الماتىنىڭ الدىندا تۇرعان باستى ماقسات – ءومىر ساپاسى مەن بيزنەس جۇرگىزۋ شارتتارى بويىنشا الەمنىڭ ۇزدىك 100 قالاسىنا كىرۋ. بۇل تۋرالى وكق بريفينگىندە قالا اكىمى باقىتجان ساعىنتايەۆ مالىمدەدى. «جول كارتاسىنىڭ» باستى ماقساتى – قالانى دامىتۋدىڭ ورتا مەرزىمدى جانە ستراتەگيالىق جوسپارلارى. ول ءۇشىن ءۇش نەگىزگى قۇجات ازىرلەندى.

«ءبىرىنشى قۇجات – 2020-2024 جىلدارعا ارنالعان «جاڭا الماتىنىڭ» كەشەندى جوسپارى. ول ەل پرەزيدەنتى ك.توقايەۆتىڭ «شەتى جوق قالا» جانە «الەۋمەتتىك ينفراقۇرىلىم قادامدىق قولجەتىمدىلىكپەن» دەگەن قاعيداتتارىنا نەگىزدەلگەن»، – دەپ اتاپ ءوتتى قالا اكىمى باقىتجان ساعىنتايەۆ.

بۇل جوسپاردى جۇزەگە اسىرۋ ارقىلى قالا تۇرعىندارىنىڭ مەكتەپكە، اۋرۋحانا، بالاباقشا، كوشەلەر مەن اۋلالاردى جارىقتاندىرۋعا، سۋمەن قامتاماسىز ەتۋگە دەگەن بازالىق قاجەتتىلىكتى شەشۋگە مۇمكىندىك بەرەدى.

«بۇل تاياۋداعى بەس جىل ىشىندە 800 ملرد. تەڭگەدەن استام كولەمدە ينفراقۇرىلىمعا ينۆەستيسيا سالۋدى كوزدەيتىن تەڭدەسسىز اۋقىمدى جوسپار»، – دەپ اتاپ ءوتتى ب. ساعىنتايەۆ.

ەكىنشى قۇجات «ۇلكەن الماتى» دەپ اتالاتىن الماتى اگلومەراسياسىن دامىتۋدىڭ ءوڭىرارالىق جوسپارى. ول الماتى وبلىسىنىڭ اكىمدىگىمەن بىرلەسىپ جاسالعان.

«ءقازىر «ۇلكەن الماتىدا»، ياعني قالا مەن قالا ماڭىنداعى اۋدانداردا 3 ملن ادام تۇرادى. ءبىزدىڭ باعالاۋىمىزشا، 2030 جىلعا قاراي مۇندا 5 ملن ادام بولادى»، – دەپ ءتۇسىندىردى ب. ساعىنتايەۆ.

الداعى 5 جىلدا ينجەنەرلىك ينفراقۇرىلىمى بار تۇرعىن ءۇيدىڭ ءبىر شارشى مەترى 20 ملن. كۆ-دان اساتىن قۇرىلىس سالۋ جوسپارلانۋدا. ول ءۇشىن الماتى وبلىسىمەن بىرگە مەكتەپتەر، بالاباقشالار، ەمحانالار، مەديسينالىق جەدەل جاردەم پۋنكتتەرى، اۋرۋحانالار قۇرىلىسىنا قاجەتتى جەر القاپتارى انىقتالدى. «ۇلكەن الماتى» ءۇشىن ماڭىزدىسى – كولىك ينفراقۇرىلىمى. جوسپار اياسىندا باكاد اينالما جولىنا التى راديالدى كوشەنى تەسۋ كوزدەلىپ وتىر. كولىك قاتىناسىن ۇيىمداستىرۋ قالا اۋماعىندا ءۇش كولىك-كوشىرۋ حابىن، وبلىستىڭ بەس ەلدى-مەكەنىندە اۆتوۆوكزال سالۋدى كوزدەيدى. جاقىن ارادا باتىس جانە شىعىس باعىتتا ۇزىناعاش، قاسكەلەڭ، تالعار جانە ەسىك ەلدى-مەكەندەرىنە دەيىن قالا ماڭىنداعى ەلەكتر ەنەرگياسىنىڭ قوزعالىسىن ۇيىمداستىرۋ جوسپارلانىپ وتىر. اگلومەراسيا شەڭبەرىندەگى بىرلەسكەن جۇمىستىڭ ماڭىزدى باعىتى – ازىق-تۇلىك بەلدەۋىن ۇيىمداستىرۋ.

الماتى جىل سايىن 1 ملن.تونننان استام ءونىمدى تۇتىنادى. سونىڭ تەك 60%-ىن الماتى جانە الماتى وبلىسى كومپانيالارى جەتكىزەدى. ءونىمدى ءوندىرۋ، قايتا وڭدەۋ جانە ساقتاۋ بويىنشا كوممەرسيالىق جوبالاردى ىسكە اسىرۋ جوسپارلانۋدا. تەك قالا اينالاسىندا ءتورت كوتەرمە-تاراتۋ ورتالىعى، ەكى ەت كومبيناتى، جەتى جىلىجاي، ەكى ءسۇت فەرماسى سالىنادى. ءۇشىنشى جانە ەڭ ماڭىزدى قۇجات – ەلباسىنىڭ تاپسىرماسى بويىنشا ازىرلەنگەن «الماتى-2050» ۇزاق مەرزىمدى دامۋ ستراتەگياسى. قۇجاتتا قالانىڭ بار كۇشتى جاقتارى مەن سىن-قاتەرلەرى تالدانىپ، قالا دامۋىنىڭ جەتى نەگىزگى ستراتەگيالىق باعىتتارى انىقتالدى.

«الماتىنىڭ بولاشاعىنا قاتىستى كوزقاراسىمىز – بۇل شەتى جوق قالا. وندا بارلىق اۋداندار بىردەي جاقسى دامىعان جانە بارىندە دە ءومىر ءسۇرۋ دەڭگەيى جوعارى بولادى. الماتىنىڭ ءوسۋى كوپ ورتالىقتى بولادى جانە ولار قالانىڭ ءار ءتۇرلى بولىكتەرىندەگى بىرنەشە ايماقتاردا شوعىرلانادى، تىعىز، ءارتۇرلى قۇرىلىمدارىمەن جەتكىلىكتى دەڭگەيدە جيناقى بولادى. ولار ترانزيتتىك-باعدارلى دامۋ قاعيداتى بويىنشا قوعامدىق كولىكتىڭ تارماقتالعان جانە كوپ مودالى جەلىسىمەن ءوزارا بايلانىستى بولماق»، – دەدى قالا اكىمى باقىتجان ساعىنتايەۆ.