ەلباسى-قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ ازاتتىقتىڭ العاشقى جىلدارىنان ءبىلىم سالاسىن دامىتۋ ماسەلەسىنە ايرىقشا نازار اۋدارىپ، بۇل باعىتتا باياندى باعدارلامالاردىڭ قابىلدانۋىنا، كەشەندى شارالاردىڭ قولعا الىنۋىنا ىقپال ەتىپ كەلەدى. مەملەكەت باسشىسى قاسىم-جومارت توقايەۆ تا ۇرپاق تاربيەسىنە جان-جاقتى كوڭىل ءبولىپ، ۇكىمەتكە ناقتى تاپسىرمالار بەرۋدە. پرەزيدەنت «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا دا سالاعا سەرپىلىس سىيلايتىن قاداۋ-قاداۋ مىندەتتەردى ايقىندادى.

ءبىلىم سالاسىنداعى جۇمىس مەكتەپكە دەيىنگى تاربيەدەن باستالاتىندىعى داۋسىز. وسى ورايدا بالاباقشالار مەن شاعىن ورتالىقتارعا دا كوڭىل ءبولۋدىڭ ماڭىزى ەرەكشە. بۇل تۇرعىدا «قافزفوسفات» جاۋاپكەرشىلىگى شەكتەۋلى سەرىكتەستىگىنىڭ فيليالى- «قاراتاۋ» تاۋ-كەن وڭدەۋ كەشەنى كوپكە ۇلگى بولارلىق تىندىرىمدى تىرلىكتەر اتقارۋدا.

- «قاراتاۋ» تاۋ-كەن وڭدەۋ كەشەنى سارىسۋ اۋدانداعى ەڭ ءىرى كاسىپورىن. كەشەن فوسفور كەنىن ءوندىرىپ، وڭدەۋمەن اينالىسىپ كەلە جاتقانىنا 73 جىل تولدى. كەشەن ءوز تاريحىندا اۋدانىمىزدىڭ، جاڭاتاس قالاسىنىڭ الەۋمەتتىك-ەكونوميكالىق دامۋىنا قوساتىن قوماقتى ۇلەسىمەن ەل ەسىندە قالارى انىق. بالالار – ءبىزدىڭ بولاشىعىمىز، ەرتەڭگى ءىزباسارلارىمىز. سوندىقتان ولاردىڭ تاربيەسى، ءبىلىم الۋى اركەز اعا بۋىننىڭ قامقورلىعىندا،-دەيدى كەشەن ديرەكتورى، وبلىستىق ءماسليحاتتىڭ دەپۋتاتى مۇراتقالي سارسەنوۆ.

كەشەن ديرەكتورى، وبلىستىق ماسليحاتتىڭ دەپۋتاتى م.ب.سارسەنوۆ جۋىردا دەگەرەس ەلدى مەكەنىندەگى «بولاشاق» بالاباقشاسىنىڭ جۇمىسىمەن تانىسىپ، ەڭبەك ۇجىمىمەن كەزدەستى. تاربيەلەنۋشىلەردىڭ جاتىن ورىندارىن، ويىن بولمەلەرىن ارالاپ كوردى. ۇجىممەن كەزدەسۋدە ولارعا بالا تاربيەسىندە ابىرويلى ەڭبەك ەتىپ، بولاشاق ءبىزدىڭ ءىزباسارلارىمىزدى تاربيەلەۋدە شىعارماشىل ەڭبەك ەتە بەرۋلەرىنە تىلەكتەستىك ءبىلدىردى. بالاباقشا مەڭگەرۋشىسى سەينە احمەتوۆاعا العىس حات تاپسىرىپ، قارجىلاي سىي-سياپات جاسادى.

ءوز كەزەگىندە بالاباقشا مەڭگەرۋشىسى دە لايىقتى قولداۋ كورسەتكەن «قاراتاۋ» تاۋ-كەن وڭدەۋ كەشەنىنىڭ باسشىلىعىنا العىسىن ءبىلدىرىپ، ريزاشىلىعىن جەتكىزدى. جالپى، «بولاشاق» باعدارلاماسى مەملەكەتتىك «بالاپان» باعدارلاماسى اياسىندا اشىلىپ، جۇمىسىن جۇيەلى جالعاستىرۋدا.