قازاقستاندىق بوكسشى، ريو-2016 وليمپياداسىنىڭ كۇمىس جۇلدەگەرى ۆاسيليي ليەۆيت توكيو وليمپياداسىنان شىعىپ قالدى.
91 كەلىگە دەيىنگى سالماقتاعى وتاندىق بوكسشى يسپانيالىق ەممانۋەل رەيەسكە جول بەردى. ول ەكىنشى راۋندتا نوكاۋتقا ءتۇستى.
ۆاسيليي ليەۆيت مەدالعا تالاس جولىنداعى قازاقستاننىڭ باستى ۇمىتتەرىنىڭ ءبىرى بولعان.
بۇگىن سونداي-اق 69 كەلى سالماق دارەجەسىندە سىنعا تۇسكەن ابىلايحان ءجۇسىپوۆ امەريكالىق دجونسون دەلانتەمەن كەزدەسىپ، 1:4 ەسەبىمەن جەڭىلىپ قالدى.
ال ساكەن بيبوسىنوۆ، سەرىك تەمىرجانوۆ، زاكىر سافيۋللين كەلەسى كەزەڭگە جولداما الدى.
توكيو وليمپياداسىندا بوكستان قازاقستاننىڭ ەرلەر قۇراماسىنان 8 سپورتشى ونەر كورسەتەدى.
پىكىر قالدىرۋ