كوكتەم تۋا اۋىل-ايماقتاردا باستالعان «مەرەيلى وتباسى» بايقاۋى كۇنى كەشە استانادا مارەسىنە جەتتى. ەلىمىزدىڭ بارلىق وڭىرىنەن بيىلعى بايقاۋعا قاتىسۋعا 2 مىڭنان استام وتباسى نيەت ءبىلدىرىپتى. بۇل تۋرالى قامشى پورتالى ايقىن-اقپاراتقا سىلتەمە جاساپ حابارلايدى.

سولاردىڭ اراسىنان سۋىرىلىپ شىققان 16 وتباسى وتكەن سەنبى كۇنى استانادا باس قوستى. 

ون التىنىڭ ىشىندەگى ەڭ ۇزدىك اۋلەتتى انىقتاۋ ءۇشىن 2-11 قىركۇيەك ارالىعىندا sms جانە ينتەرنەت ارقىلى داۋىس بەرۋ وتكەن-دى. «قازاقستان» ورتالىق كونسەرت زالىندا وتكەن «مەرەيلى وتباسى» ۇلتتىق بايقاۋ جەڭىمپازىن انىقتاۋ سالتاناتىندا حالىقتىق داۋىس بەرۋدىڭ ناتيجەسى جاريا ەتىلدى. سونىمەن، بيىل ماڭعىستاۋلىق قۇلسارييەۆتار اۋلەتى جەڭىمپاز اتاندى. 

...قازاقستاندا قىركۇيەكتىڭ ەكىن­ءشى جەكسەنبىسىندە اتالىپ وتەتىن «وتباسى كۇنى» مەيرامىنا وراي بىل­تىردان بەرى وتكىزىلە باستاعان باي­قاۋدىڭ باستى ۇيىمداستىرۋ­شى­سى پرەزيدەنتتىڭ ءوزى دەۋگە بولادى. بىلتىر العاش رەت ۇيىمداستى­رىل­عان بايقاۋعا مەملەكەت باسشىسى­نىڭ ءوزى كەلىپ، جەڭىمپاز اۋلەتتىڭ يە­سىنە شاعىن اۆتوبۋستىڭ كىلتىن تاپ­سىرعانى ەستە. ال بيىل جەڭىمپاز ءاۋ­لەتتەرگە ارنايى قۇتتىقتاۋ حات جول­دادى. پرەزيدەنتتىڭ بايقاۋ جەڭىم­پازدارىنا  جولداعان سالەمىن مەملەكەتتىك حاتشى گۇلشارا ءاب­ءدىقا­لىقوۆا وقىپ بەردى.
«بۇگىنگى مەرەيلى كۇندە ءاربىر قا­زاقستاندىق وتباسىنا قاجىرلى ەڭ­بەك، تاعىلىمدى تاربيە، ىزگى ءداس­تۇرلەر ساباقتاستىعىن لايىقتى جال­عاستىرىپ كەلە جاتقانى ءۇشىن زور ريزاشىلىعىمدى بىلدىرەمىن. بە­رىك وتباسىلىق قۇندىلىقتار ار­قى­لى عانا مەملەكەتتىڭ ىرگەسى مى­عىم، عۇمىرى ماڭگى بولادى» دە­ءلىن­گەن قۇتتىقتاۋدان سوڭ ەلىمىزدىڭ 14 وب­لىسى مەن استانا، ال­ما­تى قا­لا­لارىندا وتكەن بايقاۋدا جەڭىمپاز اتانعان 16 وتباسىعا سىي-سياپات تا­بىس ەتىلدى. 
گۇلشارا ناۋشا قىزى 16 وتبا­سى­نىڭ بارلىعىن ساحناعا شاقى­رىپ، پرەزيدەنت جانىنداعى ايەلدەر ىستەرى جانە وتباسىلىق-دەموگرا­فيا­لىق ساياسات جونىندەگى ۇلتتىق كو­ميسسيانىڭ بايقاۋ ديپلومىمەن، سون­داي-اق LG-ەلەكترونيكس كوم­پا­نياسىنىڭ سوڭعى ۇلگىدەگى تەلە­دي­دا­رىن تارتۋ ەتتى. ون التى وتباسىنىڭ وسالى جوق، ولاردىڭ قاي-قايسىسى دا ۇزدىك اتانۋعا لايىق اۋلەتتەر.

