكاسىنىڭ تۇڭعىش پرەزيدەنتى ءوزىنىڭ «الەۋمەتتىك-ەكونوميكالىق جاڭعىرتۋ - قازاقستان دامۋىنىڭ باستى باعىتى» اتتى حالىققا جولداۋىندا: «حالىققا كورسەتىلەتىن مەملەكەتتىك قىزمەتتەردىڭ ساپاسىن ارتتىرۋ – جەمقورلىققا قارسى ارەكەتتىك جانە مەملەكەتتىك ورگانداردىڭ قىزمەتىنە ازاماتتاردىڭ سەنىمدىلىگىن ارتتىرۋدىڭ باستى اسپەكتىسى» دەپ اتاپ كورسەتىپ، بۇل ماسەلەگە ەرەكشە نازار اۋدارعان بولاتىن.

مەملەكەتتىك سەكتوردىڭ باستالعان رەفورمالارىنا نەگىزدەلە وتىرىپ، قازاقستان مەملەكەتتىك باسقارۋدىڭ ساپالى جاڭا ۇلگىسىن ورناتۋدا، ونداعى مەملەكەتتىك باسقارۋدى قالىپتاستىرۋ پروسەسىنىڭ باستى باعىتتارىنىڭ ءبىرى مەملەكەتتىك قىزمەت كورسەتۋ جۇيەسىن قالىپتاستىرۋ جانە دامىتۋ بولىپ كەلەدى.

بارشاعا بەلگىلى، مەملەكەتتiك كورسەتiلەتiن قىزمەت – كورسەتiلەتiن قىزمەتتi الۋشىلاردىڭ ءوتiنiشi بويىنشا جەكە ءتارتiپپەن جۇزەگە اسىرىلاتىن جانە ولاردىڭ قۇقىقتارىن، بوستاندىقتارى مەن زاڭدى مۇددەلەرiن iسكە اسىرۋعا، ولارعا تيiستi ماتەريالدىق نەمەسە ماتەريالدىق ەمەس يگiلiكتەر بەرۋگە باعىتتالعان جەكەلەگەن مەملەكەتتiك فۋنكسيالاردى iسكە اسىرۋ نىساندارىنىڭ بiرi.

بۇگىندە جامبىل وبلىسى، بايزاق اۋدانىنداعى حالىقتى جۇمىسپەن قامتۋ ورتالىعىندا مەملەكەتتىك كورسەتىلەتىن قىزمەت تۇرلەرى ساپالى ءارى ءتيىمدى جۇرگىزىلۋدە. جالپى، 2017 جىلى جۇگىنگەن ازاماتتارعا مەملەكەتتىك كورسەتىلەتىن قىزمەتتەر سانى ۇشەۋ بولعان. ولاردىڭ ىشىندە «جۇمىسسىز ازاماتتاردى تىركەۋ جانە ەسەپكە قويۋ» بويىنشا 1265 ادامعا قىزمەت كورسەتىلسە، «ادامدارعا جۇمىسپەن قامتۋعا جاردەمدەسۋدىڭ بەلسەندى نىساندارىنا قاتىسۋعا جولدامالار بەرۋگە 3258 ادامعا قىزمەت كورسەتىلگەن، ال «جۇمىسسىز ازاماتتارعا انىقتاما بەرۋگە» 19 ادامعا قىزمەت ۇسىنىلدى.

ورتالىقتا 2018 جىلى دا جۇگىنگەن ازاماتتارعا مەملەكەتتىك كورسەتىلەتىن قىزمەتتەر سانى ۇشەۋ بولعان. ولاردىڭ ىشىندە «جۇمىسسىز ازاماتتاردى تىركەۋ جانە ەسەپكە قويۋ» بويىنشا 3842 ادامعا قىزمەت كورسەتىلدى، «ادامدارعا جۇمىسپەن قامتۋعا جاردەمدەسۋدىڭ بەلسەندى نىساندارىنا قاتىسۋعا جولدامالار بەرۋگە 3241 ادامعا قىزمەت كورسەتىلسە، «جۇمىسسىز ازاماتتارعا انىقتاما بەرۋگە» 21 ادامعا قىزمەت ۇسىنىلدى.

بيىلعى جىلى بۇل باعىتتاعى جۇمىستار 4 قىزمەت ءتۇرى بويىنشا اتقارىلۋدا. العاشقى توقساننىڭ وزىندە «ءبىر تەرەزە» قاعيداسى بويىنشا "جۇمىس ىزدەپ جۇرگەن ادامداردى تىركەۋ" قىزمەتى 882 ادامعا كورسەتىلگەن.