ءابۋ ناسىر ءال-فارابيدىڭ 1150 مەرەيتويى اياسىندا ءابۋ ناسىر ءال-فارابيدىڭ 1150 مەرەيتويى اياسىندا «تۇلەكتەر كۇنى» اتالىپ ءوتتى.
ءال-فارابي اتىنداعى قازاق ۇلتتىق ۋنيۆەرسيتەتى جىل سايىن ءداستۇرلى تۇردە «تۇلەكتەر كۇنىن» اتاپ وتەدى. وسى جولى ونلاين فورماتتا وتكىزىلدى. فاكۋلتەتتە كەزدەسۋدى جوعارى وقۋ ورنىنا دەيىنگى ءبىلىم بەرۋ فاكۋلتەتىنىڭ دەكانى ج.ە.جاپپاسوۆ، بارشا ۋنيۆەرسيتەت جانە فاكۋلتەتتىڭ ۇستازدارىن، سونداي-اق فاكۋلتەتىمىزدى بىتىرگەن تۇلەكتەرگە قۇتتىقتاۋ جىلى لەبىزىن ءبىلدىردى. كەزدەسۋدىڭ بارىسىندا فاكۋلتەتىمىزدىڭ دەكانى ج.ە.جاپپاسوۆ جوعارى وقۋ ورنىنا دەيىنگى ءبىلىم بەرۋ فاكۋلتەتىنىڭ (بۇرىنعى شەتەل ازاماتتارىنا ارنالعان دايىندىق فاكۋلتەتىنىڭ) اشىلعانىنا 35 جىل، ءابۋ ناسىر ءال ءال-فارابيدىڭ 1150 جىلدىق مەرەيتويى، اباي قۇنانبايەۆتىڭ 175 جىلدىق مەرەيتويىنا بايلانىستى مەرەكەمەن كەزدەسۋگە كەلگەن قاتىسۋشىلاردى قۇتتىقتادى.
بۇل مەرەكەلىك شارانىڭ ماقساتى – ۋنيۆەرسيتەت قابىرعاسىنان ءبىلىم الىپ، تۇلەپ ۇشقان جاستارىمىزدىڭ ەلىمىزدىڭ ءار سالاسىندا (الەۋمەتتىك، عىلىم، ءبىلىم، رۋحاني، ت.ب) ءوز ۇلەستەرىن قوسىپ، ەل دامۋىنداعى ونەگەلى ىستەرىن ءىزباسارلارىنا ۇلگى ەتۋ، ناسيحاتتاۋ، جول كورسەتۋ، قامقورلىق جاساۋ. بۇل شارا الەمنىڭ ەكىنشى ۇستازى اتانعان، ءال-فارابي بابامىزدىڭ 1150 جانە ۇلى اباي اتامىزدىڭ 175 جىلدىق مەرەيتويىنا ارنالدى. اتاۋلى شارا ۋنيۆەرسيتەت رەكتورى ع.م. مۇتانوۆتىڭ جانە «تۇلەكتەر قاۋىمداستىعىنىڭ» پرەزيدەنتى ق.ءا.ءماميدىڭ قۇتتىقتاۋ سوزدەرىمەن اشىلدى. ودان ءارى جوعارى وقۋ ورنىنا دەيىنگى ءبىلىم بەرۋ فاكۋلتەتىنىڭ، جوعارى وقۋ ونىنا دەيىنگى دايىندىق كافەدراسىنىڭ مەڭگەرۋشىسى م.س.مىرزابەكوۆتىڭ قۇتتىقتاۋ سوزىمەن، سونداي-اق كەزدەسۋدىڭ ماڭىزدىلىعىنا توقتالدى.
ۋنيۆەرسيتەتتىڭ بارلىق فاكۋلتەتتەرىندە، بارلىق كافەدرالارىندا اتقارىلاتىن بۇل شارا - شىن مانىندە ماڭىزدى ءىس شارا. بۇل شارانىڭ ماڭىزدىلىعىنا توقتالساق، جىل سايىن وسى وقۋ ورنىن ءبىتىرىپ، قوعامعا ءبىلىمى مەن ەڭبەگىن بەرۋگە اتتانعان تۇلەكتەر 5 جىل، 10 جىل، 15 جىل جانە 20 جىلدان كەيىن ءوزى ءبىلىم العان ۋنيۆەرسيتەتىنە كەلىپ، ۇستازدارىمەن قاۋىشىپ، بيىل وقۋ ءبىتىرىپ جاتقان جاستارعا ءوز جەتىستىكتەرىن، ءوز ءومىر جولىن ۇلگى ەتە وتىرىپ، اق جول تىلەيدى، قايىرىمدىلىق كومەكتەر جاسايدى. كەزدەسۋگە كەلگەن، جوعارى وقۋ ورنىنا دەيىنگى ءبىلىم بەرۋ فاكۋلتەتىنىڭ تۇلەكتەرى دە ەلىمىزدىڭ ءار سالاسىندا ءوز ۇلەستەرىن قوسىپ جۇرگەن ازاماتتار. ولاردىڭ قاتارىندا «قامشى kz» اقپاراتتىق پورتالىنىڭ ديرەكتورى ءبىلال قۋانىش، م.و.