سوندىقتان ءبىز بۇگىن ولاردىڭ ەسىمىن تاسقا جازۋدى ءجون كوردىك. سونىمەن، استانا قالاسىنان ەلەۋسىنوۆتەر، الماتى قالا­سى­نان ءالياقپاروۆتار، اقمولا وبلىسىنان كاكەنوۆتەر، اقتوبە وبلىسىنان كوفلەر، الماتى وبلىسىنان وسپانوۆتار، اتىراۋ وبلىسىنان قاناتبايەۆتار، باتىس قازاق­-ستان وبلىسىنان كەنجەبايەۆتار، جامبىل وبلىسىنان مولدابايەۆتار، قاراعاندى وب­لىسىنان مۋسيندەر، قىزىلوردا وبلىسى­نان ايىمبەتوۆتەر، قوستاناي وبلىسىنان تولەگەنوۆتەر، ماڭعىستاۋ وبلىسىنان قۇل­سارييەۆتەر، سولتۇستىك قازاقستان وبلىسى­-نان مامبەتوۆتەر، وڭتۇستىك قازاقستان وب­لىسىنان قۋاتبەكوۆتەر، پاۆلودار وبلى­-
سىنان امىرەنوۆتەر، شىعىس قازاقستان وب­لىسىنان سوسنوۆسكييلەر ەلىمىزدەگى وتباسى ينستيتۋتىنىڭ دامۋىنا ۇلەس قوسىپ ءجۇر دەپ ۇيالماي ايتا الامىز. سەبەبى ولار ءۇشىن شى­نايى وتانسۇيگىشتىك، جوعارى رۋحاني-ادام­­گەرشىلىك قاسيەت، بىلىمگە دەگەن قۇش­تار­لىق پەن ەڭبەكقورلىق ەڭ باستى قۇندى­لىق سا­نالادى. ءبىزدىڭ بايقاعانىمىز، بۇ­لاردىڭ باسىم بولىگى اۋىلدان شىققان، اراسىندا پەداگوگتار، عالىمدار، شاحتەرلەر، مۇناي­شىلار، كەنشىلەر، تەمىرجولشىلار، ءما­دە­نيەت جانە اگروونەركاسىپ سالاسىنىڭ قىز­مەتكەرلەرى، تۋعان اۋىلىنىڭ دامۋىنا زور ۇلەس قوسىپ جۇرگەن كاسىپكەر اۋلەتتەر دە بار. قارايسىڭ دا، قىزىعاسىڭ. بۇگىنگى الەمدى بۇلىنۋدەن، ادامزاتتى رۋحاني كە­دەيلەنۋ-
دەن ساقتاپ تۇرعان وسى جاندار ەكەنىن مو­يىندايسىڭ. سول سەبەپتى دە ءبىز ءۇشىن ولار­­دىڭ بارلىعى دا ۇزدىكتەر. دە­گەن­مەن، بايقاۋ شارتىنا ساي تەك ءبىر اۋلەت قانا باس جۇلدە­-
گە يە بولۋى ءتيىس. بيىل بۇل باقىت ونلاين جۇيەسى ارقىلى بەرىلگەن 78 مىڭعا تارتا داۋىستىڭ 25 مىڭنان استامىنا يە بولعان قۇلسارييەۆتەر اۋلەتىنە بۇيىردى. مەم­لە­كەتتىك حاتشى گۇلشارا ءابدىقالىقوۆا – قۇل­سارييەۆتەر اۋلەتىنىڭ ۇلكەنى ورىن اقسا­قال-
عا قازاقستاندا شىعارىلعان «IVECO» شاعىن اۆتوبۋسىنىڭ كىلتىن تابىس ەتتى. 
