«قازاقتىڭ وبالىن نەگە ويلامايسىڭدار! اشىنعاننان ايتىپ وتىرمىز. سىزدەر قازاق ءتىلىن كەمسىتكەن سايىن جانىمىز جىلاپ وتىرادى!». جازۋشى سماعۇل ەلۋباي ءوزىنىڭ فەيسبۋك پاراقشاسىندا وسىلاي دەپ جازدى.
«سوڭعى كۇندەرى رەسمي جيىندار تەك ورىس تىلىندە وتە باستادى! ەل باسقارعان ازاماتتار مەملەكەت ءتىل الدىنداعى جاۋاپكەرشىلىكتى نەگە جىلى جاۋىپ قويدىڭدار؟؟؟ 90 پايىز قازاق وتىرعان جيىن نەگە ورىسشا وتۋگە ءتيىس! ەل اعالارى قازاق ءتىلىن قاشانعى قورلايمىز؟؟؟ قاشان ءوز تىلىندە سويلەيتىن ەسى دۇرىس ەل بولامىز؟؟؟ بۇنداي ءورىستىلدى جيىندى كورىپ وتىرعان وسكەلەڭ ۇرپاق قانداي ونەگە الادى؟ ولار قازاق ءتىلىن قازاق باسشىلارى كەرەك ەتپەي وتىرعانىن كۇندە كورگەننەن كەيىن قازاق ءتىلىنىڭ بولاشاعىنا قالاي سەنەدى!؟؟ قازاق ءتىلى تۋرالى ايتىلعان ادەمى ۇرانداردىڭ ءبارى جەلگە ۇشقانىن كورمەي مە؟ ءىس جۇزىندە مەملەكەتتىك ءتىل ورىس ءتىلى ەكەنىن كورمەي مە؟؟؟؟ بۇل سۇمدىقتان كەيىن ولارعا قازاق مەكتەبى نەگە كەرەك؟ ەل اعالارى!!! قازاق ءتىلىنىڭ وبالىن نەگە ويلامايسىڭدار؟ قازاقتىڭ وبالىن نەگە ويلامايسىڭدار! اشىنعاننان ايتىپ وتىرمىز. سىزدەر قازاق ءتىلىن كەمسىتكەن سايىن جانىمىز جىلاپ وتىرادى!»
سالەممەن سماعۇل ەلۋباي.
پىكىر قالدىرۋ