العاشقى مەديسينالىق–سانيتاريالىق كومەكتىڭ قول جەتىمدىلىگىن ارتتىرۋ دەنساۋلىق ساقتاۋ سالاسى بويىنشا قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازاربايەۆ تاپسىرعان مەجەلى مىندەت سانالادى. اتالعان تاپسىرمانى جامبىل وبلىسىندا ءوز دەڭگەيىندە ورىنداۋ ماقساتىندا جۇرگىزىلگەن جۇمىستار ناتيجەسىندە، جامبىلدىقتاردىڭ مەديسينالىق نىساندارعا دەگەن سۇرانىسى جىل سوڭىنا دەيىن تولىقتاي قاناعاتتاندىرىلماق، دەپ جازادى Qamshy.kz اقپارات اگەنتتىگى.
جەرگىلىكتى جەردە وبلىس اكىمىنىڭ باستاماسىمەن جۇرگىزىلگەن زەردەلەۋ جۇمىستارىنىڭ ناتيجەسىندە ءوڭىر تۇرعىندارىنا ءالى 95 مەديسينالىق نىسان قاجەتتىلىگى انىقتالدى. وتكەن جىلى وسى نىساننىڭ 39-ى پايدالانۋعا بەرىلىپ، بەلگىلى ءبىر دەڭگەيدە تۇرعىنداردىڭ قاجەتتىلى وتەلگەن بولاتىن. ونىڭ ىشىندە 29 نىساننىڭ ماسەلەسى مەملەكەتتىك-جەكەشەلىك ارىپتەستىك اياسىندا شەشىمىن تاپتى. ال 1 نىسان ساتىپ الىنىپ، 9 نىسان بيۋدجەت ەسەبىنەن سوعىلدى. بۇل جۇمىستارعا بىلتىر وبلىستىق بيۋدجەتتەن 1 ميلليارد 300 ميلليون تەڭگە بولىنگەن بولاتىن. سايكەسىنشە بۇل قارجىنى ماقساتتى يگەرۋ ناتيجەسىندە وبلىستىڭ شالعاي ەلدىمەكەندەرىندە جاڭا مەديسينالىق مەكەمەلەر پايدالانۋعا بەرىلدى. سول ارقىلى باسى اۋىرىپ، بالتىرى سىزداعان اۋىل تۇرعىندارى اۋىلىنان ۇزاماي ساپالى مەديسينالىق كومەك الۋ مۇمكىندىگىنە قول جەتكىزدى.
بيىل دا ءدال وسى جۇيە ارقىلى ەلدى مەكەندەردىڭ 65 مەديسينالىق مەكەمەگە سۇرانىسى وتەلمەك. ناتيجەسىندە ءوڭىر تۇرعىندارىنىڭ مەديسينالىق نىساندارمەن قامتۋ كورسەتكىشى 100 پايىزعا تەڭەسەدى. سالا ماماندارىنىڭ شەشىمىمەن دەنساۋلىق نىساندارىنىڭ قۇرىلىس جۇمىستارىنىڭ مەرزىمىن 7 جىلدان 2 جىلعا قىسقارتىلدى. سونداي-اق وڭتايلاندىرۋ شاراسى ارقىلى نىسان قۇرىلىسىنا جۇمسالاتىن 4 ميلليارد 200 ميلليون تەڭگە قارجى دا ۇنەمدەلدى.
سونىمەن قاتار تاراز قالاسىندا بوي كوتەرىپ جاتقان جاڭا 14-شاعىن اۋداننىڭ اۋماعىنداعى 200 توسەكتىك ونكولوگيالىق ديسپانسەردىڭ قۇرىلىس جۇمىستارى جۇرگىزىلىپ جاتىر. جالپى سوماسى 13 ميلليارد 900 ميلليون تەڭگە قارجى جۇمسالعان ديسپانسەر 2021 جىلى پايدالانۋعا بەرىلمەك.الدىن الا بولجام بويىنشا بۇل بىرەگەي نىسان ونكولوگيا سالاسىندا ساپالى مەديسينالىق قىزمەت كورسەتەتىن امبەباپ كەشەنگە اينالماق. مۇندا ونكولوگيالىق اۋرۋلاردىڭ الدىن الۋ بويىنشا كەشەندى جۇمىستار جۇرگىزىلەتىن بولادى.
پىكىر قالدىرۋ