جەڭىمپاز اۋلەتتىڭ يەسى ورىن اتاي مەن قۇندىز اجەي – بۇگىندەرى 12 بالادان 46 نە­مەرە، 43 شوبەرە ءسۇيىپ وتىرعان باقىتتى شاڭىراق يەلەرى. قۇلسارييەۆتەر اۋلەتىن ماڭعىستاۋلىقتار تەگىس تانيدى، ەندى رەس­پۋبليكا جۇرتى بىلەتىن بولدى. ويتكەنى، بۇل اۋلەت ەل اراسىندا «ماڭعىستاۋ مارجاندارى» ءانسامبلى رەتىندە كەڭىنەن تانىمال. ان­سام­ءبلدىڭ نەگىزىن قالاعان ورىن اقساقالدىڭ 
77 جاسىندا ينستيتۋتقا ءتۇسىپ، جوعارى ءبىلىم العانى دا ايتىپ جۇرەر اڭگىمە دەرسىز. ورىن اتايدىڭ ءومىربايانىنداعى ەلەڭ ەتكىزەر دە­رەكتەر مۇنىمەن بىتپەيدى. 1986 جىلى ال­جيردە وتكەن ح حالىقارالىق فەستيۆالدە ديپلومانت اتانعان. بۇگىندەرى 84 جاسىندا حالىق وركەسترىن باسقارىپ وتىرعان وتاعاسى «قۇرمەت» وردەنىمەن ماراپاتتالعان، ماڭ­عىستاۋ وبلىسىنىڭ قۇرمەتتى ازاماتى، «اعا دومبىراشى» قۇرمەتتى اتاعى تاعى بار. 
 قۇندىز اجەيمەن 65 جىلدان بەرى ءتاتۋ-تاتتى عۇمىر كەشىپ كەلە جاتقان اقساقال ءالى دە شيراق. ماراپاتتاۋ راسىمىنەن سوڭ بالا-شاعاسىن جيناپ الىپ، قۇتتىقتاۋشىلار ال­دىندا دومبىرا تارتىپ، ءان شىرقاپ بەر­گەنى ءبارىمىزدى ءتانتى ەتتى. بۇگىنگى تاڭدا اكە­لەرىنىڭ ونەر جولىن ءۇش قىزى جالعاستىرىپ ءجۇر، ال ءتورت بالاسى مۇناي-گاز سالاسىندا جۇمىس ىستەيدى، قالعاندارى – ءبىلىم بەرۋ، دەنساۋلىق ساقتاۋ، قۇرىلىس، قارجى سالا­لا­رىندا قىزمەتتە. 
ەلدىڭ ءبارى ورىن اقساقالدى اينالدى­رىپ تۇرعاندا، ءبىز قۇندىز اجەيدى سوزگە تار­تىپ، ءبىر شاڭىراق استىندا 65 جىل ءتاتۋ-تاتتى ءومىر ءسۇرۋدىڭ قۇپياسىن سۇرادىق.
– بار قۇپياسى – ۇلكەندەردى تىڭداۋدا، ۇلكەندەردى سىيلاۋدا. ءبىز اتاڭ ەكەۋمىز قۇر­داسپىز. ءبىزدى بالا كۇنىمىزدە انالارىمىز قۇداعي بولامىز دەپ سىرتتان قوسقان ەكەن. 18 جاسقا كەلگەن سوڭ ۇيلەندىك. سودان جامان بولعان جوقپىز. بۇگىن باقىتتان توبەم كوككە ءبىر ەلى جەتپەي تۇر، شىراعىم. 
– كولىكتى بولىپ جاتىرسىزدار، قۇتتى بولسىن! ەندى ول اۆتوبۋستى كىم ءجۇر­گىزەدى؟
– ماشينانى اتاڭ جۇرگىزەدى دە، مەن ال­دىندا وتىرامىن (كۇلىپ الدى). اتاڭ ءالى جۇ­مىس ىستەيدى عوي. كولىكتى دە جۇرگىزە بەرەدى. 
– جاستارعا قانداي اقىل-كەڭەس ايتا­-سىز؟
– اقىلدان بۇرىن تىلەك ايتايىن، ءبىزدىڭ باقىتىمىزدى سەندەرگە بەرسىن. ەلباسىعا راقمەت ايتامىن، سونى جازىپ قوي، جاراي ما؟ جاستار ۇلكەندەردى تىڭداسىن، وزدەرى قوسىلىپ الىپ، ازدان سوڭ ايىرىلىسىپ كە­تەتىندەر بار، وندايدى قويۋ كەرەك. ودان دا ۇلكەندەردى تىڭداسىن، ودان جامان بول­مايدى، مىنە ءبىز جامان بولعان جوقپىز، ءوزىم دە كەلىنىمدى دە ايتتىرىپ العانمىن، – دەدى اجەي اعىنان جارىلىپ...