"قايىرىمدىلىق جاسا – قايىرىن ءوزىڭ كورەسىڭ!" الماتى وبلىسىندا مۇقتاج جاندارعا كومەك قولىن سوزىپ، جاردەمدەسۋشىلەر قاتارى كۇن ساناپ ارتىپ كەلەدى. سولاردىڭ ءبىرى - «ليدەر نسك» ج ش س ديرەكتورى نۇربولات كارىموۆ.
كاسىپكەر بۇل جولى تالعار قالاسىنداعى تاعى ءبىر وتباسىن قۋانتتى. باقىتگۇل ماسىلبايەۆانىڭ وتباسىنا كوگىلدىر وتىنعا تۇتىناتىن قوندىرعىنى ساتىپ الىپ بەردى. باقىتگۇل ماسىلبايەۆا – ءۇش بالا تاربيەلەپ وتىرعان انا. بىرەۋى – مۇگەدەك. بۇگىنگە دەيىن ءۇيىن گازعا قوسۋ ءۇشىن جالعىز باستى انا كۇن-تۇن دەپ ءبىر ءوزى قارجى جيناپ كەلدى. ەندى، مىنە، قايىرىمدى جانداردىڭ ارقاسىندا كومىر تاسۋ وت جاعۋ ماشاقانىنا قۇتىلىپ وتىر.
– مەنىڭ قۋانىشىمدا شەك جوق، ەندى ۇيىمىزدە گاز بولادى. بالالاردى جالعىز تاربيەلەپ وتىرعاندىقتان، ماعان ءبارىن ءبىر ءوزىم جاساۋ قيىن بولعانى راس. اسىرەسە، قىس كەزىندە. كەيدە وتىن، كومىر تاۋسىلىپ قالعاندا قاتتى قينالاتىنمىن. گاز ءتىپتى جاقسى بولدى. كومىرگە توننالاپ العاندا قارجى كوپ كەتەتىن. ەندى گازدا اقشا دا ۇنەمدەلەدى. وتباسىما وسىنداي قۋانىش سىيلاپ وتىرعان كاسىپكەرلەرگە جەرگىلىكتى ازاماتتارعا ايتار الىسىم شەكسىز، - دەدى باقىتگۇل ماسىلبايەۆا.
جالعىز باستى اناعا قازاندىقتى ورناتۋعا جانە بارلىق قاجەتتى قۇجاتتاردى جاساۋعا تالعار قالاسى اكىمدىگىنىڭ قىزمەتكەرلەرى كومەكتەسەتىن بولادى. ايتا كەتسەك، نۇربولات كارىموۆتىڭ يگىلىكتى ءىسى بۇل عانا ەمەس. مۇمكىندىگىنشە، ءار كەز كومەك كورسەتۋگە دايىنمىن دەيدى كاسىپكەر. وسى وتباسى تۋرالى بىلگەندە مەن ولارعا كومەكتەسۋگە شەشىم قابىلدادىم. قىس كوزى قىراۋدا كومىر تاسىپ، پەشتىڭ وتىن قىزدىرىپ وتىرۋ، ارينە، قيىن، وڭاي جۇمىس ەمەس. ءارى ءقاۋىپتى. ءقازىر مۇمكىندىك كوپ قوي. گاز قوسىپ السا، ەڭ ىڭعايلىسى وسى، – دەيدى نۇربولات كاريموۆ.
پىكىر قالدىرۋ