Tesla جانە SpaceX كومپانياسىنىڭ باس ديرەكتورى يلون ماسك 1 ءتۆيتىن ساتاتىنىن جاريالاعان سوڭ، كوپ وتپەي ونى 1 ميلليون دوللارعا ساتىپ الۋ تۋرالى ۇسىنىس ءتۇستى.
ماسك دۇيسەنبى كۇنى ءوزىنىڭ تۆيتتەر پاراقشاسىندا "مەن بۇل ءاندى NFT (ساندىق اكتيۆ) رەتىندە ساتامىن" دەدى.
ول ساتىلىمعا شىعارعان ءان ماتىنىندە "كومپيۋتەرلەر ەشقاشان ۇيىقتامايدى... راستالدى. بۇل كەپىلدەندىرىلگەن" دەگەن سياقتى سوزدەر بار.
ساتىلىمعا قاتىسۋشىلاردىڭ ءبىرى يلون ماسكتىڭ تۆيتىندەگى تەحنو ءان مەن ىلەسپە بەينەكليپتى ساتىپ الۋعا ميلليون دوللاردان استام قاراجات ۇسىندى.
دەگەنمەن ماسك جاۋاپ بەرىپ، ويىن وزگەرتكەنىن مالىمدەدى.
سەيسەنبى كۇنى ماسك تۆيتتەردە "شىندىعىندا، مۇنى ساتۋ دۇرىس ەمەس سياقتى سەزىلەدى" دەپ جاريالادى.
NFT – كەسكىندەر مەن بەينەكليپتەردى بەينەلەۋ ءۇشىن قولدانىلاتىن ەرەكشە كريپتو-اكتيۆتەر. ولاردى فيزيكالىق كوللەكسيالار سياقتى ساتىپ الۋعا جانە ساتۋعا بولادى. NFT-لەر ورتالىقتاندىرىلماعان سيفرلىق جۇيەدە نەمەسە بلوكچەيندە جۇمىس ىستەيدى.
ايتا كەتەيىك، جاقىندا عانا يلون ماسكتىڭ قالىڭدىعى ءوزىنىڭ اندەرى مەن باسقا دا شىعارمالارىنىڭ NFT نۇسقاسىن ساتۋعا شىعارعان.
پىكىر قالدىرۋ