ەلباسى نۇرسۇلتان نازاربايەۆ قاي كەزدە مەملەكەتتىك قىزمەتتىڭ ساپاسىن ارتتىرۋعا ءجىتى كوڭىل ءبولىپ كەلەدى. وسى ورايدا تۇڭعىش پرەزيدەنت «100 ناقتى قادام» ۇلت جوسپارىنىڭ ءبىر باعىتى رەتىندە «ازاماتتارعا ارنالعان ۇكىمەت» مەملەكەتتىك كورپوراسياسىن قۇرۋدى، سول ارقىلى سالاداعى جۇمىس ناتيجەسىن جەتىلدىرۋدى تاپسىرعان بولاتىن.
بۇل تۇرعىدا ەلباسى «مەملەكەتتىك كورپوراسيا حالىققا قىزمەت كورسەتەتىن بارلىق ورتالىقتاردى ءبىر جۇيەگە ينتەگراسيالايدى قازاقستان ازاماتتارى مەملەكەتتىك قىزمەتتەردى ءبىر جەردەن الاتىن بولادى دەپ اتاپ كورسەتتى. سونىمەن قاتار مەملەكەتتىك قىزمەتتى ساپا مەنەدجمەنتى iso 9000 سەرياسىنا سايكەس حالىقارالىق سەرتيفيكاتتاۋ ماسەلەسىنە دە ايرىقشا نازار اۋدارىلدى.
بۇگىندە «ازاماتتارعا ارنالعان ۇكىمەت» مەملەكەتتىك كورپوراسياسىنىڭ جامبىل وبلىسىنداعى فيليالى دا تىندىرىمدى تىرلىكتەردىڭ باسى-قاسىنان تابىلۋدا. ەڭ باستى ماقسات-حالىققا ساپالى قىزمەت كورسەتۋ. سونىمەن قاتار كەلۋشىلەرگە قولايلى بولۋى ءۇشىن عيماراتتاردىڭ دا ماتەريالدىق-تەحنيكالىق بازاسىن جاقسارتۋعا ايرىقشا كوڭىل بولىنۋدە.
قازىرگى تاڭدا، مەركى اۋدانى، مەركى اۋىلى، يسمايلوۆا كوشەسى 309 «ا» مەكەنجايى بويىنشا ورنالاسقان مەملەكەتتىك كورپوراسيانىڭ ءبولىمىنىڭ، جالپى الاڭى 300 شارشى مەتر عيماراتىن، جك «قالىسبايەۆ»-تىڭ اقىسىز نەگىزدە مەركى اۋىلى، سارىمولدايەۆ كوشەسى، 158 «ۆ» مەكەن جايى بويىنشا تالاپتارعا ساي جاڭا جالپى الاڭى 489،9 شارشى مەتر بولاتىن عيمارات ۇسىنۋىنا بايلانىستى، جاڭا مەكەنجاي بويىنشا كوشۋ جۇمىستارى جۇرگىزىلۋدە.
سونىمەن قاتار 2019 جىلدىڭ 1 ساۋىرىندە ت.رىسقۇلوۆ اۋداندىق ءبولىمى، قۇلان اۋىلى، جىبەك جولى كوشەسى 71 ءۇي مەكەن جايى بويىنشا ورنالاسقان جالپى الاڭى 199،1 شارشى مەتر عيماراتتان، وسى اۋىلدىڭ جىبەك جولى كوشەسى 26 «ا» مەكەن جايى بويىنشا ورنالاسقان جالپى الاڭى 1174،5 شارشى مەتر بولاتىن، جەرگىلىكتى اتقارۋشى ورگان ۇسىنعان عيماراتقا كوشىپ، ءوز جۇمىسىن اتقارۋدا.
بۇدان بولەك تالاس اۋداندىق بولىمىنە قىركۇيەك ايىندا جوندەۋ جۇمىستارى جۇرگىزىلدى. قازىرگى تاڭدا سارىسۋ اۋداندىق ءبولىم عيماراتىندا جوندەۋ جۇمىستارى جۇرگىزىلۋدە.
جالپى، جاڭاشىلدىققا نەگىزدەلگەن قۇرىلىمنىڭ قىزمەتى ۋاقىت تالابىمەن ۇندەسۋدە. مەملەكەتتىك كورپوراسيادا جاڭا بولىمدەردىڭ دە اشىلىپ، كوپشىلىككە كوپ كومەگىن تيگىزىپ جاتقاندىعىن ايتا كەتكەن ءجون.
