مۇنايلى اۋدانىندا 500-گە جۋىق جاڭا جۇمىس ورنى اشىلادى.

بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە مۇنايلى اۋدانى اكىمىنىڭ ورىنباسارى نۇرلىبەك جولبايەۆ مالىمدەدى.

مۇنايلى اۋدانى بويىنشا 2020 جىلعا ارنالعان "جۇمىسپەن قامتۋ جول كارتاسى" باعدارلاماسى شەڭبەرىندە ىسكە اسىرۋعا ۇسىنىلاتىن 9 جوبا بار. بارلىعىنا 1 841 784 مىڭ تەڭگە قاراستىرىلعان. اشىلاتىن جۇمىس ورىن – 475 ادامعا ەسەپتەلگەن. قازىرگى تاڭدا جۇمىسپەن قامتۋ ورتالىعى ارقىلى 225 ادامعا جولداما بەرىلدى.
قازىرگى تاڭدا 8 جوبا بويىنشا، كەلىسىم شارت جاساقتالدى. باتىر اۋىلدىق وكرۋگىنە قاتقىل تاباندى /گرەيدەر/ اۆتوكولىك جولىن توسەۋ جۇمىستارىن جۇرگىزۋ ءۇشىن جاريالانعان كونكۋرسقا قاتىسۋشى مەكەمەلەردىڭ ۇسىنعان قۇجاتتارى تولىق بولماۋىنا بايلانىستى اتالعان كونكۋرس وتپەي قالدى دەپ تانىلىپ، قايتا مەملەكەتتىك ساتىپ الۋ كونكۋرسى بەرىلدى.
«قازىرگى تاڭدا 3 جوبا بويىنشا ەلەكتر جەلىلەرىنە اعىمداعى جوندەۋ جۇمىستارىن جۇرگىزۋ جۇمىستارىنا جۇمىسپەن قامتۋ ورتالىعى ارقىلى 26 - ادامعا جولداما بەرىلدى. جۇمىستاردى جۇرگىزۋ ءۇشىن قاجەتتى ماتەريالدارعا تاپسىرىس بەرىلدى (توق باعانالارى، ەلەكتر جەلىلەرى، ارنايى قوسىپ اجىراتقىشتار، ديوتتىق ۇلگىدەگى جارىق شامدار)»، - دەدى ن.جولبايەۆ.
باتىر اۋىلدىق وكرۋگىنە 15-شاقىرىمدى اۆتوكولىك جولىنا ورتاشا جوندەۋ جۇمىستارىنا، جۇمىسپەن قامتۋ ورتالىعى ارقىلى 48- ادامعا جولداما بەرىلدى. قازىرگى تاڭدا، جولدىڭ نەگىزگى قاباتىن دايىنداۋ جۇمىستارى جۇرگىزىلۋدە.
باياندى اۋىلىندا ورنالاسقان ەسكى مەكتەپ عيماراتىنا جوندەۋ جۇمىستارىنا جۇمىسسىزدىق ەسەبىنەن 10- ادام جۇمىسپەن قامتىلىپ، ىشكى مونتاجداۋ جۇمىستارى جۇرگىزىلۋدە.
ءوز كەزەگىندە مۇنايلى اۋدانى جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى گۇلباقىت اقنيازوۆا دا 9 جوبا بويىنشا ايتىپ بەردى. «اتامەكەن اۋىلدىق وكرۋگىنە 3-شاقىرىم اۆتوكولىك جولىنىڭ قۇرىلىسىنا جۇمىسپەن قامتۋ ورتالىعى ارقىلى 3- ادامعا جولداما بەرىلىپ، قۇرىلىس جۇمىستارىن جۇرگىزۋگە ءتيىستى قۇجاتتارى ازىرلەنۋدە»، - دەدى گۇلباقىت اقنيازوۆا.
كاسپيي سۋ تۇشىتۋ زاۋىتىنان باتىر اۋىلدىق وكرۋگىنە دەيىنگى 7،5 شاقىرىم ماگيستارلدى سۋ قۇبىرىنا اعىمداعى جوندەۋ جۇمىستارىن جۇرگىزۋ ءۇشىن قۇجاتتاندىرۋ («كازاۆتودور» اق، ارنايى بايلانىس، «كازترانسگازايماق» اق-نان كەلىسىم الۋ) جۇمىستارى جۇرگىزىلۋدە.
ماڭعىستاۋ اۋىلىنان جاڭادان قۇرىلىسى سالىناتىن تۇرعىن ۇيلەرگە گاز جەلىسىنىڭ قۇرىلىسىنا جۇمىسپەن قامتۋ ورتالىعى ارقىلى 9 – ادامعا جولداما بەرىلىپ، قۇرىلىس جۇمىستارىن باستاۋ ءۇشىن قۇجاتتارى ازىرلەنۋدە.