«نۇر وتان» پارتياسى ەلباسى ساياساتىن، ەلدىك مۇددەنى، ۇلتتىق يدەولوگيانى جۇزەگە اسىرۋدا قاشاندا بۇقارالىق اقپارات قۇرالدارىمەن تىعىز ارىپتەستىكتە جۇمىس ىستەۋگە ءازىر. بۇل تۋرالى قامشى پورتالى ايقىن-اقپاراتقا سىلتەمە جاساي وتىرىپ حابارلايدى.
الداعى ۋاقىتتا پارتيالىق الاڭدا ب ا ق باسشىلارىمەن تۇراقتى تۇردە كەزدەسۋ وتكىزىپ، اقپاراتتىق كەڭىستىكتەگى احۋالعا قاتىستى كەڭەس قۇرۋدى جولعا قويماقشى. مۇنداي باسقوسۋلاردى قوعامدىق ۇيىمداردىڭ، زيالى قاۋىمنىڭ وكىلدەرىمەن، كاسىپكەرلەرمەن دە جۇيەلى تۇردە ۇيىمداستىرۋ كوزدەلۋدە. بۇل ماسەلەلەر ساياسي ۇيىمنىڭ جاڭادان ءتۇزىلىپ جاتقان ءبىرىڭعاي مەديا ساياساتىندا قامتىلادى. بۇل تۋرالى استانادا قازاق حاندىعىنىڭ 550 جىلدىعى قارساڭىندا «نۇر وتان» پارتياسى ءتوراعاسىنىڭ ءبىرىنشى ورىنباسارى اسقار مىرزاحمەتوۆتىڭ رەسپۋبليكالىق بۇقارالىق اقپارات قۇرالدارى باسشىلارىمەن وتكەن بەيرەسمي كەزدەسۋىندە ايتىلدى.
بۇعان دەيىن مالىمدەلگەندەي، «نۇر وتان» قىزمەتىندە جاڭارۋ مەن جاڭعىرتۋ، تىڭ بەتبۇرىستار ورىن الماقشى. پارتيا مەملەكەتتىك باعدارلامالاردىڭ ورىندالۋىنا، مەملەكەت قارجىسىنىڭ ءتيىمدى جۇمسالۋىنا پارتيالىق باقىلاۋ مەن باعالاۋدىڭ تۇراقتى جۇيەسىن قالىپتاستىرىپ، سونىمەن بىرگە قوعامدىق قابىلداۋلاردىڭ جۇمىسىن كۇشەيتپەك.
باستاۋىش پارتيا ۇيىمدارىنىڭ جۇمىسىن جۇيەلەۋ، «جاس وتاننىڭ» قىزمەتىن جانداندىرىپ، جاستاردى ناقتى ىسكە جۇمىلدىرۋ، پارتيانىڭ پارلامەنتتەگى مۇمكىندىگىن بارىن-
شا كەڭىنەن پايدالانۋ، سىبايلاس جەمقورلىققا قارسى يدەولوگيا مەن جۇمىستى كۇشەيتۋ دە قولعا الىنباق. وسىناۋ ءىستىڭ ءتۇيىنى – ەلباسىنىڭ پارتيانىڭ سوڭعى بيۋروسىندا بەرگەن تاپسىرمالارىن جۇزەگە اسىرىپ، پارتيانى ودان ءارى نىعايتۋ.
پارتيا ءتوراعاسىنىڭ ءبىرىنشى ورىنباسارى بۇل باستامالاردى ىسكە اسىرۋدا پارتيا مەن بۇقارالىق اقپارات قۇرالدارىنىڭ بىرلەسكەن ءىس-قيمىلى اسا ماڭىزدى ەكەنىنە توقتالدى. سونداي-اق بۇگىندە پارتيانىڭ ءبىرىڭعاي جاڭا مەديا ساياسات ازىرلەپ جاتقانىن، وسىنىڭ اياسىندا ب ا ق پەن ءوزارا بايلانىستىڭ جاندانا تۇسەتىنىن ءمالىمدەدى.
