"جولاۋشىلار تاسىمالى" اكسيونەرلىك قوعامى قالا ماڭىنداعى پويىزداردا ۆاگونعا وتىرعىزۋدىڭ بالامالى مۇمكىندىگى پايدا بولعانىن حابارلادى.
ەندى جولسەرىكتىڭ موبيلدىك تەرمينالى ارقىلى جولاۋشىنىڭ ءموبيلدى قۇرىلعىسىنان ەلەكتروندىق جەكە كۋالىكتىڭ QR-كودىن وقۋ ارقىلى جولاۋشىلاردى ۆاگونعا وتىرعىزۋعا بولادى.
"دەرەكتەردى ۆەريفيكاسيالاۋ كەزىندە جولاۋشىنىڭ سايكەستەندىرىلۋى جانە ونىڭ جول ءجۇرۋ دەرەكتەمەلەرى راستالادى. بۇل مۇمكىندىك وتىرعىزىلۋدىڭ بالامالى نۇسقاسى جانە جولاۋشىعا جەكە كۋالىگىن ۇسىنباۋعا مۇمكىندىك بەرەدى. ونى پايدالانۋ ءۇشىن جولاۋشىنىڭ ءموبيلدى قۇرىلعىسى جانە وتىرعىزۋ كەزىندە ۇيالى بايلانىسىنداعى ينتەرنەت جەلىسى قوسىلىپ تۇرۋى قاجەت. 2021 جىلدىڭ ماۋسىم ايىنىڭ باسىندا موبيلدىك تەرمينالدىڭ جاڭارتىلعان نۇسقاسىن ىسكە قوسۋ جوسپارلانىپ وتىر" دەلىنگەن "جولاۋشىلار تاسىمالى" اكسيونەرلىك قوعامى تاراتقان اقپاراتتىق حابارلامادا.
پىكىر قالدىرۋ