ۇلتتىق ۋنيۆەرسيتەت – ۇلى دالانىڭ ءبىلىم شاڭىراعى. ادامزات تاريحىندا جەكە ادامنىڭ ينديۆيد قالپىنان تۇلعا تۇعىرىنا كوتەرىلۋ پروسەسىنە قوعامداعى ورىن الىپ وتىرعان جاعدايلار، وتباسىنداعى ءتالىم تاربيە، اتا-باباسىنان بەرىلەتىن گەنەتيكالىق ەرەكشەلىكتەر، دالالىق شەجىرەدەن بويىنا دارىعان قاسيەتتەر سونىمەن قاتار، وقۋ ورداسىنان العان پسيحيكالىق جاعداياتتار اسەر ەتەدى.
قازاق قاشاندا ۇرپاعىنىڭ تولىققاندى جەكە تۇلعا بولىپ قالىپتاسۋىنا اتسالىسىپ، بالا كەزىنەن ۇلتتىق تاربيەنى ەرتەگىلەر، جىرلار ارقىلى بويىنا ءسىڭىرىپ وتىرعان. ال وسى تۇلعانىڭ نەگىزگى كومپونەنتتەرى قالىپتاساتىن كەزەڭ – جاستىق كەزدە، ياعني كاسىپكە بەيىمدەلۋدەگى قۇندىلىقتىڭ دارىتىلۋىن قامتاماسىز ەتۋ ماقساتىندا وقۋشىلاردىڭ بىلىكتىلىگى مەن تاجىريبەسىنە زور ءمان بەرىلۋى ءتيىس. وسكەلەڭ ۇرپاقتى تاربيەلەۋ جانە وقىتۋ مۇعالىمدەردىڭ پەداگوگيكالىق شەبەرلىگىنە، وقۋ-ماتەريالدىق بازانىڭ تۇگەلدىگىنە، وقۋ باعدارلامالارىنىڭ ساپاسى مەن مازمۇنىنا بايلانىستى بولماق. جوعارى وقۋ ورىندارىندا كاسىبي دايىندىققا وقۋ پروسەسىن ۇيىمداستىرۋ ەرەكشەلىكتەرى، ۇستازدار مەن توپتاعى قارىم-قاتىناس ەرەكشەلىكتەرى، وقۋ-تاربيە ساعاتتارى ت.ب. شارالار اسەر ەتەدى.
قازىرگى تاڭدا قازاق ۇلتتىق ۋنيۆەرسيتەت ۇجىمى كوپۇلتتى قازاقستاننىڭ ەكونوميكالىق جانە مادەني وسۋىنە، ساياسي-قۇقىقتىق ومىرىنە، مادەنيەتىنە، عىلىم مەن ءبىلىم بەرۋ سالالارىنا وراسان ۇلەس قوسىپ، ەلىمىزدىڭ جوعارى ءبىلىم بەرەتىن وقۋ ورىندارىنىڭ بيىك شىڭىنا اينالىپ وتىر. ۋنيۆەرسيتەت كوپتەگەن شەتەلدىك جوو-لارمەن بىرلەسىپ جۇمىس جاسايدى. مۇندا وقيتىن ءاربىر ستۋدەنت شەتەلگە شىعىپ ءوز بىلىمدەرىن جەتىلدىرۋگە مۇمكىندىكتەرى بار. سونىمەن بىرگە ءقازۇۋ-نىڭ قالاشىق اۋماعىندا كوپتەگەن شارالار ۇيىمداستىرىلىپ، «كەرەمەت» ستۋدەنتتەرگە قىزمەت كورسەتۋ ورتالىعى اشىلعان. مۇندا ءتۇرلى ۇيىمداردىڭ، پاسپورتتىق ۇستەل، ستۋدەتتەرگە الەۋمەتتىك كومەك كابينەتتەرى جانە ت.ب ستۋدەنتتەرگە قىزمەت كورسەتۋ سالالارى جانە دە كينوتەاتر جۇمىس جاسايدى.
راسىمەن دە، وسىنداي جان-جاقتى رەسۋرستارمەن قامتاماسىز ەتىلگەن قالاشىقتى ەلەمەي وتۋگە بولمايدى. قايسى ءبىرىن الساقتا بارلىعى دا ستۋدەنتتەردىڭ قاجەتتىلىگىن قامتاماسىز ەتەدى. ۋنيۆەرسيتەتىمىزدە وقۋ جۇيەسى بولون ۇدەرىسى بويىنشا جۇزەگە اسىرىلادى. ءار ستۋدەنت ءوز لوگينى، ءپارولى ارقىلى كەز كەلگەن ۋاقىتتا وقۋ ۇلگەرىمىمەن تانىس بولا الادى. سونداي-اق، قوسىمشا تاپسىرمالاردى، قاجەتتى ماتەريالداردى، ءدارىستىڭ قىسقاشا سيپاتتاماسىن لەزدە ەلەكتروندىق جۋرنال ارقىلى كورە الادى.
بۇل مۇمكىندىك ستۋدەنتتەردىڭ تەحنولوگيالىق قۇرىلعىلاردى جەتىك مەڭگەرۋىمەن قاتار، ۋاقىتىن ۇنەمدەۋگە كومەكتەسەدى. قارا شاڭىراقتىڭ قولاستىنا جيىلعان جيىرما مىڭعا جۋىق ىزدەنۋشىنىڭ تالابىن تاۋعا قاراي دومالاتار جاعدايدىڭ بارلىعى دا جاسالعان. تاريحى تەرەڭدە جاتقان قازۇۋ-دى ءبىر ساتكە كوز الدىنا ەلەستەتكەن تالاپكەردىڭ بولاشاعى جارقىن بولارىن دا بىلەتىن شىعار.
توقسانبايەۆا ن.ق. ءال-فارابي اتىنداعى
قازۇۋ-دىڭ جالپى جانە قولدانبالى پسيحولوگيا
كافەدراسىنىڭ پروفەسسورى
پىكىر قالدىرۋ