بۇگىندە ەلىمىزدە مەملەكەتتىك قىزمەتتەر ساپاسىن ارتتىرۋعا ايرىقشا باسىمدىق بەرىلۋدە. بۇل ەلباسى ن.نازاربايەۆتىڭ «100 ناقتى قادام» ۇلت جوسپارىندا ايقىندالعان باستى باعىتتاردىڭ ءبىرى.
وسى ورايدا تاراز قالالىق حالىقتى جۇمىسپەن قامتۋ ورتالىعىندا دا وڭدى ىستەر اتقارىلۋدا. قازىرگى تاڭدا ورتالىق ارقىلى 5 مەملەكەتتىك كورسەتىلەتىن قىزمەت تۇرلەرى ۇسىنىلادى. ونىڭ ىشىندە 2 مەملەكەتتىك قىزمەت تولىقتاي اۆتوماتتاندىرىلعان، ياعني «ەلەكتروندىق ۇكىمەت» ۆەب-پورتالى ارقىلى ەلەكتروندى تۇردە كورسەتىلەدى جانە 3ء-ى ءىشىنارا اۆتوماتتاندىرىلعان. ولار: "جۇمىس ىزدەپ جۇرگەن ادامداردى تىركەۋ"؛ "ادامدارعا جۇمىسپەن قامتۋعا جاردەمدەسۋدىڭ بەلسەندى شارالارىنا قاتىسۋعا جولدامالار بەرۋ"؛ "جۇمىسسىزدار رەتىندە جۇمىس ىزدەپ جۇرگەن ادامداردى تىركەۋ"؛ "جۇمىسسىز رەتىندە تىركەلگەندىگى تۋرالى انىقتاما بەرۋ"؛ "مەملەكەتتىك اتاۋلى الەۋمەتتىك كومەكتى تاعايىنداۋ" مەملەكەتتى كورسەتىلەتىن قىزمەتتەر.
ورتالىق ماماندارىنىڭ ايتۋىنشا، جۇمىس ىزدەپ جۇرگەن ادامداردى تىركەۋ جونىندە ءوتىنىشتى قابىلداۋ جانە مەملەكەتتىك قىزمەتتى كورسەتۋ ناتيجەسىن بەرۋ ءۇش باعىتتا جۇزەگە اسىرىلادى. ياعني حالىقتى جۇمىسپەن قامتۋ ورتالىعى نەمەسە "ازاماتتارعا ارنالعان ۇكىمەت" مەملەكەتتىك كورپوراسياسى" كوممەرسيالىق ەمەس اكسيونەرلىك قوعامى ارقىلى ءوتىنىش بىلدىرۋگە بولادى. سونىمەن قاتار www.egov.kz "ەلەكتروندىق ۇكىمەت" ۆەب-پورتالى ارقىلى دا بۇل قىزمەتكە جۇگىنۋگە مۇمكىندىك بار.
ايتا كەتۋ كەرەك، 2018 جىلى جۇمىس ىزدەپ جۇرگەن ادامداردى تىركەۋ مەملەكەتتىك كورسەتىلەتىن قىزمەت ستاندارتى بويىنشا 6368 قىزمەت كورسەتىلگەن. ال اعىمداعى جىلدىڭ العاشقى توقسانىندا 1450 ازاماتقا قىزمەت كورسەتىلدى.
سول سياقتى ادامدارعا جۇمىسپەن قامتۋعا جاردەمدەسۋدىڭ بەلسەندى شارالارىنا قاتىسۋعا جولدامالار بەرۋ جونىندە قۇجاتتاردى قابىلداۋ جانە مەملەكەتتىك قىزمەتتى كورسەتۋ ناتيجەسىن بەرۋ ەكى باعىتتا جۇزەگە اسىرىلادى. ياعني حالىقتى جۇمىسپەن قامتۋ ورتالىعى نەمەسە www.egov.kz "ەلەكتروندىق ۇكىمەت" ۆەب-پورتالى ارقىلى جۇزەگە اسىرىلادى.
وتكەن جىلى ادامدارعا جۇمىسپەن قامتۋعا جاردەمدەسۋدىڭ بەلسەندى شارالارىنا قاتىسۋعا جولدامالار بەرۋ مەملەكەتتىك كورسەتىلەتىن قىزمەت ستاندارتى بويىنشا 5761 ادامعا قىزمەت كورسەتلگەن. ال اعىمداعى جىلدىڭ العاشقى توقسانىندا 1095 ازاماتقا جولداما بەرىلگەن.
