ەلباسى نۇرسۇلتان نازاربايەۆ ۇسىنعان «100 ناقتى قادام» ۇلت جوسپارىنىڭ ناتيجەسىندە ەلىمىزدە «ازاماتتارعا ارنالعان ۇكىمەت» مەملەكەتتىك كورپوراسياسى قۇرىلىپ، جەمىستى جۇمىس اتقارۋدا. ونىڭ جارقىن مىسالىن جامبىل وبلىسىنان دا كەزدەستىرۋگە بولادى. جاڭاشىلدىققا نەگىزدەلگەن قۇرىلىمنىڭ قىزمەتى ۋاقىت تالابىمەن ۇندەسۋدە. وسى ورايدا جاڭا بولىمدەردىڭ دە اشىلىپ، كوپشىلىككە كوپ كومەگىن تيگىزىپ جاتقاندىعىن ايتا كەتكەن ءجون.

قازاقستان رەسپۋبليكاسى پرەمەر – ءمينيسترىنىڭ 2018 جىلدىڭ 19 قاڭتارىنداعى №6-ر ۇكىمىمەن بەكىتىلگەن قازاقستان رەسپۋبليكاسى ۇكىمەتىنىڭ جۇمىس جوسپارىنىڭ 181 پۋنكتىن جۇزەگە اسىرۋ ماقساتىندا، 2019 جىلدىڭ 26 ساۋىرىندە تاراز قالاسىندا العاشقى كوشى-قون قىزمەتى ورتالىعى اشىلدى.

وسى ورتالىق كورسەتىلەتىن مەملەكەتتىك قىزمەتتەردىڭ ساپاسىن ارتتىرۋ، بۇل قىزمەتتەردىڭ كورسەتۋ مەرزىمىن قىسقارتۋ، جەمقورلىق تاۋەكەلدەرىن جويۋ جانە قولايلى جاعداي جاساۋ ءۇشىن قۇرىلىپ، ەڭبەك ميگرانتتارىنا رۇقساتناما بەرۋ بويىنشا قىزمەت "ءبىر تەرەزە" قاعيداسىمەن ۇسىنادى.

ورتالىقتا 14 قىزمەتكەر جۇمىس اتقارىپ، «ەڭبەكشى كوشىپ كەلۋشىلەرگە رۇقساتتار بەرۋ جانە ۇزارتۋ» بويىنشا 8 ايدا 1898 مەملەكەتتىك قىزمەت كورسەتتى. بۇدان بولەك، وسى ورتالىقتا شەتەلدىك ەڭبەك يمميگرانتتارىنا مەديسينا قىزمەتى، نوتاريۋس قىزمەتى كورسەتىلىپ، «كازپوشتا» اكسيونەرلىك قوعامىنىڭ بولىمشەسى ورنالاسقان.

تاراز قالاسىنداعى مامانداندىرىلعان حقكو بويىنشا دا جەمىستى جۇمىستار جالعاسۋدا. تىركەۋ-ەمتيحان قابىلداۋ بولىمدەرىن جابۋ تۋرالى شەشىم قابىلدانعاننان سوڭ ءىىم-نىڭ باستاماسىمەن قولعا الىنعان جاڭا ەرەجە مامانداندىرىلعان حقكو داعى تەب ورىندارىن جابۋ، سونىمەن قاتار تەوريالىق جانە پراكتيكالىق ەمتيحانداردى وتكىزۋ مىندەتى 2019 جىلدىڭ 1 شىلدە ايىندا مەملەكەتتىك كورپوراسيالارعا بەرىلدى. قازىرگى تاڭدا مامانداندىرىلعان سەكتورلار، قورداي، مويىنقۇم، شۋ، مەركى، ت.رىسقۇلوۆ، سارىسۋ، تالاس قىزمەت جاساۋدا.

2018 جىلدىڭ 8 ايىندا وبلىس كولەمىندە «كولىك قۇرالىنىڭ سايكەستەندىرۋ ءنومىرى بويىنشا كولىك قۇرالدارىنىڭ جەكەلەگەن تۇرلەرىن مەملەكەتتىك تىركەۋ جانە ەسەپكە الۋ» -مەملەكەتتىك قىزمەت ءتۇرى بويىنشا 74 680 قىزمەت كورسەتىلسە، «جۇرگىزۋشى كۋالىكتەرىن بەرۋ» قىزمەتى بويىنشا - 13 679 قىزمەت كورسەتىلدى.

الداعى ۋاقىتتا دا ناتيجەلى جۇمىستار جالعاسا بەرەتىن بولادى.