جامبىل وبلىسىندا اعىمداعى جىلدىڭ باسىندا قازاقستان رەسپۋبليكاسى پرەزيدەنتى قاسىم-جومارت توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىن كەڭىنەن ناسيحاتتاۋ شارالارى قولعا الىنعان، دەپ جازادى Qamshy.kz اقپارات اگەنتتىگى. 

جولداۋدان تۋىندايتىن مىندەتتەردى جانە جولداۋ اياسىندا وڭىردە اتقارىلىپ جاتقان جۇمىستاردى حالىققا جەتكىزۋ ءۇشىن اقپاراتتىق-ناسيحاتتىق جۇمىستار جوسپارعا ساي قولعا الىنىپ كەلەدى. وبلىستا 99 مۇشەسى بار 11 وبلىستىق اقپاراتتىق توپ قۇرامى مەن ولاردىڭ تاراز قالاسى مەن اۋدان، اۋىل تۇرعىندارىمەن كەزدەسۋ كەستەلەرى بەكىتىلدى.

قۇرامىندا 10 ادامنان تۇراتىن ساراپشىلار، دەپۋتاتتار، قوعامدىق پىكىر كوشباسشىلارى بار وبلىستىق موبيلدىك توپ اۋدانداردى ارالاپ، ەلدى مەكەندەردە 200-گە جۋىق كەزدەسۋ وتكىزدى. بۇل شارالارعا 30 مىڭعا جۋىق ادام قامتىلدى. جالپى جامبىلدا جولداۋدى كەڭىنەن ناسيحاتتاۋ ماقساتىندا 500-گە جۋىق ءىس-شارا وتكىزىلىپ، وعان 80 مىڭنان استام ادام قامتىلدى.

جەرگىلىكتى جەردەگى ءاقپاراتتىق-تۇسىندىرۋ جۇمىستارى كەزىندە 2100 دانا ادىستەمەلىك قۇرال تاراتىلدى. ءبىر عانا تاراز قالاسىنىڭ وزىندە 13 دانا بيلبورد، 5 دانا پيلون، 1 اركا ورناتىلعان. ال اۋدان تۇرعىندارى اراسىندا جولداۋدان تۋىنداعان مىندەتتەردى ناسيحاتتاۋدا 70 بيلبورد ورناتىلدى.

سونىمەن قاتار جولداۋدى اقپاراتتىق سۇيەمەلدەۋ بويىنشا بارلىعى 83 سىرتقى كورنەكى اقپارات قۇرالدارى ورنالاستىرىلدى. ستراتەگيالىق ءمانى زور قۇجاتتى ناسيحاتتاۋ ماقساتىندا بۇقارالىق اقپارات قۇرالدارىنىڭ مۇمكىندىگى پايداعا اسۋدا. جولداۋ جاريالانعان ساتتەن بۇقارالىق اقپارات قۇرالدارىندا 238 اقپاراتتىق ماتەريال جارىق كوردى. 7 ماتەريال رەسپۋبليكالىق اقپارات قۇرالدارى ارقىلى جاريالانىپ، ونداعى پرەزيدەنت پارمەنىمەن وبلىستاعى ورىن العان وڭ وزگەرىستەر مەن تولايىم تابىستار جايى ءسوز بولدى.

اقپاراتتىق ناسيحات جۇمىستارى زاماناۋي سيپات الىپ، كوپشىلىكتىڭ سۇرانىسىنا ساي ينفوگرافيكالار مەن قىسقا بەينەوروليكتەردى ازىرلەۋ ىسىنە باسىمدىق بەرىلىپ كەلەدى.

مەملەكەت باسشىسىنىڭ جولداۋى قاشاندا حالىقتىڭ ىستىق ىقىلاسىنا يە بولىپ كەلەدى. ويتكەنى بۇل ستراتەگيالىق قۇجاتتا ەلىمىزدىڭ الەۋمەتتىك-ەكونوميكالىق ءومىرىن مەيلىنشە جاقسارتا تۇسۋدەگى ناقتى شارالار قارالادى. ءوز كەزەگىندە جولداۋدان تۋىنداعان مىندەتتەردى ىسكە اسىرۋدىڭ بارىسىنان حاباردار بولىپ وتىرۋ دا حالىقتىڭ كوڭىلىنەن شىعاتىندىعى داۋسىز.