مەملەكەت باسشىسى قاسىم-جومارت توقايەۆ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا «مەملەكەتتىك قىزمەتشىلەر جۇمىسىنىڭ تيىمدىلىگىن ارتتىرۋ ماقساتىندا ارنايى دايىندىعى بار جاس كادرلاردى تارتۋ قاجەت. سونىمەن بىرگە 2020 جىلدان باستاپ ءبىز مەملەكەتتىك قىزمەتشىلەردىڭ سانىن بىرتىندەپ قىسقارتۋعا كىرىسىپ، ۇنەمدەلگەن قاراجاتتى نەعۇرلىم پايدالى قىزمەتكەرلەردى ىنتالاندىرۋعا جۇمسايمىز.

2024 جىلعا قاراي مەملەكەتتىك قىزمەتشىلەردىڭ جانە ۇلتتىق كومپانيالار قىزمەتكەرلەرىنىڭ سانىن 25 پايىزعا قىسقارتۋ قاجەت» دەپ اتاپ كورسەتىپ، ناقتى مىندەتتەر جۇكتەگەن بولاتىن.

قازىرگى تاڭدا جامبىل وبلىسىندا دا مەملەكەتتىك قىزمەتتەردىڭ ساپاسىن ارتتىرۋ، ولاردى وڭتايلاندىرۋ جانە اۆتوماتتاندىرۋ ماسەلەسىنە ايرىقشا باسىمدىق بەرىلۋدە.

بيىل ايماقتا مەملەكەتتىك كورسەتىلەتىن قىزمەتتەر تىزىلىمىندەگى 742 قىزمەتتىڭ 202ء-سى جەرگىلىكتى اتقارۋشى ورگاندارىمەن كورسەتىلۋدە. ونىڭ ىشىندە 84 قىزمەت مەملەكەتتىك كورپوراسيا ارقىلى، 118 قىزمەت ەلەكتروندى تۇردە، 41 قىزمەت تەك مەملەكەتىك ورگان ارقىلى قاعاز تۇرىندە، 103 قىزمەت بالامالى نەگىزدە قاعاز تۇرىندە كورسەتىلۋدە.

ستاتيستيكالىق مالىمەتتەرگە سۇيەنسەك، 2019 جىلدىڭ ءى توقسانىندا جەرگىلىكتى اتقارۋشى ورگاندارمەن بارلىعى 1،3 ميلليون مەملەكەتتىك قىزمەت كورسەتىلىپ، 2018 جىلدىڭ وسى كەزەڭىمەن سالىستىرعاندا 6،8 پايىزعا ارتقان.

قازاقستان رەسپۋبليكاسى تۇڭعىش پرەزيدەنتىنىڭ 2010 جىلعى №954 جارلىعىنا سايكەس، ۋاكىلەتتى ورگاننىڭ باعالاۋ ناتيجەلەرى بويىنشا جامبىل وبلىسى وڭىرلەردىڭ جەرگىلىكتى اتقارۋشى ورگاندارى اراسىندا 2015 جىلى – 5ء-شى ورىندى، 2016 جىلى – 2ء-شى ورىندى، 2017 جىلدىڭ قورىتىندىسى بويىنشا 8ء-شى ورىندى يەلەنگەن.

سونىمەن قاتار، 2018 جىلدىڭ تامىز-قازان ايلارىندا «SANGE» عىلىمي-زەرتتەۋ ورتالىعىمەن جۇرگىزىلگەن الەۋمەتتىك ساۋالناما ارقىلى قوعامدىق مونيتورينگ ناتيجەسى انىقتالدى. ونىڭ شەڭبەرىندە تۇتىنۋشىلارمەن جانە قىزمەت كورسەتۋشىلەرمەن تەرەڭدەتىلگەن سۇحبات جۇرگىزىلگەن، «قۇپيا ساتىپ الۋ» ادىسىمەن باقىلاۋ، سونداي-اق فوكۋس-توپتىق پىكىرتالاستار وتكىزىلگەن.

2018 جىلى زەرتتەۋ جۇرگىزۋ ءۇشىن قوعامدىق مونيتورينگكە 37 ورتالىق مەملەكەتتىك ورگانداردىڭ جانە 23 جەرگىلىكتى اتقارۋشى ورگانداردىڭ قىزمەتتەرى ەنگىزىلگەن.