«نۇر وتان» ەلدىڭ يگىلىگى جولىندا قاشاندا بۇقارالىق اقپارات قۇرالدارىمەن بىرلەسە جۇمىس ىستەۋگە ءازىر. پارتيانىڭ ماقساتى دا، بۇقارالىق اقپارات قۇرالدارىنىڭ ماقساتى دا بىرەۋ. ول – ەلىمىزدىڭ گۇلدەنۋىنە، تاۋەلسىزدىگىمىزدىڭ باياندى بولۋىنا، مەملەكەتتىگىمىزدىڭ نىعايۋىنا قىزمەت ەتۋ. سوندىقتان مۇنداي كەزدەسۋدى ەندىگى جەردە تۇراقتى تۇردە وتكىزىپ تۇرۋدى كوزدەپ وتىرمىز» دەدى ا.مىرزاح-مەتوۆ.
سونداي-اق ول ەلباسىنىڭ قازاق حاندىعىنىڭ 550 جىلدىعىنا ارنالعان سالتاناتتى جيىندا ايتقان كەلەلى وي-تولعامدارىن ب ا ق ارقىلى جۇرتشىلىققا كەڭىنەن ناسيحاتتاۋعا شاقىردى.
ب ا ق باسشىلارى بۇل باستامالار-دى قۇپ كورەتىنىن ايتا كەلە، كوكەيدەگى ساۋالدارىن دا قويا وتىردى.
رەسپۋبليكالىق «Central Asia Monitor» باسىلىمىنىڭ باس رەداكتورى بيگەلدى عابدۋللين «نۇر وتاننىڭ»
6 مىڭعا جۋىق باستاۋىش پارتيا ۇيىمى قوعامدا ۇلكەن كۇش ەكەنىنە توقتالا كەلە، الداعى ۋاقىتتا پارتيا وسى قۇرىلىمدارمەن جۇمىستى جانداندىرۋعا قانشالىقتى كوڭىل بولەتىنىن سۇرادى.
پارتيا ءتوراعاسىنىڭ ءبىرىنشى ورىنباسارى الداعى كەزەڭگە جوسپارلانعان جۇمىستاردىڭ باسىم باعىتتارىنىڭ ءبىرى وسى ەكەنىن ايتىپ، باستاۋىش ۇيىمداردىڭ جۇمىسىن جۇيە-
لەۋ، ورتالىق اپپارات پەن وڭىرلەر اراسىندا تىعىز بايلانىس ورناتۋ قولعا الىنىپ جاتقانىن مالىمدەدى. ول ءۇشىن ەڭ ءبىرىنشى ولارعا ءتيىستى جاعداي جاسالادى. ماتەريالدىق قولداۋمەن بىرگە مورالدىق ىنتالاندىرۋ دا قولعا الىنب ا ق. سونىمەن قاتار جەرگىلىكتى جەردەگى پارتيا بەلسەندىلەرىن دەپۋتاتتىققا، پارتيالىق جانە مەملەكەتتىك قىزمەتكە كەڭىنەن تارتۋ قاراستىرىلادى.
بۇدان سوڭ پىكىر الماسۋ وتاندىق اقپارات كەڭىستىگىندەگى احۋال، بۇقارالىق اقپارات قۇرالدارىنىڭ وزەكتى ءماسەلەلەرى جونىندە ءوربىدى.
بەلگىلى قالامگەر، «ارا» گازەتىنىڭ باس رەداكتورى كوپەن امىربەك باق-تى سىبايلاس جەمقورلىقپەن كۇرەستىڭ قۇرالى رەتىندە كەڭىنەن قولدانۋ ماسەلەءسىن كوتەرسە، قازاقستان جۋرناليستەر وداعىنىڭ باسقارما ءتوراعاسى سەيتقازى ماتايەۆ، «قازاقستان» رترك» اق باسقارما ءتوراعاسى نۇرجان مۇحامەدجانوۆا، «حابار» اگەنتتىگى» اق باسقارما ءتوراعاسى ايدوس ۇكىباي، «7 ارنا» تەلەارناسى ديرەكتورلار كەڭەسىنىڭ ءتوراعاسى بيبىگۇل جەكسەنباي، «ەۋرازيا» ءبىرىنشى ارناسى باس ديرەكتورىنىڭ ءبىرىنشى ورىنباسارى سۆەتلانا جالماعامبەتوۆالار بۇگىنگىدەي كۇردەلى كەزەڭدە پارتيانىڭ قوعامدى بىرلىككە جۇمىلدىرۋدا شەشۋشى ءرول اتقاراتىنىن، وسى ورايدا باق-پەن بىرلەسكەن ءىس-قيمىلدىڭ ماڭىزدىلىعىن ايتتى.
"قامشى" سىلتەيدى
پىكىر قالدىرۋ