«ىلە» وقۋ-جاتتىعۋ ورتالىعىندا جانە قۇرلىق اسكەرلەرى اسكەري ينستيتۋتىنىڭ پوليگونىندا قازاقستان مەن تۇركيا قارۋلى كۇشتەرىنىڭ «قابىلان جولى - 2015» بىرلەسكەن حالىقارالىق وقۋ-جاتتىعۋى مارەگە جەتتى. بۇل تۋرالى قامشى پورتالى قازاقپاراتقا سىلتەمە جاساي وتىرىپ حابارلايدى.

ون كۇن ىشىندە ەكى ەلدىڭ ارنايى ماقساتتاعى بولىمشەلەرى، ق ر قك اۋە قورعانىسى كۇشتەرىنىڭ اۆياسياسى سودىرلاردىڭ شارتتى بازاسىن جويۋ، وق اتۋلاردى، 3 000 - 4 000 مەتر بيىكتىكتەن پاراشيۋتتەن سەكىرۋدى ورىندادى، سونداي-اق 50 شاقىرىمدىق مارش جاسادى.   بارلىعى پراكتيكالىق ەپيزودتارعا شامامەن 170 جاۋىنگەر، 20-عا جۋىق بىرلىك اۆتوموبيلدىك جانە 10 بروندى تانكتى تەحنيكا، بەس بىرلىك ماڭدايشەپتىك جانە ارميالىق اۆياسيا تارتىلدى، دەپ حابارلايدى ق ر قم باسپا ءسوز قىزمەتى.

 وقۋ-جاتتىعۋ اۋە قورعانىسى كۇشتەرىمەن ءوزارا ءىس-قيمىلدا كۇندىزگى جانە تۇنگى ۋاقىتتا وتكىزىلدى. ارنايى ماقساتتاعى بولىمشەلەر لازەرلىك ماقسات كورسەتكىشتەردى قولدانا وتىرىپ، ماڭدايشەپتىك اۆياسيانى كەلتىرۋدى جۇزەگە اسىردى. سۋ-27 جاۋىنگەرلىك ۇشاقتارىنىڭ جۇبى بومبالىق سوققىمەن بەرىلگەن نىسانالاردى ءساتتى جويىپ وتىردى. ناتيجەسىندە قازاقستان مەن تۇركيانىڭ ارنايى ماقساتتاعى بولىمشەلەرى قويىلعان تاپسىرمالاردى ورىنداپ شىقتى. «قابىلان جولى - 2015» وقۋ-جاتتىعۋى بيىلعى جىلى العاش رەت وتكىزىلگەنىن ايتا كەتكەن ءجون. ول اسكەري قىزمەتشىلەردىڭ كاسىبي قاسيەتتەرىن جانە جاۋىنگەرلىك ماشىعىن ارتتىرۋعا، ەكى ەلدىڭ قارۋلى كۇشتەرىنىڭ ىنتىماقتاستىعىن نىعايتۋعا ىقپال ەتەدى.