اۋەزوۆ اتىنداعى ادەبيەت جانە ونەر ينستيتۋتىنىڭ عىلىمي قىزمەتكەرى نۇرجۇما ەلەسباي، بەلگىلى ءانشى، سازگەر ۇشقىن جامالبەك، بەلگىلى ونەرتانۋشى، دراماتۋرگ اننەس باعدات، اقىندار جاقسىلىق قاجىمۇرات، گۇلدەن ازىلبەك، اسقار اكىمبەك تاعى باسقا تۇلەكتەر قاتىستى. جوعارى وقۋ ورنىنا دەيىنگى ءبىلىم بەرۋ فاكۋلتەتىنىڭ ءدارىسحاناسى اۋقىمى كەڭ، الەمنىڭ ءار تۇكپىرىنەن كەلىپ ءبىلىم الىپ جاتقان جاستاردان تۇرادى. ءبىزدىڭ فاكۋلتەتتە شەتەلدەن كەلىپ ءبىلىم الىپ جاتقان قازاق جاستارى وتە كوپ. سوندىقتان ءبىز ءوز ۋنيۆەرسيتەتىمىزدى ۇشىرعان تۇلەكتەرىمىز ارقىلى تورتكۇل دۇنيەگە تانىتىپ، ءبىلىم مەن عىلىمنىڭ ءورىسىن كەڭگە جايىپ جاتقان فاكۋلتەتتىڭ ءبىرى بولىپ وتىرمىز. جۇڭگو، مونعوليا، اۋعانستان، وزبەكستان، تۇركمەنستان، تۇركيا، كورەيا، جاپون، گەرمانيا، ۇلىبريتانيا، شۆەسيا، ت.ب ەلدەردەن كەلىپ ءبىلىم الىپ، قازاق ءتىلى مەن تاريحىن، مادەنيەتىن ۇيرەنىپ، ريزا بولىپ اتتانعان قانشاما شەتەلدىك تۇلەكتەرىمىز دە بار. سولاردىڭ ءبىرى اۋعانستان يسلام رەسپۋبليكاسىنىڭ مادەنيەت جانە اقپارات ءبولىمىنىڭ باسشىسى، 2010 جىلعى تۇلەگىمىز راحيمۋللا حۋگياني قاتىستى. كەزدەسۋدە تۇلەكتەردىڭ قۇتتىقتاۋ بەينە جازبالارى، جوعارى وقۋ ورنىنا دەيىنگى دايىندىق كافەدراسىنىڭ جەتىستىكتەرى تۋرالى سلايدتار، فوتولار كورسەتىلدى. كەزدەسۋدە فاكۋلتەتتىڭ جانە كافەدرانىڭ ۇستازدارى اتىنان پروفەسسور ق.ا.اققوشقاروۆا تۇلەكتەرگە ءوز جىلى لەبىزىن ءبىلدىردى. ال بيىلعى جوعارى وقۋ ورنىنا دەيىنگى دايىندىق كافەدراسىن ءبىتىرۋشى شاكىرتتەردىڭ اتىنان گۇلدەن كوپشىكباي ابايدىڭ «كوزىمنىڭ قاراسى» ءانىن شىرقاسا، جاندوس قۇماربەك كەلگەن قوناقتارعا العىس ءبىلدىردى.
تۇلەكتەرگە ارنالعان كەزدەسۋدىڭ شىمىلدىعىن «ارمانداستار» انىمەن جاپتى. مودەراتور جاننا سايىن قىزى كەلگەن قوناقتارعا تولاعايلى تابىس تىلەپ، ءوز العىسىن ءبىلدىردى. وسى كەزدەسۋدە بارلىق جاعىنان باعىت-باعدار بەرىپ، تۇلەكتەردى ۋنيۆەرسيتەتىمىزدىڭ ۇلكەن ارناسىنا توعىستىرىپ وتىرعان ۋنيۆەرسيتەت باسشىلارىنا العىسىمىز شەكسىز. تۇلەكتەر كەزدەسۋى - وزدەرى ءبىلىم العان ىستىق ۇياسىنا دەگەن ساعىنىش پەن قۇرمەتتىڭ بەلگىسى. ءبىلىم العان وقۋ ورىندارىنا ەل ازاماتى بولىپ ورالىپ، تۇلعا بولىپ قالىپتاسقانىن قوعامدا اتقارىپ جاتقان ناقتى ىستەرىمەن كورسەتەدى. ارتتارىنان ەرىپ كەلە جاتقان ءىنى-قارىنداستارىنا ۇلكەن ءومىر جولىندا دۇرىس جولدى تاڭداۋدا ۇلگى بولادى. ونلاين تۇردە وتكەن سالتاناتتى جيىن ءوز ماقساتىنا جەتتى دەپ ايتا الامىز.
ءال-فارابي اتىنداعى قازۇۋ رەكتورى ع.م.مۇتانوۆتىڭ ۋنيۆەرسيتەت تۇلەكتەرىن قۇتتىقتاۋ ءساتى
مودەراتور: ءادىلحانوۆا جاننا سايىن قىزى بارلىق تۇلەكتەردى كەزدەسۋ كەلۋلەرىمەن قۇتتىقتاۋ ءساتى
فاكۋلتەت دەكانى جاپپاسوۆ جارىلقاسىن ەركىن ۇلى ۋنيۆەرسيتەت باسشىلارى مەن ۇستازداردى، بارشا تۇلەكتەردى مەرەكەمەن قۇتتىقتاۋ ءساتى
ءال-فارابي اتىنداعى قازۇۋ تۇلەكتەر قاۋىمداستىعىنىڭ پرەزيدەنتى ق.ءا.ءماميدىڭ قۇتتىقتاۋ ءساتى
ءال-فارابي اتىنداعى قازۇۋ جوعارى وقۋ
ورنىنا دەيىنگى ءبىلىم بەرۋ فاكۋلتەتى
دەكاننىڭ وقۋ-ادىستەمەلىك جانە تاربيە
جۇمىسى جونىندەگى ورىنباسارى م.ب.ءامىرحانوۆ
پىكىر قالدىرۋ