يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ۇكىمەت وتىرىسىندا اقىلى جولداردان ءتۇسىپ جاتقان پايدا تۋرالى مالىمدەدى.

– 2013 جىلى اقىلى اۆتوكولىكتىڭ العاشقى جەلىسى –  211 شاقىرىمدىق نۇر-سۇلتان – شۋچينسك باعىتى ىسكە قوسىلدى. بۇل باعىت بويىنشا جىلىنا 1 ملرد تەڭگەدەن استام قارجى ءتۇسىپ، جولدى ۇستاپ تۇرۋ شىعىنىن تولىق وتەپ جاتىر. بۇگىندە 682 اتالعان جەلى ۇزاقتىعى 682 شاقىرىمعا دەيىن ۇزارتىلدى. بۇدان بولەك نۇر-سۇلتان –  تەمىرتاۋ (134)، الماتى –  قاپشاعاي (42)، الماتى – قورعاس اۆتوجولدارىنان جىلىنا 4 ملرد تەڭگە تۇسۋدە، –  دەدى مينيستر.

اتامقۇلوۆتىڭ ايتۋىنشا، جول بويىنداعى قىزمەت كورسەتۋ سالاسىنىڭ ساپاسى دا ارتىپ كەلەدى.

– جول بويىنداعى قىزمەتتىڭ ساپاسىن جاقسارتۋ ءۇشىن 1822 نىساننىڭ 1 مىڭى ۇلتتىق ستاندارتقا سايكەستەندىرىلدى. سونداي-اق بيۋدجەت پەن جەكە قاراجاتقا 73 وبەكت بوي كوتەردى. اتالعان باعىتتاعى جۇمىستار جالعاسىن تابادى، – دەپ اتاپ ءوتتى اتامقۇلوۆ.

ۆەدومستۆو باسشىسىنىڭ سوزىنشە، اۆتوجولداردى دامىتۋعا سوڭعى 5 جىلدا 590 ملرد تەڭگە بولىنگەن.